Лоренцо Пелегрини се здоби со тешка повреда за време на мечот со Торино.
Денес на Пелегрини му беа направени детални лекарски прегледи и од клубот потврдија дека најмалку шест недели ќе биде надвор од терените. 25-годишниот играч за врска е еден од најважните фудбалери на Рома, па ова сигурно е голем удар за Мурињо.
Пелегрини оваа сезона настапи на 13 меча на кои постигна 5 гола и запиша 2 асистенции.
Според англиските медиуми, Манчестер Сити и Манчестер Јунајтед ќе влезат во сериозна битка за доведување на играчот на Лидс Јунајтед, Калвин Филипс.
Одличните настапи во дресот на Лидс и во репрезентацијата на Англија, предизвикаа големо внимание кон 25-годишниот Филипс, па голема е веројатноста тој уште во јануари да се пресели во поголем клуб од Премиер лигата.
Според информациите постои можност и екипата на Тотенхем да испрати своја понуда за играчот од средината на теренот. Тренерот Антонио Конте не ги крие своите симпатии кон фудбалерот и ќе се обиде да го вклучи во ростерот на својата екипа.
Пеп Гвардиола призна дека сака да се испроба во работа со национален тим.
„Кога ќе завршам во Манчестер, ќе ми биде интересно да работам на СП или ЕП. Но, обично тоа не е лесно – има многу малку слободни работни места во такви случаи. Меѓутоа, доколку тоа не се случи, ќе продолжам да го тренирам клубот. Ако зборуваме за работа во Англија, тогаш мислам дека можам да работам само во Манчестер Сити. Знаете, пред многу години никогаш не би помислил дека ќе станам менаџер на Манчестер Сити и ќе бидам во тимот шест сезони. Да видиме што ќе се случи понатаму“, изјави Гвардиола.
За потсетување, 50-годишниот тренер работи во Манчестер Сити од 2016 година. Под негово водство, тимот стана шампион на Англија три пати и играше во финалето на Лигата на шампионите.
Голема тепачка изби на ракометен натпревар во српската Супер Б лига, помеѓу екипите на Врбас и Колубара.
Инцидентот настана кога еден од играчите на Врбас со тупаница удри играч од противничката екипа. После ова настана масовна тепачка во која се вклучија ракометари и тренери од двете екипи.
Тепачката траеше неколку минути по што натпреварот продолжи и заврши со победа на домаќинот Врбас 27:26.
Карло Анчелоти врши одлична работа во Реал Мадрид, како одминува времето кралскиот клуб изгледа се подобро, но Италијанецот не може да им угоди на сите фудбалери. Еден од оние кои се назадоволни од својот статус е Дани Себаљос.
Според „Ел Национал“, Карло Анчелоти бил изненден кога Себаљос побарал во јануари да се врати во Бетис, клубот каде ја почна кариерата.
Себаљос не сакал да остане во Реал Мадрид, ниту пак да се врати во Арсенал каде претходно играше на позајмица, негова желба е се пресели во Бетис, смета дека тоа е местото каде што би блеснал.
Доколку Бетис испрати соодветна понуда, Флорентино Перез нема да му прави проблем на Себаљос да замине. Реал Мадрид како стартери ги има Касемиро, Крос и Модриќ, а на клупата се Валверде, Камавинга и Иско, па кралскиот клуб има доволно избор за средниот ред.
Бундеслигашот Херта од Берлин му врачи отказ на тренерот Пал Дардаи после ремито од 1:1 со екипата на Аугсбург на домашен терен.
„Би сакале да му се заблагодариме на Пал за неговата работа. Минатата сезона го презеде тимот во тешка ситуација и успеа да го задржи во Бундеслигата“, изјави директорот на Херта, Фреди Бобиќ.
На неговото место до крајот на сезоната клубот го назначи 47-годишниот Тајфун Коркут. Тимот на Херта се наоѓа на 14. место од табелата во првата Бундеслига.
Барселона го победи Виљареал, а Унаи Емери беше лут на судиските одлуки, па одби да се поздрави со Чави на крајот на мечот.
Домаќините пропуштија повеќе добри шанси, а бесни се и на неколку судиски одлуки, особено на играта со рака на Пике во казнетиот простор. По последниот судиски свиреж Емери избега кон соблекувалната и одби да се поздрави со тренерот на Каталонците, а тоа го налути Чави.
Каталонски „Спорт“ открива дека тоа довело до голема вербална расправија помеѓу двајцата тренери во тунелот, па полицијата интервенирала да не дојде до физичка пресметка.
Новак Ѓоковиќ зборуваше за играњето пред празни трибини. Србија лесно ја совлада Австрија со 3-0 во првото коло на Дејвис купот во Инсбрук. Лајовиќ го донесе првиот бод со победата над Џералд Мелцер, а потоа Ѓоковиќ лесно го совлада Денис Новак и донесе победа за нашиот северен сосед.
На крајот двојката Чаќиќ-Крајиновиќ победи за максимални 3-0.
Ѓоковиќ по мечот со Новак зборуваше за играњето пред празни трибини.
„Пред седум или десет дена добивме тажна вест дека нема да играме пред публика. Ова не е вест што сакавме да ја слушнеме. Публиката е основен дел од овој спорт. Ние сме бизнис на крајот од денот, забавувајќи ги и правејќи ги луѓето среќни. Ние сме спортисти, професионални спортисти кои имаат привилегија да го работат она што го сакаат и да живеат од спортот, но во исто време имаме влијание и врз публиката. Им носиме позитивни емоции, луѓе кои купуваат билети и доаѓаат да не гледаат. Секогаш мислам на тоа и затоа ме растажи тоа што ќе играме без публика. Подготвени сме на се, знаеме дека не е последен пат да играме пред празни трибини.Така е како што е. Има многу луѓе во светот кои страдаат повеќе од нас и ги разбирам. Има многу поважни работи од професионалниот спорт. Тоа е здравјето. Се молам за сите луѓе. Се надевам дека заедно ќе се извлечеме од ова“, рече Новак.
Времениот тренер на фудбалерите на Манчестер Јунајтед, Мајкл Карик, вели неговиот тим требало да победи на дербито со Челзи и дека противникот добил непосточеки пенал.
„Кога имаш водство на ваков натпревар разочарувачки е да не победиш. Убеден сум дека не беше пенал. Де Геа одбрани неколку добри шутеви, но, ние бевме подобриот состав на теренот“, изјави Карик по дербито на Премиер-лигата.
Рој Кин се осврна на ситуацијата во Манчестер Јунајтед и најавата дека Ралф Рангник кој ќе го преземе кормилото на „црвените ѓаволи“ ќе донесе нови луѓе во стручниот дел.
„Кој и да дојде се надевам ќе ги донесе вистинските одлуки. Време е да се ослободиме од луѓето што работат во клубот бидејќи имаат пријателства со некого. Тука останаа лица што работеа претходно со Мурињо и со Солскјер. Мора да има промени, не станува збор за лојалност туку за квалитетен кадар“, потенцираше Рој Кин.
