Милан е силно заинтересиран за играчот за врска на Ливерпул, Наби Кеита, пренесува „Калчомеркато“.

Кеита на крајот на сезоната влегува во последната година од договорот, но нема намера да преговара со Ливерпул за продолжување на неговиот престој на „Енфилд“.

Кеита не е задоволен од својот статус во тимот и минутажата која ја добива, па е спремен да ја промени средината на крајот на сезоната.

Диего Коста би можеле повторно да го гледаме во Европа после сезоната во која му помогна на Атлетико Минеиро да стигне до шампионската титула во Бразил.

Коста долго време беше без клуб откако го раскина договорот со Атлетико Мадрид. Шанса доби во Бразил во редовите на Атлетико Минеиро и солидно. На 19 натпревари Коста беше стрелец на пет гола.

Според информациите од Шпанија Кадиз и Елче ја следат ситуацијата со Коста и постои можност да го вратат на Пиринеите во зимскиот преоден рок.

Коста во Шпанија во два периода како играч на Атлетико Мадрид постигна 83 гола на 216 натпревари.

Се поизвесно е дека Еден Азар ќе го напушти Реал Мадрид на крајот на сезоната, а Анчелоти веќе ја избрал неговата замена.

Германски „Билд“ тврди дека Квинсли Коман нема намера да го продолжи договорот со Баерн Минхен и на крајот на сезоната најверојатно ќе биде продаден. Договорот на Коман истекува 2023 година, па се поизвесно е дека на лето ќе биде продаден, бидејќи влегува во последната година од договорот.

Французинот преку својот агент Пини Захави му се понидил на Реал Мадрид, а Анчелоти сака да го доведе независно од доаѓањето на Килијан Мбапе.

Се очекува на крајот на сезоната Азар и Бејл да го напуштат „кралскиот“ клуб, па Реал сака покрај Мбапе да донесе уште еден врвен фудбалер.

Напаѓачот на Фиорентина, Душан Влаховиќ постигна гол во 18. коло од Серија А против Сасуоло (2-2). За 21-годишниот фудбалер на Фиорентина ова беше гол број 33 во италијанската елита во 2021 година.

Напаѓачот го повтори резултатот на поранешниот напаѓач на Јувентус, Кристијано Роналдо по бројот на голови во Калчото за една календарска година, што Португалецот го забележа во 2020 година. Поранешниот напаѓач на Торино Омар Сивори беше првиот кој постигна 33 гола во 1961 година. Само двајца играчи имаат повеќе голови во една календарска година во Серија А.

Тоа се најдобриот стрелец на Милан Гунар Нордал со 36 гола во 1950 година и напаѓачот на Торино Феличе Борел со 41 гол во 1933 година.

Барселона очигледно нема да може да го продаде дефанзивецот Самуел Умтити, бидејќи нема интерес од други клубови. Освојувачот на Светското првенство со Франција има 133 настапи за Каталонците во текот на пет и пол години на „Камп Ноу“.

Сепак, Французинот го одигра својот прв натпревар во 2021 година на 12 декември, бидејќи беше повреден или не беше дел од плановите на тренерите, Роналд Куман и сега Чави.

И покрај тоа што централниот дефанзивец си ја намали платата, „Спорт“ пренесува дека клупските челници не успеваат да најдат клуб кој сака да го купи.

Артуро Видал во јануарскиот преоден рок би можел да го напушти Интер.

Чилеанскиот играч од средниот ред се смета за важен елемент во тимот на Симоне Инзаги, но секогаш е на клупата.

Тоа веројатно е причина за негово незадоволство. Затоа Видал сериозно размислува за заминување во јануари и засега имал понуда од Антонио Конте, за да му се придружи во Тотенхем во Премиер лигата, лига во која Чилеанецот досега не се обидел да заигра.

Легендата на бразилскиот фудбал Роналдо, продолжува со своите инвестирања во фудбалскиот бизнис. Популарниот „феномен“ веќе го поседува шпанскиот Реал Ваљадолид, но сега постигна договор и за купување на мнозинство од акциите во бразилскиот клуб Крузеиро.

Роналдо потврди дека постигнал договор со претседателот на клубот, Серхио Сантос Родриго кој бил склучен во Сао Паоло. Самиот играч има настапувано за Крузеиро во сезоната 1993/94.

Деталите се уште не се познати, но Роналдо ќе купи 90 % од акциите на клубот со што ќе стане мнозински сопственик. 

“Многу сум среќен што го реализирав овој договор. Му должам многу на Крузеиро и сакам да го вратам клубот таму каде што припаѓа, во бразилската елита. Но, имаме многу работа да завршиме. Ги повикувам навивачите да се вратат на стадионот бидејќи потребна ни е нивната поддршка и единство“, изјави легендарниот Роналдо.

Српскиот напаѓач во дресот на Фиорентина, Душан Влаховиќ, го изедначи рекордот на Кристијано Роналдо во Серија А, постигнувајќи 33 гола во една календарска година. 

Толкав број на голови нема постигнато ниту еден играч во италијанската лига дури од 1961 година. 

Влаховиќ оваа сезона во Серија А има 16 погодоци, и подобар скор од него во петте најаки лиги во Европа има само Роберт Левандовски кој во Бундеслигата за Баерн Минхен постигна 19 гола.