Фудбалскиот клуб Челзи и официјално го потврди трансферот на Беноа Бадијашил кој во тимот од „Стенфорд Бриџ“ пристигна од Монако.

Сумата која Челзи ја плати за 21-годишниот француски дефанзивец изнесува 38 милиони фунти. Бадијашил според договореното треба да остане во екипата од Лондон до летото 2030. година.

Францускиот фудбалер беше член на Монако од 2016.година, и за првиот тим одигра 135 натпревари, а постигна шест гола. Бадијашил своето деби за француската репрезентација го имаше минатата година.

Ливерпул е во потрага по засилување за средниот ред, а бидејќи Белингам е скоро „невозможна мисија“, „црвените“ ќе се насочат кон други цели.

Најнова мета на Ливерпул е играчот за врска на Борусија Мехенгладбах и млад француски репрезентативец, Ману Коне. Младиот Французин игра фантастично оваа сезона во Бундеслигата и веќе го доби епитетот „новиот Канте“.

Коне има одлични дефанзивни карактеристики, притоа има и добра техника, па е идеален профил каков што бара Клоп.

Ливерпул е спремен да плати 25 милиони евра за неговиот потпис, но конкуренцијата е огромна, бидејќи силен интерес за Коне покажуваат уште ПСЖ и Баерн Минхен.

Медиумите од Островот пренесуваат дека поранешниот англиски репрезентативец, Вејн Руни, е пред враќање во Премиер лигата, во улога на тренер. Руни се споменува како главен фаворит за наследник на Франк Лампард на клупата на Евертон.

Тренерската позиција на Лампард е доведена под сериозен прашалник после поразот на Евертон на домашен терен од Брајтон со 1:4.

Популарните „карамели“ се наоѓаат во зоната на испаѓање од Премиер лигата, заземајќи го 18-то место.

Освен Руни, како заменик на Лампард доколку тој заработи отказ, се споменуваат и поранешниот селектор на Белгија Роберто Мартинез и Шон Дајч.

Коди Гакпо од пред некое време е нов член на англискиот вицешампион Ливерпул за кого сега може и да дебитира веќе овој викенд.

Имено холандскиот репрезентативец е регистриран што значи може да биде во комбинација за пресметката против Вулверхемптон во ФА Купот која е закажана за в сабота на „Енфилд Роуд“.

23-годишниот фудбалер сега е официјално регистриран во Ливерпул и би можел да биде вклучен во тимот за натпреварот од ФА Купот против Вулверхемптон, -порачаа од клубот.

Офанзивецот имаше одлични изданија во ПСВ, потоа одигра на високо ниво и на СП во Катар што беше препорака за Ливерпул да тргне по неговиот потпис иако тој долго време се поврзуваше со преселба во Манчестер Јунајтед.

Шпанскиот спортски суд – ТАД, ја потврди суспензијата од три натпревари во Ла Лига за напаѓачот на Барселона Роберт Левандовски.

Полскиот репрезентативец е суспендиран на три меча поради црвениот картон кој го доби на натпреварот против Осасуна, кој беше одигран во ноември минатата година пред паузата за СП во Катар.

Барселона потоа поднесе жалба на одлуката, меѓутоа ТАД ја потврди суспензијата и Левандовски ќе ги пропушти натпреварите во Ла Лига против Атлетик Билбао, Хетафе и Џирона.

Левандовски има право на настап во Суперкупот против Бетис бидејќи суспензијата се однесува само на натпревари од Ла Лига.

Ливерпул загуби на гостувањето во Лондон кај Брентфорд со 3-1 и се прикажа во нависитна лошо издание, особено во дефанзивата која создава доста проблеми од стартот на сезоната. Поразот не беше единствена грижа за навивачите на Ливерпул кои почнаа да паничат уште на стартот на второто полувреме, па иако Јирген Клоп смируваше, неговата прогноза излезе дека е погрешна.

Германецот по натпреварот откри дека го извадил Вирџил Ван Дајк на полувреме поради мало затегнување на задната ложа и за да се избегнат непотребни ризици, но 24 часа по средбата, ситуацијата изгледала далеку полоша. Поради влошување на состојбата, Ван Дајк денеска ќе направи детален скен на задната ложа, но добро информираните медиуми блиски до клубот веќе откриваат дека Холанѓанецот ќе биде во аут неколку седмици.

„Ливерпул Ехо“ информира дека клубот подоцна во текот на денот ќе направи магнетна резонанца, по што точно ќе соопшти колку ќе отсуствува лидерот во одбрата на Ливерпул.

Клаудио Раниери стави крај на паузата од фудбалот и се врати како тренер. Раниери ќе го води клубот кој му буди убави спомени од почетокот на тренерската кариера.

По 31 година Раниери повторно ќе го води Каљари, а на аеродромот навивачите му покажаа дека не го заборавиле. Раниери кој ја освои историската титула со Лестер во Премиер лигата покажа дека нема проблем да работи и во Серија Б ако смета дека проектот е на тимот е она што го исполнува.

„Ова е навистина е емотивен момент за мене, првпат во животот доживувам вакво нешто. Никогаш никаде не сум пристигнал со толкав ентузијазам. Сега добив уште поголем мотив да работам, се надевам дека ќе помогнам со моето знаење. Сигурно нема да биде лесно, но ќе се бориме од првиот ден до крајот на сезоната и тогаш ќе видиме што сме направиле“, изјави Раниери.

Манчестер Јунајтед бара засилување во нападот и замена за Роналдо, а најновото име на списокот е Дани Олмо од Лајпциг.

Олмо игра одлично во Лајпциг каде оваа сезона има постигнато 4 гола и 5 асистенции, а покажа добри партии и на Мундијалот. Олмо на лето влегува во последната година од договорот, па Јунајтед сака да ја искористи таквата ситуација и да го доведе на „Олд Трафорд“.

Шпанецот може да игра на сите позиции во нападот и совршено се вклопува во стилот на игра на Тен Хаг.

Поранешниот напаѓач на Порто, Хулк го договорил личниот договор со Адана Демирспор, пренесуваат медиумите во Турција. 36-годишниот Бразилец ќе потпише договор по отворањето на преодниот рок во Турција на 12 јануари.

Хулк минатата сезона играше за Атлетико Минеиро и постигна 29 гола на 46 натпревари. Неговиот договор со бразилскиот клуб истекува на крајот на 2024 година.

Напаѓачот се прослави со Порто, каде играше од 2008 до 2012 година, а потоа имаше одлични настапи во Русија со Зенит, како и со кинескиот Шангај СИПГ.