Откако Газиантеп се откажа од турската Суперлига поради страшниот земјотрес кој ја погоди оваа земја, македонскиот младински репрезентативец, Лука Станковски ќе ја промени средината.

Станковски кариерата ќе ја продолжи во редовите на Горица од Словенија. Македонскиот фудбалер поради двата слободни денови имаше среќа за време на земјотресот да биде во Скопје. Градот по земјотресот е скоро целосно срушен, па затоа и на никој не му е до фудбал и откажувањето од првенството до некаде можеше да се чекува.

Во Горица Станковски ќе се обиде да помогне клубот да опстане во првата лига. Ќе потсетиме во Газиантеп пристигна минатат зима за сума од 600.000 евра.

Инаку Горица во минатото е четирикратен словенечки шампион, меѓутоа сезонава резултатите не се како што се очекуваше па тимот се бори за опстанок.

Лионел Меси е се поблиску до откажување од нов договор со ПСЖ. Актуелниот договор на напаѓачот со парижаните е до летото 2023 година.

Во средата имало средба помеѓу Хорхе Меси, таткото на фудбалерот, и раководните лица на ПСЖ. Како резултат на тоа, страните не успеале да постигнат договор.

Аргентинецот не прифаќа нов договор за период од 1 година, што во моментов е најголема пречка. Во наредните денови се очекува да има уште една средба меѓу Меси и ПСЖ, но вестите не се оптимистички.

ПСЖ велат дека Меси игра на време. Од почетокот на јануари страните не разговараат за продолжување на договорот и најверојатно договор нема да биде постигнат.

Шпанскиот „АС“ пишува дека Реал Мадрид би можел да испрати понуда за купување на бекот на Манчестер Јунајтед, Диого Далот.

Португалскиот фудбалер би можел да пристигне на „Сантијаго Бернабеу“ ова лето, и да биде опција за наследник на 32-годишниот Дани Карвахал.

Од Реал Мадрид ја следат ситуацијата со 23-годишниот португалски репрезентативец, на кого му остануваат нешто повеќе од една година до завршување на договорот со Манчестер Јунајтед, и допрва треба да има преговори за можно продолжување.

За Реал Мадрид  би постоеле две опции доколку ситуацијата со договорот на Далот во Јунајтед остане нерешена. 14-кратниот европски шампион би можел да побара да го ангажира со исплата на обештетување во текот на летото, или клубот би можел да почека до 2024 година за да го земе Далот како слободен агент.

Сопствениците на фудбалскиот состав Тотенхем немаат намера да го продадат клубот, објави денеска – „Фајненшл Тајмс“.

Иранско-американскиот милијардер, Џем Наџафи, беше подготвен да испрати понуда за „спарси“ но, тоа сега нема да се случи. Наџафи, кој е косопственик на НБА клубот Феникс, сакаше заедно со конзорциум инвеститори да понуди преку три милијарди фунти.

Сепак, сопственикот на Тотенхем, Џо Луис и претседателот, Даниел Леви, не размислуваат да го продадат.

Фудбалскиот клуб Академија Пандев официјално има нов сопственик. Италијанско-американската компанија „Брера Холдингс“ го потврди своето инвестирање во македонскиот прволигаш, и информираат дека во иднина ќе следи ребрендирање на клубот и дополнително вложување со цел поголем развој.

Новиот сопственик  Брера Холдингс преку соопштение вели дека планот на компанијата е имплементација на својата меѓународна стратегија, која паралелно ќе форсира ширење и промоција на брендот Брера во Источна Европа.

Академија Пандев со работа започна во 2010 година, а нејзин основач е Горан Пандев, кој од клубот изгради стабилен прволигаш и место за развој на нови фудбалски таленти.

Манчестер Сити е наводно заинтересиран за бекот на Интер, Федерико Димарко, кој би бил замена за Жоао Кансело.

Според информациите од медиумите во Англија, скаутите на Сити биле импресионирани од она што го виделе од 25-годишниот играч.
Откако помина низ академијата на Интер, Димарко неодамна се најде во тимот од Сан Сиро после серијата на позајмици во други клубови .

Италијанецот запиша пет гола и три асистенции за Верона во сезоната 2020-21 во Серија А, што му донесе место во тимот на Интер. Тој имаше 17 стартови минатата сезона во сите натпреварувања, а влезе како замена уште на 25 наврати.

Сепак, Димарко импресионираше со своите 19 старта во тековната сезона и поради тоа доби интерес од Сити и Гвардиола.

Серхио Рамос оваа сезона игра добро во дресот на ПСЖ, но неговиот договор со „светците“ истекува на крајот на сезоната.

Последните информации се дека ПСЖ нема да му понуди договор на 36-годишниот дефанзивец бидејќи сака на негово место да доведе помлад стопер. „Светците“ веќе имаат договор со Милан Скриниар од Интер, па ќе му се заблагодарат на Серхио Рамос и ќе се разделат на крајот на сезоната.

Покрај Рамос се очекува уште неколку ѕвезди да го напуштат „Паркот на принцовите“, бидејќи ПСЖ спрема реконструкција на лето, а на излезна врата е и Нејмар.

Интерес за Рамос покажуваат клубови од Саудиска Арабија и САД, а Шпанецот се уште не донел конечна одлука.

Реал Мадрид одлучи на крајот на сезоната да си го врати Брахим Диаз, кој е на позајмица во Милан. Шпанецот е во сопственост на Реал Мадрид, но веќе трета сезона е на позајмица во Милан.

Милан може да го купи Диаз за 22 милиони евра на крајот на сезоната, но Реал има опција да го врати за 5 милиони евра повеќе.

Наводно „кралевите“ веќе го известиле Милан дека сакаат да го вратат Шпанецот во своите редови и ќе ја платат разликата од пет милиони евра.

Брахим Диаз игра добра сезона на „Сан Сиро“, а Реал ќе му понуди нов, побогат договор до 2027 година.

Тренерот на Тотенхем Антонио Конте ќе го пропушти неделниот натпревар во Премиер лигата против Вест Хем, поради продолжување со опоравувањето од операцијата на жолчката.

Италијанскиот стручњак го водеше Тотенхем минатата недела кога екипата забележа пораз од Лестер со 1:4.

„Здравјето е најбитно. После лекарските контроли во Италија, Конте ќе остане во семејната куќа и ќе се опоравува од неодамнешната операција. Му посакуваме добро опоравување, а екипата на наредниот меч ќе го води Кристијан Стелини“, соопштуваат од Тотенхем.

 Лондонскиот клуб не наведува кога се очекува враќање на Конте на обврските со екипата.

Баерн Минхен е спремен на лето да го продаде Марсел Сабицер за сума од 20 милиони евра, пренесува „Билд“.

Сабицер не беше задоволен од статусот во Минхен и во последниот ден од преодниот рок се пресели во Манчестер Јунајтед на позајмица до крајот на сезоната. „Црвените ѓаволи“ немаат опција за откуп на лето, па двата клуба ќе треба да седнат на преговарачка маса, а Баерн веќе ја одредил цената.

Австрискиот репрезентативец веќе запиша три меча за Јунајтед, па клубот од „Олд Трафорд“ најверојатно ќе сака да го откупи на крајот на сезоната.

Сабицер пристигне во Баерн за 15 милиони евра во 2021 година, а Баварците за неговата слобода бараат 20 милиони евра.