Ману Џинобили е првото име на листата за прием во кошаркарската куќа на славните во Спрингфилд за 2022 година.

Славниот аргентински кошаркар, имаше богата клупска и репрезентативна кариера. Играјќи во Европа најголемиот свој успех го оствари со клубот Виртус кога во 2001 година ја освои Евролигата и беше најкорисен играч на турнирот.

Во НБА лигата пристигна во 2002 година каде 16 години настапуваше за тимот на Сан Антонио Спарс. Со екипата од Тексас освои четити шампионски титули, а во 2008 е прогласен за најдобар шести играч.

Со репрезентацијата на Аргентина е освојувач на олимписко злато во 2004 година.

Кошаркаскиот состав на Портланд, објави дека Демиен Лилард нема да игра до крајот на сезоната.

31-годишниот играч кој има шест настапи на така наречениот „Ол-стар“ меч се  опоравува од операцијата на стомакот.

Лилард во сезонава во НБА одигра 29 натпревари со просек од 24 кошеви и 7,3 асистенции. Портланд има само теоретски шанси да обезбеди место во разигрувањето за титулата.

Дурант казнет со 25.000 долари од бордот на НБА лигата

Кошаркарот на Бруклин Нетс, Кевин Дурант, беше казнет со 25.000 долари од НБА лигата поради употреба на непристојни зборови кон навивач на натпревар претходно оваа недела. Инцидентот се случи при поразот на домашен терен на Бруклин од Далас Маверикс со 111-113.

Дурант на натпреварот заврши со 23 поени, 10 скока и 6 асистенции.

Тренерот на Сан Антонио Спарс, Грег Попович, наскоро најверојатно ќе ја напушти функцијата.

Според инсајдерот Марк Стајн, главен кандидат за местото на Попович е Квин Снајдер, кој ја води Јута од 2014 година.

Под водство на Снајдер, тимот на Џезерие се пласираше во плејофот петпати по ред и продолжува да зазема високи позиции во поредокот.

Војната во Украина има и големо влијание врз спортот, голем број спортисти беа принудени да ја напуштат Русија, меѓу нив беше и кошаркарот Габирел Ифе Лундберг.

Лундберг ја напушти Москва поради санкциите кон руските клубови, а сега кариерата ја продолжи не било каде туку во НБА. Негов нов клуб ќе биде Феникс со кој потпиша договор до крајот на сезоната.

Во Евролигата Лундберг постигнуваше во просек во 9.1 поени по натпревар. Оштетата за да го напушти тимот од Москва ја плати самиот тој.

Кошаркарот од Грузија, Торнике Шенгелија, е нов играч на Виртус од Болоња. Тој се одлучи на овој трансфер откако ја напушти екипата на ЦСКА Москва поради воениот напад над Украина. 

Искусниот Шенгелија со сигурност ќе му помогне на екипата од Италија како во домашното првенство така и во кошаркарскиот Евро Куп.

Грузиецот има богата кошаркарска кариера со искуство од играње во европски екипи како и настапи за тимови од НБА лигата.

Центарот на Денвер Нагетс, Никола Јокиќ, забележа 46 поени, 12 скока, 11 асистенции, 3 украдени топки и 4 блокади на синоќешниот меч против Њу Орлеанс и стана само вториот играч во историјата на НБА, по Вилт Чембрлен, кој забележал трипл-дабл од 45 поени со 70% шут од поле (16 од 22 од поле).

Во четвртата четвртина и продолжението Јокиќ постигна вкупно 30 поени. По 64 натпревари, Денвер е шести во западната конференција со 38 победи и 26 порази, а Јокиќ и оваа година е главен претендент за признанието МВП на сеозната.

Центарот ДеАндре Џордан кој пред само неколку дена го заврши престојот во ЛА Лејкерс, ќе ја продолжи својата кариера во Филаделфија, објави инсајдерот на Атлетик, Шамс Шаранија.

Џордан за тимот од Лос Анџелес одигра 32 натпревари, со просек од 4,1 поен и 5,4 скока за 12,8 минути.

Тој веројатно ќе биде регистриран на местото на центарот Вили Коли-Стајн, кој играше за 76-те со десетдневен договор.

Никола Јокиќ е на прагот да потпише супермаксимален, петгодишен договор со Денвер Нагетс, според кој треба да заработи 241 милион долари!

Оваа информација ја пренесе агентот на српскиот кошаркар, Мишко Ражнатовиќ во интервју за подкастот „Урбонас“, чиј водител е познатиот кошаркарски новинар Донарас Урбонас.

„Според нашите очекувања, договорот треба да биде потпишан на лето. Тој го заслужува максимумот“, изјави Ражнатовиќ гостувајќи во подкаст со новинар од Литванија.

Она што дополнително привлекува внимание е коментарот на Боби Маркс, специјалист за финансии во НБА лигата. Тој истакна дека договорот на Никола ќе биде најголемиот во историјата на лигата, бидејќи досегашниот рекорд го држи Јанис Адетокумбо.

Белград ќе биде домаќин на завршниот турнир на кошаркарската Евролига за 2022 година.Турнирот требаше да се одржи во германскиот Берлин, но наместо тоа беше преместен во главниот град на Србија. Дополнително се изврши и промена на датумите на одигрување. Полуфиналните натпревари ќе се играат на 19. мај, а натпреварот за третото место и финалето се закажани за 21 мај.

Раководството на Евролигата се согласи да го премести турнирот од Берлин поради анти ковид мерките и здравствените правила кои се на сила во главниот град на Германија. Овој потег ќе им овозможи на повеќе навивачи да ги следат натпреварите во живо.

Белград беше домаќин на фајнал фор турнирот и во 2018 година, кога победник беше екипата на Реал Мадрид.