Тренерот на Манчестер Јунајтед, Ерик тен Хаг, подготвува сериознa „чистка“ во тимот за наредната сезона.

Медиумите во Англија пренесуваат дека Холанѓанецот е спремен да се одрекне од услугите на барем осум играчи ова лето, од кои повеќето беа носители во периодот на тренерот Оле Гунар Солскјер.

Според информациите, од клубот ќе заминат голманот Дин Хендерсон кој минатата сезона играше на позајмица во Нотингем Форест, Алекс Тевез, Фред, Скот Мектоминај.

Тен Хаг најверојатно ќе се одрекне и од напаѓачот Антони Марсијал, капитенот Хари Мегваер, како и од бековите Брендон Вилијамс и стоперот Ерик Бајли.

Најважна тема во клубот од Манчестер овој период е промената на сопственичката структура. по што многу работи ќе станат појасни.

Како што изгледа клубовите од Саудиска Арабија тргнаа во вистинска офанзива да направат револуција на фудбалот во нивната земја.

Кристијано Роналдо веќе неколку месеци го носи дресот на Ал Наср, а неговиот трансфер изгледа беше само почеток. Таму ќе игра и Бензема (Ал Наср), а секојдневно и голем број други фудбалери се поврзуваат со фудбалските клубови од оваа земја.

Сега редот дојде на Алексис Санчез.  Според последните информации тимот на Ал Фатех веќе испратил официјална понуда.

Наводно, платата на Санчез би му изнесувала 10 милиони евра по сезона за договор до 2024 година.

Серхио Рамос го напушти Париз Сен Жермен по две години поминати во овој клуб и сега е слободен во изборот на новата средина.

Шпанецот има неколку понуди, очекувано најбогатите се од Саудиска Арабија која полека станува атрактивна дестинација за многу фудбалери. Сепак, денес се појавија информации дека Рамос може да остане во европскиот фудбал и тоа во Шпанија. Наводно Севиља е спремна да го врати своите редови. Рамос дресот на Севиља го носеше осум години од 1996 до 2004 година кога премина во Реал Мадрид.

Рамос е роден во Камас, место блиску до Севиља и тоа за него би било враќање дома. Се наведува дека главната причина поради која Рамос би можел да ја избере Шпанија е неговото семејство.

Освен тоа Севиља со освојувањето на Лигата на Европа во изминатата сезона си обезбеди учество во Лигата на шампионите, па така Рамос повторно ќе има прилика да игра на највисоко ниво.

Бразилскиот фудбалер, Касемиро, кој беше еден од најдобрите во редовите на Манчестер  Јунајтед, се осврна на дебитантската сезона кај „црвените ѓаволи“.

Тој преку социјалните мрежи им се заблагодари на фановите за поддршката и вети дека тимот ќе се врати на шампионските патеки.

„Славните денови мора да се вратат. Јас дојдов за тоа, напред Јунајтед“, беa зборовите на одличниот играч за врска.

Фудбалерот, Алфонсо Дејвис, кој имаше одлична сезона во дресот на Баерн Минхен, нема да биде ставен на трансфер листата иако за неговите услуги е заинтересиран составот на Реал Мадрид.

Брзоногиот бек во претходната сезона одигра 38 мечеви со ефект од три гола и осум асистенции. Неговиот договор е до јуни 2025 година а трансферната сума се проценува на околу 70 милиони евра.

Одредени извори тврдат дека 22-годишниот канадски дефанзивец нема да го напушти германскиот состав.

Аргентинскиот фудбалер Алексис МеКалистер, ќе биде нов играч на Ливерпул, пренесува Фабрицио Романо.

Висината на обештетувањето се уште не е позната, но се верува дека нема да надмине 50 милиони фунти, што е одлична зделка за црвените од Енфилд. Медицинските прегледи биле закажани за следните 48 часа, а Меклаистер ќе потпише петгодишен договор и всушност тој ќе биде најава за уште неколку нови трансфери во Ливерпул ова лето.

Мекалистер според информациите имал понуда и од Челси, дури и нешто побогата, но сепак на инсистирање на Јирген Клоп, се договорил со Ливерпул.

Во Брајтон тој пристигна пред четири ипол години од Аргентинас Јуниорс за осум милиони евра, а настапуваше уште и за Бока Јуниорс.

Карло Анчелоти изјави дека е изненаден од одлуката на францускиот напаѓач Карим Бензема да го напушти мадридскиот клуб. Во соопштението на шпанскиот клуб се наведува дека е постигнат договор со 35-годишниот француски напаѓач „да се стави крај на неговиот голем и незаборавен престој во клубот“.

Претходните денови медиумите објавија дека освојувачот на „Златната топка“ кариерата ќе ја продолжи во Ал Итихад од Саудиска Арабија, која наводно на Бензема му нуди 400 милиони евра за двегодишен договор.

Бензема синоќа постигна гол за Реал на мечот од последното, 38. коло на Ла Лига против Атлетик од Билбао (1-1), а потоа беше изваден од теренот со овации од навивачите.

„Изненаден сум… Се беше во последен момент. Во саботата тренираше нормално, а во неделата наутро ни кажа дека го напушта Реал. Не можеме да бидеме среќни, но мора да ја почитуваме неговата одлука. Со Реал постигна неверојатни и незаборавни работи“, изјави Анчелоти.

Поранешниот фудбалер и тренер на Шкупи, Ардијан Нухиу од денес и официајлно е нов тренер на Шкендија која остана без предводник по заминувањето на Ќатип Османи на крајот од сезоната.

Последниот клуб кој го водеше Нухиу беше косовската Дрита од Гњилане, а во последните шест месеци беше без ангажман.

„Мило ми е што сум тука. Подготвен сум за новиот предизвик, ќе создадеме моќен тим за предизвиците во Европа, а потоа со иста енергија ќе влеземе и во првенството“, изјави Нухиу на промоцијата на клупата.

Богатата фудбалска кариера тој ја заврши во 2016 година во редовите на Шкупи каде што две години беше и тренер.