Ако за новиот договор на Кендрик Нан веќе се беше познато и се чекаше само на официјализација, Јанакопулос денеска на својот инстаграм профил потврди дека американскиот поентер и во следните три сезони ќе го носи зелено-белиот дрес.

Многу поголемо изненадување е вториот ас – турскиот репрезентативец Џеди Осман кој исто така го продолжува престојот во Атина, и тоа за дополнителни две сезони.

Осман минатото лето реши да си замине од НБА и го избра токму Панатинаикос за следна дестинација. Тој во просек игра по 18 минути во Евролигата, реализирајќи по 7,9 поени и 2,4 скокови, но тренерот Атаман е убеден во квалитетите на својот сонародник.

Српскиот кошаркар, Василије Мициќ, може да го напушти составот на Феникс и НБА лигата и да се врати на стариот континент.

Наводно за неговите услуги е заинтересиран тимот на Хапоел Тел Авив кој аплицираше за тригодишна лиценца за учество во Евролигата.

31-годишниот плеј-мејкер во 2024 година се пресели во најсилната лига во светот кога го облече дресот на Шарлот. Една година подоцна Мициќ замина во Феникс.

Победникот од четвртфиналната серија меѓу грчки АЕК и француски Нантер ќе биде организатор на фајналфор турнирот во Лигата на шампионите, соопштија од ФИБА.

Четвртфиналните серии се играат до две победи, а АЕК е за нијанса поблиску до организација на фајналфорот бидејќи ќе има предност на домашен терен за евентуалната „мајсторка“.

„Фајнал-фор“ турнирот на кошаркаскиот настан ќе се одржи од 8 до 11 мај.

По серијата лоши резултати, Денвер Нагетс му врачи отказ на првиот тренер Мајк Мелоун.

Оваа информација ја објави познатиот НБА инсајдер Шамс Чаранија, кој работи за „ESPN“.

Мелоун беше тренер на Денвер 10 години, почнувајќи од 2015 година, кога во тимот од Колорадо пристигна Никола Јокиќ.

Тие „пораснаа“ заедно и за една деценија заедничка работа го донесоа единствениот шампионат на Нагетс во 2023 година.

Тој му „помогна“ на Јокиќ да освои три МВП награди и многу влијаеше на неговиот развој и игра.

Сепак, резултатите на Денвер не се најдобри во последно време и челниците на франшизата решија да го отпуштат Мелоун. Пред Денвер, тој работеше во сезоната 2013/2014 како тренер на Сакраменто Кингс.

Претходно беше асистент во Голден Стејт Вориорс, Њу Орлеанс Хорнетс, Кливленд Кавалирс, Њујорк Никс, како и во Менхетен, Провиденс.

Денвер моментално се наоѓа на четвртото место во западниот поредок со 47 победи и 32 порази.

Денвер Нагетс се наоѓа во серија од четири порази едно по друг. Евидентен е недостатокот на Џамал Мареј на паркетот без кој Србинот не успева да му донесе триумф на својот тим.

Канаѓанецот последниот натпревар го одиграна 26. март против Милвоки, натпревар на кој заработи повреда на задната ложа на десната нога, а и покрај тоа што предвидувањата беа дека станува збор за полесна повреда, се воспостави дека е поголем проблем.

„Се надевам дека ќе се врати во плеј-офот. Чудна повреда. Мислиме дека лесно ќе ја помине, но не е така. Не сме „внимателни“ со него, туку тој навистина е повреден. „Внимателни“ сте кога играчот може да игра, а вие сакате да бидете паметни. Тоа не е случајот. Шест тима се борат за четири места во плеј-офот. Немаме причина зошто да го одмараме“, изјави Малоун.

Универзитетот Флорида успеа да ја освои титулата во НЦАА откако победи во финалето против Хјустон Кгуарс со резултат 65-63.

Гејторс претходно ги победија Норфолк Стејт, бранителот на титулата Конектикат, Мериленд, Тексас Тек, Обурн на патот до нивната трета титула во НЦАА.

Хјустон Кугуарс го имаа последниот напад на мечот, го имаа нападот за победа, но многу лошо го организираа и не успеаја да реализираат на радост на навивачите на Флорида во „Аламодом“ во Сан Антонио.

За МВП на завршниот турнир беше прогласен Волтер Клејтон Јуниор од шампионот Флорида, кој во финалето забележа 11 поени со 5 скока и 7 асистенции. Поефикасен од него беше Вил Ричард со 18 поени, а Алекс Кондон додаде 12. Кај поразениот тим двоцифрен беше единствен Ел Џеј Крајер со 19 поени и 6 скока.

Селекторот на турската кошаркарска репрезентација и тренер на Панатинаикос, Ергин Атаман, ги демантираше гласините дека Американецот Кендрик Нан ќе го облече дресот на националниот тим.

Се шпекулираше дека Нан би можел да заигра за Турција на претстојното ЕП, но Атаман веднаш ги отфрли овие наводи.

„Турција има еден важен натурализиран кошаркар, а тоа е Шејн Ларкин. Во моментов не ја разгледуваме опцијата за ангажман на друг играч. Нан е неверојатен и неговиот квалитет е неспорен, но сега нема ништо да менуваме“, изјави селекторот. на оваа репрезентација

Во НБА лигата познати се сите учесници во разигрувањето.

Во плеј-ин на Истокот ќе се сретнат Орландо Меџик (7) и Атланта Хокс, односно Чикаго Булс (9) и Мајами Хит (10). Победникот од натпреварот помеѓу 9-от и 10-от ќе се сретне со поразениот од мечот помеќу 7-от и 8-от.

Победникот ќе игра во плеј-офот со најдобриот тим од регуларниот дел на сезоната Кливленд Кавалирс.

Победникот од мечот помеѓу 7-от и 8-от на истокот ќе се сретне со актуелниот првак Бостон Селтикс (2). Другите двојки од плеј-офот во Источната коференција ги сочинуваат Индијана Пејсерс (4) – Милвоки Бакс (5), односно Њујорк Никс (3) – Детроит Пистонс (6).

На Западот во плеј-ин ќе се сретнат Милвоки (9) и Сакраменто Кингс (10), односно Лос Анџелес Клиперс (7) и Мемфис Гризлис (8). Победникот од натпреварот помеѓу 9-от и 10-от ќе се сретне со поразениот од мечот помеќу 7-от и 8-от. Победникот ќе игра во плеј-офот со најдобриот тим од регуларниот дел на Западот – Оклахома Тандер, додека победникот од мечот помеѓу 7-от и 8-от на истокот ќе се сретне со Хјустон Рокетс (2). Плеј-офот на Западот го комплетираат ЛА Лејкерс (3) – Минесота Тимберволфс (6) и Денвер Нагетс (4) – Голден Стејт Вориорс (5).

Плеј-ин турнирот се игра од 15-18 април, а плеј-офот стартува на 19 април.

Родриг Бобоа, еден од најискусните играчи на тимот, мораше да го напушти теренот поради повреда во текот на третата четвртина, и тоа во моменти кога играше одлично.

Тој беше изнесен од теренот во инвалидска количка, а првичните прогнози велат дека сезоната за него е веројатно завршена.

Процесот на рехабилитација веќе започна, а повреден е листот на левата нога.

Иако има 37 години, Родриг Бобоа оваа сезона настапуваше одлично во Евролигата со просек од 8.9 поени, 1.4 скока и 1.6 асистенции по натпревар.

Одлични вести за навивачите на Њујорк Никс во очекување на стартот на плеј-офот. Имено, најдобриот поентер Џејлен Брансон е блиску до враќање на терените по повредата.

Брансон ќе тренира за првпат по повредата во петок и се очекува да биде под знак прашалник за настап веќе на саботниот натпревар против Атланта.

Брансон се опоравува од истегнување на десниот зглоб, но ќе биде комплетно подготвен за стартот на разигрувањето за титулата.