Мијатовиќ: Иниеста беше пред потпис со Реал Мадрид
Предраг Мијатовиќ откри дека се обидел да го ангажира Андрес
Иниеста. Мијатовиќ во 2006 година ја презема улогата на спортски
директор во Мадрид, по што имал преговори со многу фудбалери.
„Сакав да го донесам Иниеста во Реал Мадрид. Бевме блиску до
потпис на договор, а разговаравме и со татко му. Иниеста беше
неверојатен фудбалер“, кажа Мијатовиќ.
Иниеста изгради легедарен статус на „Камп Ноу“ и стана еден од
најтрофејните фудбалери во историјата на Барселона.
Мијатовиќ, исто така, ги пофали Педри и Гави од Барселона за кои
смета дека се наследници на Иниеста и Чави.
Суарез: Убеден сум дека Нејмар ќе освоеше „Златна топка“ ако останеше во Барселона
Луис Суарез зборуваше за моментот кога Нејмар одлучи да се пресели
во Пари Сент Жермен.
Во јуни 2017 година Бразилецот се пресели во ПСЖ за рекорден
трансфер, а тоа беше крај на триото „МСН“, кое и донесе големи
успеси на Барселона.
Суарез сега тврди дека ако Нејмар останел на „Камп Ноу“ сигурно ќе
ја освоел „Златната топка“.
„Пред да замине во ПСЖ, му реков на Нејмар „ако сакаш да
освојуваш повеќе трофеи, остани со мене и со Лео“ Во тој момент
Меси беше најдобар на светот, а Нејмар беше втор најдобар веднаш
зад него. Беше подготвен да ме слуша мене и Меси и сакаше да
остане. Ние како пријатели го советувавме да остане, но неговото
семејство реши да ја напушти Барселона “, изјави Суарез.
„Ако Нејмар останеше во Барселона тој сигуно ќе ја освоеше
„Златната топка“. Едноставно сум сигурен во тоа“, додаде Уругваецот.
Миленковиќ примарна цел на Фиорентина во летниот преоден рок
Примарна цел на Интер во летниот преоден рок ќе биде доведување
на дефанзивец, пренесуваат италијанските медиуми.
Интер на лето ќе остане без Скриниар, кој заминува во ПСЖ како
слободен агент, а најверојатно ќе замине и Де Врај. Поради тоа Интер
сака да доведе најмалку еден дефанзивец, а примарна цел е
Миленковиќ од Фиорентина.
Србинот веќе неколку сезони игра одлично во Серија А и смета дека е
вистински момент за чекор напред во кариерата.
Интер веќе стапил во контакт со неговиот агент и спрема понуда од 15
милиони евра, додека
УЕФА казни единаесет клубови заради неподмирени долгови кон фудбалерите
Финансиското тело на УЕФА ги суспендира : Арис (Грција), Астана
(Казахстан), Борац Бања Лука (БиХ), Клуж (Романија), Флоријана
(Малта), Коњаспор (Турција), Жар (Казахстан), Олимпија Љубљана
(Словенија), Осијек и Ријека (Хрватска) и Валмира (Летонија).
Одлуката е донесена по детална анализа и поради непочитување на
финансиските регулативи пропишани за сезоната 2022/23. Станува
збор за долгови за плати и за направени трансфери.
Сите ќе добијат дополнителна казна од 10.000 евра доколку не ги
исплатат долговите до крајот на месецов.
Скалони првпат го повика Гарначо во репрезентацијата на Аргентина
Селекторот на фудбалската репрезентација на Аргентина, Лионел
Скалони денеска го објави списокот на играчи за претстојните
пријателски натпревари против Панама и Курасао.
Во првите натпревари по освојувањето на светското првенство во
Катар, Аргентина ќе игра со Панама на 23 март на „Монументал“ во
Буенос Аирес, додека пет дена подоцна ќе биде домаќин на Курасао
во Сантијаго дел Естеро.
На списокот на Скалони, меѓу другите, се Лионел Меси, Анхел ди
Марија и Алехандро Гарначо, кој го доби првиот повик по одличните
настапи за Манчестер Јунајтед.
Претходно оваа недела федерацијата му го продолжи договорот на
Скалони до 2026 година.
Реал Мадрид најверојатно нема да се вклучи во евентуално наддавање
за ѕвездата на Борусија Дортмунд, Џуд Белингам, пренесува „АС“.
Се очекува Белингам да биде најбараниот фудбалер ова лето, а за него
интерес покажуваат Реал Мадрид, Ливерпул и клубовите од
Манчестер, додека Борусија за неговата слобода бара 150 милиони
евра.
Поради тоа Реал се откажал од Белингам и ќе се фокусира на
ангажман на друга ѕвезда.
Реал нема намера да потроши рекордна сума за Белингам, а најавите
се дека Модриќ и Крос ќе останат уште една сезона во „кралскиот“
клуб.
Тоа не значи дека Реал дефинитивно се откажал од Англичанецот, но
не е спремен да понуди повеќе од 100 милиони евра.
Икарди се враќа во Италија, Милан и Рома загреани да го доведат
Мауро Икарди на лето би можел да се врати во Серија А, пренесуваат
италијанските медиуми. Икарди оваа сезона игра во Галатасарај како
позајмен фудбалер од ПСЖ и во Турција си ја „оживеа“ кариерата.
Аргентинецот е во извонредна форма и оваа сезона на 13 меча
постигна 9 гола и 6 асистенции. Икарди на лето ќе се врати во ПСЖ,
но јасно е дека за него нема повеќе место во Париз, а интерес за него
покажуваат италијанските клубови.
Неговата менаџерка, Ванда Нара за италијанските медиуми потврди
дека Милан и Рома ја контактирале и покажале силен интерес за
напаѓачот.
29-годишниот напаѓач сака да се врати во Италија и е спремен да
прифати помала плата за повторно да игра во Серија А.
ПСЖ го продава капитенот Кимпембе?
Откако стана јасно дека Милан Шкриниар нема да го продолжи
договорот, раководството на Интер ја започна потрагата по негова
замена.
„Газета дело Спорт“ пренесува дека прва мета на „нероаѕурите“ е
капитенот на ПСЖ, Приснел Кимпембе, кој оваа сезона добива мала
минута. Со доаѓањето на Шкриниар во ПСЖ неговата минутажа
додатно ќе се намали, па Французнот е спремен да ја промени
средината.
Вредноста на 27-годишниот дефанзивец во моментов е околу 40
милиони евра, но Интер ќе мора да ја победи конкуренцијата.
Имено, за Французинот интерес покажуваат уште Јувентус и
клубовите од Премиер лигата.
Серхи Роберто добива нов договор на „Камп Ноу“
Дефанзивецот на Барселона, Серхи Роберто ќе го продолжи договорот
со клубот денеска или најдоцна утре. Според информациите на
шпанските медиуми, актуелниот договор на шпанскиот фудбалер со
Барселона истекува на крајот од сезоната, но веќе се е договорено за
новата соработка.
Денеска Роберто треба да дојде во попладневните часови на состанок
во канцеларијата на клубот на кој ќе биде и официјалното
потпишување на новиот договор.
31-годишниот дефанзивец е дете на Барселона. Тој е во тимот од 2006
година.
Приоритет на Рамос му е да остане во ПСЖ
Иако има понуда од Саудиска Арабија, Серхио Рамос најверојатно ќе
остане и следната сезона во дресот на француски ПСЖ. Според
француски „Л’Екип“, Рамос е во напредни преговори со ПСЖ и
доколку нема непредвидени ситуации, Рамос ќе остане во ПСЖ и
следната сезона.
Според информациите, агентот на Серхио Рамос се надева на нов
договор за да може престојот во Париз да продолжи и по оваа сезона.
Во ПСЖ се расположени да му понудат нова едногодишна соработка,
која веројатно ќе се случи во скоро време.
