Коби Брајант, кој во 2020 година загинаа во хеликоптерска несреќа заедно со неговата ќерка Џиана и уште седум лица, постхумно беше примен во кошаркарската Куќа на славните. Целата церемонија беше реализирана осум месеци подоцна од првичниот датум поради памндемијата со Ковид-19. Брајант пет пати ја освојуваше титулата во НБА лигата а 18 пати играше на ол-стар натпреварите. Тој беше прогласен за МВП на сезоната 2007/08. Покрај него, во класата 2020 нови членови на Куќата на славните во Спрингфилд се и кошаркарите Кевин Гарнер, Тим Данкан, тренерот Руди Томјанович, колеџ тренерот Еди Сатон, тренерите на женските колеџ екипи Ким Малки и Барбара Стивенс, кошаркарката Тамика Качинс и поранешниот генерален секретар на ФИБА, Патрик Бауман.

Првото четвртфинале помеѓу екипите на Пелистер и на Навико Академија ФМП донесе големи возбудувања на теренот во СРЦ „Кале“.
Помалку и изненадувачки, во 7. минута од играта, Навико Академија ФМП имаше водство од (19:13). „Пелистерци“ делуваа доста стегнато, особено во фазата на нападот. Беа казнети со уште една тројка (втора) од Атанасов, за (14:22), и тајм-аут на Марјан Илиевски, кој по долга пауза се врати на клупата на „зелено-белите“. Без особено ефект затоа што „црно-белите“ во таа одлична четвртина, имаа и слични (25:18), за тој дел од играта го решат во своја корист, но со нешто пониски, но солидни, (25:21).
Дури по серијата од (8-0), на 2:14 минути пред крајот на полувремето Пелистер поведе, со минимални (48:47), за прв пат во првите 20.минути.Тука битолчани не застанаа, ја продолжија серијата која им донесе уште повисоки (55:49), по што тренерот на скопската екипа, Александар Петровиќ, за кратко време ја „потроши“ и втората минута за одмор. Ефикасната втора четвртина заврши со предност на Пелистер (57:53).
„Пенал-серијата“ продолжи до самиот крај, и донесе доста нервоза, на двете страни од теренот. Нерешено (96:96) беше и на 1:19 минута до крајот на играта.
А потоа моментот на одлука. Тројка на Крстајиќ на истек на нападот, за (99:96) на 8.5 секунди до крајот!
Л.Стојановски „потроши“ три секунди,и го испрати Калахан на линијата за слободни фрлања. Беше мирен Американецот (за 98:99). Крстајиќ половичен за (100:98), но доволно за големо славење на „академиците“.

Тогаш кога помисливме дека Бертомеу воспостави одредени правила на игра како се влегува во Евролигата, се случи ново изненадување. Она што сега се најавува е уште „побомбастично“ од досегашните. Шпанскиот „Мундо Депортиво“ пренесува нови информации на таа тема, дека наводно се подготвува нов план за Евролигата во кој од сезоната 2023/24 веќе нема да има место за второто натпреварување, Еврокупот. Целта е Евролигата да се формира како затворено натпреварување, во кое сите клубови учесници ќе имаат долгогодишна лиценца, при што Еврокупот ќе ја загуби својата цел како натпреварување од кое би се пристапувало кон елитата, како што оваа сезона направија Монако и Уникс. Споменатиот извор открива дека пред неколку недели клубовите кои сега имаат лиценца, тие 11, извршија притисок врз Бертомеу да започне со спроведување на оваа идеја, во спротивно се заканија со барање за негово заминување од највисоката функција во Евролигата. Додатна причина зошто се бара укинување на Еврокупот се финансиите, бидејќи на Еврокупот годишно се трошат 7 милиони евра, а приходот е значително помал, наводно околу три милиони.

На 13. состанок на Бордот на ФИБА Европа беа донесени уште неколку особено важни одлуки.
Најважната е за оној младински сегмент во кој ФИБА Европа одобри алтернативен формат за европските првенства.
Со оглед на не баш идеалната слика со Ковид-19 вирусот во најголем дел од европските држави, ова лето, наместо стандардните евро-шампионати, вкупно 16. во обете конкуренции, ќе се играат помали турнири, т.н. „челенџери“.
– Настаните ќе се играат на база на „волонтеризам“,а промоциите/испаѓањата ќе бидат „замрзнати“ во сите три дивизии „А“, „Б“ и „Ц“.
– Најдоброрангираните 18 тима (актуелните 16 од Дивизијата „А“, плус два дополнителни тима според ранкингот од 2019) ќе играат три турнири со по шест селекции-партиципиенти.
-Останатите регистрирани тимови, рангирани од 19.позиција па надолу, ќе играат на турнир на кои ќе има по шест селекции-учесници.
– Еден од турнирите со шест тима, ќе биде креиран со најслабо рангираните тимови кои се дел од Дивизијата „Ц“, односно „малите земји“.
– Сите натпревари на овие турнири ќе се играат според „Раунд-Робин“ формат.
Бордот исто така го одобри предлогот, на домаќините на младинските Европските првенствa во 2021 година, што нема да се одржат, да им се овозможи прв пристап за организирање на соодветните настани во 2022 година. Слично на тоа, Бордот одлучи раните назнаки за турнирите во 2022 година да бидат одложени за 2023 година.

На својот последен состанок, Бордот на европскиот дел од ФИБА донесе една исклучително битна одлука. Имено, прифатен е предлогот кој вели дека и претквалификациите за Светскиот Куп 2023, ќе се играат во сега добро познатите „балони“. Наместо размена на домаќинства, 12. селекции кои се дел од вториот претквалификациски циклус за места во оние „главни квалификации“, ќе играат на четири одвоени турнири од „затворен тип“ во периодот од 12. до 18. август, 2021 година. Местата на одигрување на т.н. „балони“ ќе бидат дополнително одредени, откако ќе бидат разгледани сите пријави за организација-домаќинство. Ова се доста променети услови за машката сениорска репрезентација, која според првичниот план на ФИБА, во периодот од 11. до 28. август требаше да ги одигра четирите средби од „Ф“ квалификациската група во која се уште и репрезентациите на Швајцарија и на Словачка. Првопласираните две селекции од секоја од четирите групи одат во следниот, квалификациски формат за пласман на Светскиот Куп кој ќе се одржи во 2023 година, во три различни земји, Јапонија, Филипини и Индонезија.

Во наредните пет дена, односно по одигрувањето на натпреварите од Плеј-аут лигата, е бидат познати двете екипи кои и во следната натпреварувачка сезона ќе бидат дел од Првата лига-мажи, како и две кои ќе мора да се префрлат во понискиот ранг на натпреврување – Втората лига.
Од денеска, со натпреварите Кожув-Црн Дрим Грин мобиле и МЗТ Скопје Уни Банка – Вардар, стартуваат елиминациите.
Согласно со Пропозициите, Плеј-аут серијата ќе се игра според принципот „подобар од три“. Местото во елитата ќе го задржат екипите кои први ќе стигнат до две победи.
Од 17.часот, во Гевгелија, екипата на Кожув го пречекува Црн Дрим Грин мобиле.
Гевгеличани завршија со скор (10-12), но тоа не беше доволно за да се избори место во првата „осумка“. Па за опстанокот ќе треба да биде подобра од стружани, кои пак во последниот месец направија уште неколку промени во ростерот со кои ќе атакуваат на изненадување во оваа завршна серија во сезоната.
Уште повозбудлива, се чини, ќе биде серијата во која вечерва (од 19.15 часот), ќе ја отворат екипите на МЗТ Скопје Уни Банка и на Вардар.
Младиот состав од Аеродром ќе проба да ги повтори претходните иданија кои и ги донесоа до бројката од шест победи, или две повеќе во однос на нивниот вечерашен ривал, кој важи за нешто поискусен, но не е и во улога на фаворит во оваа серија која ќе биде доста изедначена, со оглед на приближниот квалитет кој го поседуваат скопските ривали.

Дресот на најдобриот кошаркар на сите времиња, Мајкл Џордан кој го носел на колеџ е продаден на аукција за неверојатни 1,38 милиони долари.
Станува збор за дресот во кој Џордан одиграл натпревари на колеџ во Северна Каролина, па не е чудно што достигнал рекорден износ, поголем од било кој негов дрес во НБА лигата.
Покрај ова, дресот е дел од гарнитурата во која Северна Каролина играла во сезоната 1982/83, кога Џордан е прогласен за играч на годината во НЦАА лигата и во кој се појави на насловната страна на магазинот Спортинг њуз по тој повод.
„Како што сама по себе кажува и финалната понуда која е прифатена, овој дрес е се она што еден сериозен колекционер сака да го има.“ – изјавил Крис Ајв од аукциската куќа Херитеџ.

Стив Неш, кој со неговиот Бруклин се наметнува како фаворит за освојување на шампионскиот прстен, се изрази ласкаво за играчот на Денвер, Никола Јокиќ. „Јокиќ е МВП годинава. Игра на високо ниво, има континуитет, од почетокот до крајот, ги прави соиграчите подобри – нагласи Неш откако неговиот тим во текот на ноќта славеше токму на дуелот со Денвер. Српскиот интренационалец, Никола Јокиќ, кој игра на центарските позиции беше избран како 41-ви пик на драфтот од страна на Денвер Нагетс во 2014 година.

Екипата на Ангели ќе игра во финалето на плеј-офот за пополнување на двете места во Првата лига-мажи за наредната натпреварувачка сезона 2021/2022.
По триумфот од (65:62) на свој терен, против екипата на Чаир 2030, ја затворија полуфиналната серија со максимални 2-0, доволно да го обезбедат статусот на прволигаши.
Иако имаа постојана резултатска предност, кошаркарите на Ангели дозволија гостите од Чаир да стигнат до егал резултат, а последните мигови да го одлучат победникот на средбата.
Кој ќе им биде противник во финалето, кое ќе има ревијален карактер, ќе биде познато по одигрувањето на третиот дуел во серијата помеѓу екипите на Партизан Водно Санс и Феникс 2010.
Кошаркарите на Партизан Водно Санс се издигнаа по дебаклот во првиот меч од серијата, и на осум секунди пред крајот стигнаа до водството (73:72), кое го одбранија, и на тој начин изедначија во серијата на (1-1), која сега се сели одново на теренот на Феникс 2010, каде ќе се игра т.н. „мајсторка“.