Карло Анчелоти сака во зимскиот преоден рок да ја засили одбраната.

Дефанзивната линија е најслабата точка на „кралевите“ од почетокот на сезоната, па Анчелоти сака да донесе квалитетен стопер.Медиумите пренесуваат дека прв на листата жеби е дефанзивецот на Виљареал и шпански репрезентативец, Пау Торес.

Торес се етаблираше во еден од најперспективните дефанзивци во Европа и го провлече вниманието на многу европски гиганти. Раководството на „кралевите“ веќе стапило во контакт со агентот на дефанзивецот и спрема понуда од 50 милиони евра за неговиот потпис.

Од таборот на Јувентус стигна потврда дека Федерико Киеза поради повреда на задната ложа ќе биде надвор од терените до крајот на годината.

Киеза повредата ја заработи на натпреварот против екипата на Аталанта кој “старата дама” го играше на домашен терен и загуби со 0:1.

Тренерот на Ајакс, Ерик тен Хаг, останува во плановите на Манчестер Јунајтед за местото на нов тренер во наредната сезона.

Англиските медиуми тврдат дека „црвените ѓаволи“ ќе се обидат да го доведат сегашниот тренер на Ајакс доколку клубот не успее да го ангажира Маурисио Почетино од Париз Сен Жермен.

Тен Хаг бил заинтересиран да работи во Јунајтед и Ајакс нема да му пречи доколку тој се одлучи  за заминување на крајот од сезоната, иако има договор со холандскиот шампион до летото 2023 година.

Барселона синоќа ја оствари првата победа на гостински терен оваа сезона откако го совлада Виљареал со 3-1.

Барселона не блескаше, далеку од тоа, Виљареал беше тимот кој имаше доминација, но Каталонците беа поефикасни и на крајот победија.

„Би рекол дека страдавме многу на овој меч и Виљареал не заслужи да загуби. Имавме среќа. Требаше повеќе да ја контролираме топката и да доминираме. Но како и да е, овие три бода се важни за нас“, рече Чави.

Фабио Канаваро даде свој коментар за вчерашниот ждреб во кој Италија за противник ја доби Македонија. Канаваро прво потенцираше дека ваквиот, нов формат на баражот не му се допаѓа.

„За мене вистински бараж беше кога се играше на домашен и гостински терен, па поминува подобриот од двата натпревари. Вака кога веќе е еден натпревар тој треба да биде неутрален терен“.

Смета дека Италија нема од што да се плаши од репрезентација како Македонија.

„Нема  од што да се плашиме, нормално секој противник треба да се почитува. Сепак Италија не треба да се плаши од тим како Македонијаат. Ако момците играат како на Европското првенство тогаш нема да имаме проблеми“, смета Канаваро.

Јулијан Алварез може да ја продолжи кариера во шпанскиот шампионат. Каталонскиот гигант Барселона е заинтересирана за услугите на 21-годишниот играч.

Според изворот, клубот го следи младиот играч веќе неколку месеци. Трансферот на фудбалер ќе ја чини Барселона меѓу 20-25 милиони евра.

Алварез е играч кој потекнува од Ривер Плата. Договорот на играчот со клубот е со важност до 31 декември 2022 година. Според интернет порталот Трансфермаркт, пазарната вредност на играчот е 20 милиони евра.

Во актуелниот шампионат на Аргентина, напаѓачот настапи на 18 натпревари, постигна 17 голови и 8 асистенции, а воедно Алварез е најдобар стрелец на првенството.

Фудбалскиот клуб Арсенал има намера да го продаде играчот Николас Пепе.Тој во клубот од Лондон пристигна во 2019 година како големо засилување од францускиот Лил за огромни 72 милиони фунти.

Репрезентативецот од Брегот на Слоновата Коска веќе подолг период игра во очајна форма и го загуби статусот на првотимец во екипата.

Неговиот договор со „топџиите“ истекува за две години, но според информациите од Англија, Арсенал веќе размислува за негова продажба а како најсериозен кандидат за негово купување е екипата на Њукасл.

Оваа сезона Николас Пепе за Арсенал има одиграно само 9 натпревари и постигна 1 гол и 3 асистенции.

Тренерот на Јувентус, Масимилијано Алегри, изјави дека вистинската цел на тимот за оваа сезона е борба за место во топ 4 во лигата, а не за титулата. 

Екипата на Јувентус претрпе пораз на домашен терен од Аталанта со 0:1, а пред неколку дена беа поразени со 0:4 од Челзи во Лигата на шампионите. Поради тоа стигнуваат голем број на критики кон играчите и тренерот.

„Имаме многу добар тим, но понекогаш е тешко да се постигнат голови. Сепак, никогаш не мислев дека сме фаворит за титулата оваа сезона. Целта е да се бориме за топ 4. Важно е да се биде реален. Тогаш тензијата ќе се намали. Ако по 14 кола сме на ова место од табелата, тогаш ова е нашето ниво во моментов. Ние сме Јувентус и луѓето автоматски се навикнати да сме фаворит за Скудетото. Сепак, имаме уште многу работа, да почнеме да постигнуваме голови и да се смириме“, изјави тренерот Алегри.

Во Манчестер Јунајтед постоела голема желба за доведување на младата ѕвезда на Реал Мадрид, Винисиус Жуниор.

Според шпанските медиуми, клубот од Олд Трафорд наводно веќе имал обезбедени 100 милиони фунти за доведување на 21-годишниот Бразилец.

Жуниор кој игра во одлична форма за „кралскиот клуб“ би претставувал одлична инвестиција за иднината на Јунајтед доколку овој трансфер доживее реализација.