Аргентинскиот фудбалски клуб Њу Олд Бојс објави видео од можеби првото интервју на Лионел Меси во неговиот живот.
Меси беше член на клубот од Аргентина во неговото детство пред заминувањето во Барселона на 14 годишна возраст.
Видеото беше објавено на Твитер и веднаш предизвика огромен интерес кај многубројните фанови на еден од најдобрите играчи на светот.
Астон Вила официјално го промовираше Стивен Џерард за нов менаџер, а по него уште една англиска легенда би можела да се врати во Премиер лигата.
Екипата Норвич пред неколку дена остана без тренер откако отказ доби Даниел Фарке кој забележуваше катастрофални резултати. Британските медиуми пренесуваат дека веќе Френк Лампард се согласил да го води Норвич. За Лампард ова би било враќање во англискиот фудбал откако пред помалку од една година го напушти Челзи.
Сепак, за разлика од Челзи ова ќе биде еден поинаков предизвик. Лампард би го чекало тешка задача затоа што Норвич има само една победа во 11 натпревари во Премиер лигата и се наоѓа на дното на табелата.
Босанскиот репрезентативец, Миралем Пјаниќ, изјави дека се надева повторно да заигра во екипата на Барселона по доаѓањето на Чави за тренер на клубот.
31-годишниот Пјаниќ, во моментот настапува за турскиот Бешикташ како позајмен играч на Барселона. Тој беше во конфликт со сега поранешниот тренер на каталонците Роналд Куман кој не му даде шанса за докажување на „Ноу Камп“.
Пјаниќ не очекува да се врати во јануари, но големи се шансите во текот на летото тој да се приклучи во тимот на Чави.
Најдобриот тенисер на светот, Новак Џоковиќ, истакна дека во некои свои карактерни особини наликува на Златан Ибрахимовиќ кој според него е симбол на балканскиот менталитет.
Џоковиќ оваа изјава ја даде за италијанската Газета дело Спорт пред неговото заминување во Торино на завршниот мастерс турнир за оваа година.
„Ми се допаѓа неговата филозофија – колку сум постар, толку помлад се чувствувам. Златан е симбол на балканскиот менталитет. Тој никогаш не се предава и има голема самодоверба. Двајцата имаме шампионски менталитет“, се вели во изјавата на Џоковиќ.
Турнирот во Торино започнува на 14. ноември и е завршен мастерс на годината.
Марсело Брозовиќ е еден од најважните фудбалери на Интер, но неговиот договор со „нероаѕурите“ завршува следното лето.
Италијанските медиуми пренесуваат дека двете страни се далеку од договор за продолжување на соработката. Имено, Брозовиќ моментално заработува 3,5 милиони евра и бара со новиот договор плата од 6,5 милиони евра, додека Интер не може да си дозволи такво зголемување.
Последната понуда на Интер изнесува 5 милиони евра плус бонуси, па „нероаѕурите“ му поставиле ултиматум на хрватскиот плејмејкер.
Јувентус повторно се насочува кон Антони Марсијал и сака да го доведе во зимскиот преоден рок.
„Бјанконерите“ сакаат да го засилат нападот во зимскиот преоден рок, а Марсијал е на врвот на листата желби на тренерот Алегри. Со оглед на фактот дека Душан Влаховиќ е премногу скап за „старата дама“ сега ќе се насочат кон Марсијал.
Французинот не добива голема минутажа на „Олд Трафорд“ и сака да ја промени средината, а покрај Јувентус за него интерес покажуваат уште Тотенхем и Евертон.
Фудбалерот на Јувентус, Адриан Рабио, може да биде испратен во Њукасл. Французинот игра редовно по доаѓањето на Масимилијано Алегри во клубот.
Тој од почетокот на сезоната беше стартер на 10 натпревари во сите конкуренции. Сепак, тренерот не штедеше критики кон него за неубедливиот настап и слабата реализација.
Затоа луѓето од Торино се подготвени да се разделат со него во јануари. Тие може да прифатат понуда за изнајмување со откупна клаузула во наредното лето.
Од Италија пристигнуваат информации дека капитенот на Наполи,Лоренцо Инсиње, ќе го напушти клубот по истекот на договорот ова лето. Како причина за можното заминување од Наполи се споменува незадоволството на играчот од понудените финансиски услови за нов договор.
Ситуацијата со Инсиње будно ја следат челните луѓе од Интер кои се подготвени за негово доаѓање на „Џузепе Меаца“ да му понудат годишна плата од 6 милиони евра.
Големи се шансите Лоренцо Инсиње да го прифати понуденото и веќе во јануари да се договори за промена на средината, односно за преоѓање во Интер.
Колумбискиот напаѓач од екипата на Рајо Ваљекано, Радамел Фалкао, е блиску до продолжување на договорот со клубот. Според изворот, во наредните денови колумбискиот напаѓач ќе склучи нов договор со важност до 2023 година.
Актуелниот договор на фудбалерот завршува на крајот на сезоната. Колумбиецот се пресели во Рајо Ваљекано во септември како слободен фудбалер.
Манчестер Сити покажува сериозен интерес за напаѓачот на Лајпциг, Кристофер Нкунку, пренесуваат медиумите на Островот. 23-годишниот Французин игра одлично оваа сезона и го привлече вниманието на многу европски гиганти.
Нкунку од почетокот на сезоната има постигнато 9 гола и 5 асистенции на 14 меча за Лајпциг. Нкунку е дете на ПСЖ и пристигна во Лајпциг во 2019 година, каде има договор на уште три години.
Гвардиола е во потрага по квалитетен напаѓач и смета дека Французинот идеално ќе се вклопи во неговата формација.
