Манчестер Сити е силно заинтересиран за левиот бек на Милан, Тео
Хернандес, пренесуваат медиумите на Островот.
Гвардиола е во потрага по квалитетен лев бек и често импровизира на
таа позиција оваа сезона, па тоа ќе биде приоритет во летниот
преоден рок. Французинот игра фантастично и се етаблираше во еден
од најдобрите леви бекови во Ервопа, па е прва желба на Гвардиола.
„Граѓаните“ се спремни да понудат 60 милиони фунти за неговиот
потпис, но Милан не сака да слушне за негова продажба.
Тео неодамна стави потпис на нов договор до 2026 година и
„росонерите“ се спремни да ја одбијат секоја понуда

Арсенал спрема големо засилување во нападот во летниот преоден
рок.
Англиските медиуми пренесуваат дека прва желба е ѕвездата на Баер
Леверкузен, Муса Диаби, кого Арсенал го сакаше и во зимскиот
преоден рок. 23-годишниот крилен напаѓач игра фантастично и го
привлече вниманието на многу европски гиганти, но Арсенал сака да
ја победи конкуренцијата.
Французинот во досегашниот дел од сезоната има 12 гола и 7
асистенции, но Леверкузен за неговата слобода бара 100 милиони
евра.
Арсенал ја загуби битката за Мудрик, па сега ќе направи се за да го
доведе Дијаби, а за неговиот потпис е спремен да плати 70 милиони
евра.

Селекторот на Франција, Дидие Дешамп проговори за можноста
напаѓачот Килијан Мбапе и играчот од средниот ред Адриен Рабио да
станат нови капитени на националниот тим.
„Кој ќе биде капитен? Имам неколку играчи на кои размислувам.
Килијан е еден од нив. Треба да разговарам за ова со него пред да ја
донесам мојата одлука. Ова е клучен момент. Да се ​​биде капитен
доаѓа со важни обврски, но прво сакам да разговарам со играчот пред
да донесам одлука. Може ли Адриен Рабиот да биде капитен? Има
одредено искуство, добро се познаваме, може да биде лидер, но не
знам дали навистина сака да биде капитен во душата. Ако сè остане
како што е сега, тогаш ова веќе ќе биде доволно. Различни капитени
за различни натпревари? Можеби, но претпочитам да делам помеѓу
капитенот и заменик-капитенот, имајќи јасен избор“, изјави Дидие
Дешамп.

Интер на лето е спремен да го продаде Марсело Брозовиќ. Хрватот оваа сезона не е во добра форма и поради повреда често е надвор од терените. Тренерот Инзаги на неговата позиција го стави Чалханоглу, кој одлично го замени Брозовиќ.

Хрватот е еден од најплатените фудбалери во тимот, има договор до 2026 година, па Интер е спремен да го продаде на лето.

Италијанските медиуми пренесуваат дека најсилен интерес за него покажува Јувентус, а и самиот Брозовиќ сака да остане во Италија.

Фудбалерот на Челзи, Хаким Зијеш, може да се врати во неговиот претходен состав, Ајакс, велат последните информации од Англија.

„Копјаниците“ и во претходното лето сакаа да го ангажираат Мароканецот но, „сините“ не се согласија со условите за трансфер.

Брзоногиот напаѓач кој не успеа да се наметне на „Стемфорд Бриџ“, претходно имаше одлична кариера во Ајакс. Тој за 4 години забележа 165 мечеви со ефект од 49 гола и 81 асистенција.

Челзи нема да го откупи Денис Закарија, кој пристигна на „Стенфорд Бриџ“ на позајмица од Јувентус.

26-годишниот играч за врска пристигна на „Стенфорд Бриџ“ од Јувентус во последните денови од летниот преодниот рок. И покрај многуте повредени фудбалери во средниот ред Закарија не добива голема минутажа во Челзи.

Швајцарецот не е во плановите на тренерот, па Челзи нема да ја искористи опцијата за откуп и ќе го врати во Јувентус.

Јасно е дека за него во Јувентус нема место во моментов, па ќе мора на лето да си бара нов клуб.

Тренерот на Тотенхем, Антонио Конте изјави дека клубот сака напаѓачот Хари Кејн да ја заврши кариерата во лондонскиот тим.

„Иднината на Хари? Мислам дека ова е прашање за клубот. Сигурен сум дека раководството сака да го задржи Хари Кејн до крајот на неговата кариера. Затоа што кога имате таков играч, напаѓач од светска класа како него, сакате тој да остане тука до крајот на кариерата. Од друга страна, знаете фудбалот понекогаш е непредвидлив, но јас не сум тој што треба да одлучува за ова прашање. Оваа одлука ќе остане кај клубот и самиот Хари“, изјави Конте за „Скај Спортс“.

Актуелниот договор на Хари Кејн со Тотенхем е до летото 2024 година. 29-годишниот напаѓач сезонава забележа 27 настапи во англиската Премиер лига, постигна 20 гола и имаше две асистенции.

Луѓето од Арсенал испратиле скаути да го следат настапот на  бразилското крило Пепе на мечот со Интер во Лигата на шампионите.

26-годишниот фудбалер на Порто дефинитивно влегува во радарот на Микел Артета кој има одредени проблеми по страничните позиции. Пепе по дефиниција е десно крило но, може да игра и на левата страна.

Тој откако пристигна на „Драгао“ во 2021 година, има 84 настапи, 11 голови и 14 асистенции.

Спортскиот директор на Борусија Дортмунд, Себастијан Кел неодамна изјави дека клубот ќе се обиде да го задржи Џуд Белингам.

Белингам се етаблираше во еден од најголемите европски таленти, па гигантите водат голема битка за неговиот потпис. Германските медиуми пренсуваат дека раководството на Дортмунд ќе има средба со Белингам после паузата за репрезентации и се очекува конечна одука на фудбалерот.

Во Дортмунд веруваат дека шансите за негово останување се 50/50 бидејќи му доставија богата понуда за продолжување на соработката.

Меѓутоа, Белингам има понуди од Реал Мадрид, Манчестер Сити и Ливерпул, па конечната одлука ќе ја донесе на крајот на месецот.