Сопред пишувањата во шпанска „Марка“, тренерот на Барселона има желба да го доведе Алвара Мората.

Шпанскиот фудбалер е член на Атлетико Мадрид, но веќе втора сезона игра како позајмен играч во екипата на Јувентус. Од „Старата дама“ најавуваат дека немаат намера да го откупат договорот на Мората па така изгледа дека тој ќе мора да побара нов клуб.

Чави веќе стапил во контакт со Мората за да ја дознае неговата намера за во иднина. 

29-годишниот Алваро Мората својата кариера ја започна во Реал Мадрид, а има настапувано и во Премиер лигата како член на Челзи.  

Тренерот на Манчестер Сити, Пеп Гвардиола, инсистира на тоа дека битката за титулата во Англија не завршена, откако неговиот тим после победата над Брентфорд со 1:0, остана сам на врвот од првенствената табела со осум бодови предност.

Двата најсериозни конкуренти за титулата прокоцкаја важни бодови во нивните поледни натпревари. Ливерпул доживеа пораз од Лестер Сити, додека Челзи играше нерешено со Брајтон.

Манчестер Сити успеа да ја забележи десеттата последователна победа во Премиер лигата.

„Остануваат уште 54 поени за освојување. Значи, кога ќе се погледне од таа перспектива, осумте бода предност се апсурдни. Но, победивме десет последователни натпревари и тоа е една од нашите цели. Немаме многу време зато што на 1 јануари играме против Арсенал, кој се наоѓа во одлична форма, веројатно нивната најдобра во последните четири, пет или шест години. Значи, ова е уште една победа, сега одмараме и се опоравуваме“, изјави Гвардиола.

Челниците на Борусија Дортмунд се нестрпливи да го дознаат планот на Ерлинг Халанд за тоа каде мисли да ја продолжи својата фудбалска кариера.
Голем број врвни тимови се поврзуваат со напаѓачот, вклучувајќи ги Барселона, Реал Мадрид, Манчестер Сити, Ливерпул, Манчестер Јунајтед и Пари Сен Жермен.
Халанд има договор со Борусија до 30 јуни 2024 година, но постои клаузула во договорот која му овозможува заминување во друг клуб кој би платил 75 милиони евра следното лето.
Од Борусија Дортмунд не сакаат да го продадат играчот и ќе се обидат да го задржат барем уште една година. Норвешкиот напаѓач засега одбива да одговори какви се неговите планови.
Поради оваа причина клубот му поставил рок на Халанд, до кога тој мора да ги открие на раководството своите планови за следната сезона. Според некои информации рокот е февруари 2022.
На овој начин Борусија ќе има време да реагира и да најде соодветна замена за него во летниот трансфер период.

Иднината на Бернардо Силва во Манчестер Сити е неизвесна, а Португалецот и минатото лето размислуваше да ја промени средината. Бернардо Силва оваа сезона е еден од најдобрите фудбалери во Премиер лигата, а сега откри дека минатото лето имал понуда од шпански клуб.

Португалецот признава дека му се допаѓа идејата да се пресели во Примера, бидејќи така ќе биде поблиску до семејството.

„Се зависи, постојат и лични причини кои се многу важни. На пример би бил поблиску до семејството“, изјави Силва.

Бернардо Силва има договор со Сити до 2025 година, а „граѓаните“ сигурно нема лесно да се откажат од него и ќе направат се за да го задржат.

Адем Љајиќ ќе го напушти Бешикташ во јануари и е во потрага по нов клуб, пренесуваат италијанските медиуми.

Поранешниот српски репрезентативец е надвор од плановите во Бешикташ. Не се вклопи во идеите на Јалчин, а истото го очекува и кај привремениот менаџер Ундер Каравели кој ќе го води тимот до крајот на сезоната. Поради тоа Љајиќ е во потрага по излезе од црно-белиот табор и веќе им порачал на своите претставници да му пронајдат нова средина.

Наводно контакти имало со Болоња и Џенова, но засега немало одговор. Михајловиќ и Љајиќ се во добар однос со Михајловиќ, двајцата имаа одлична соработка во Торино во периодот кога Љајиќ играше одличен фудбал.

Инаку, сезонава Љајиќ не настапи на ниту еден натпревар во дресот на Бешикташ.

Според информациите на „Газета дело Спорт“, поради рестриктивните мерки од корона кризата, капацитетите на стадионите во Италија повторно ќе се намалат на 50 проценти.

Новите мерки ќе се однесуваат на сите спортски настани и објекти во земјата.

Досега, на стадионите беше дозволено исполнетост од 75 %.

Новите мерките ќе стапат на сила од 6 јануари.

Тренерот на Челзи, Томас Тухел не ја криеше разочараноста од пропуштеното водство за победа над Брајтон во натпреварот кој заврши 1:1.

Челзи во дополнителното време од натпреварот, прими гол за израмнување и не успеа бодовно да се доближи до лидерот на табелата, Манчестер Сити.

„Беше доста разочарувачки, но дадовме се од себе“. Знаевме дека ќе биде тежок натпревар против незгоден противник ноуспеавме да направиме големи шанси. Ги надминавме тешките моменти од натпреварот и имавме можност за победа,но на крајот мораше да се задоволиме со бод. Имаме играчи кои не можат да издржат повеќе од 60 минути. Се уште не ги знаеме деталите за Рис Џејмс и Кристијан Пулишиќ. Мора да најдеме подготвени играчи за натпреварот со Ливерпул. Повредена ни е целата бековска линија, играчите се враќаат по опоравувањето од коронавирусот, а ние играме и играме“, потенцираТухел.