Колумбиецот Дејрон Асприља кој настапува за екипата на Портланд Тимберс во МЛС првенството на САД, на натпреварот против Сан Хозе постигна гол за кој може да се каже дека е копија на легендарниот гол кој го постигна Златан Ибрахимовиќ на средбата против Англија во 2012 година.
Ударот со “ножички“ на Асприља стана вистински хит на социјалните мрежи а играчот веќе се стекна со огромна популарност.
Од Фудбалскиот клуб Наполи не заборавија да го одбележат денот на раѓање на нивниот најдобар играч на сите времиња, Диего Марадона.
Преку објава на социјалните мрежи, од клубот постираја фотографија од Марадона под која стои порака „ На овој ден во 1960 година се роди најголемиот на сите времиња. Среќен роденден Диего!“
Клубот од Неапол потврди дека на 28 ноември ќе носат посебен дрес во знак на одбележување на годишнината од смртта на Марадона.
Најдобриот тенисер на светот, Новак Ѓоковиќ, по долгата пауза која ја имаше реши да настапи на мастерсот во Париз.
Тој во Париз тренира заедно со Русинот, Данил Медведев, од кого загуби во финалето на УС Опен. Медведев воедно е и најголем конкурент на Ѓоковиќ за преземање на првото место на АТП листата.
Данил Медведев со пост на Твитер ја одбележа неговата средба и тренинг со Новак Ѓоковиќ.
На сите стадиони во Турција од 9 ноември ќе им биде дозволена максимална исполнетост со гледачи. Ова следува по одлуката на Фудбалскиот сојуз на Турција, кој ја донел одлуката согласно препораките на надлежните здравствени институции во државата.
Од почетокот на оваа сезона, на турските стадиони беше дозволена исполнетост од 50 %, додека минатата година сите натпревари се играа без присуство на публика.
Сепак и после оваа одлука сите гледачи ќе треба да ги исполнат пропишаните услови согласно предвидените мерки за заштита од пандемијата.
Според информациите од англискиот весник Телеграф, Манчестер Јунајтед нема да го продаде Пол Погба во јануари, дури и да не потпише нов договор со клубот.
Раководството на Јунајтед е подготвено да го пушти Погба да си замине од клубот како слободен играч на крајот од оваа сезона.
Ова е одлична можност за заинтересираните Реал Мадрид, Барселона, Пари Сен Жермен и Јувентус да го доведат Французионот без да платат обештетување.
Пол Погба во Манчестер Јунајтед пристигна од Јувентус во 2016 година за огромни 89 милиони фунти.
Алексис Санчез може да остане во клубот од Милано. Раководството на клубот ја разгледува опцијата Чилеанецот да не ја менува клупската средина следната зима, туку да го обнови договорот. Договорот на актуелниот фудбалер е со важност до 2023 година, според кој Санчез заработува околу 7 милиони евра годишно.
Оваа сезона Санчез учествуваше во седум натпревари од сите натпреварувања и имаше една асистенција. Санчез ја помина сезоната 2019/2020 во Интер како позајмен од Манчестер Јунајтед. Напаѓачот учествуваше на 29 натпревари, стана автор на 4 гола и 10 асистенции, а доби и три жолти и еден црвен картон.
Столбот на одбраната на Челзи, Антонио Рудигер ги коментираше неговите преговори за нов договор со клубот.
„Најбитно е што сум среќен во Челзи. Што се однесува до договорот, преговарам со клубот, но има информации кои не се споделуваат јавно. Како што кажав претходно, преговорите со клубот започнаја по завршувањето на Европското првенство. Мојот менаџер е во постојана комуникација со директорот на клубот, Марина Грановска. Немам што да кажам за гласините кои се шират и не размислувам за нив. Фокусиран сум само на фудбалот“, вели Рудигер.
Германскиот репрезентативец оваа сезона за Челзи има одиграно одигра 12 натпревари и има еден гол и една асистенција. Актуелниот договор со Челзи му истекува во јуни 2022 година.
Тренерот на екипата на Челзи, Томас Тухел, соопшти кога очекува повредените Тимо Вернер и Ромелу Лукаку да бидат повторно фит за игра.
„Најреална опција е тие двајца да се вратат во погон после репрезентативната пауза које е во ноември. Дотогаш Лукаку и Вернер ќе бидат надвор од тренажен процес со првата екипа. Добра вест е што од повреда се опорави Пулишиќ и тој е спремен да настапи на средбата со Барнли“, изјави Тухел.
Лукаку и Вернер оваа сезона заедно имаат постигнато 6 голови и со сигурност ќе недостасуваат во играта на Челзи.
Матео Ковачиќ се повреди на тренингот на својата екипа. Според менаџерот на лондончани Томас Тухел, тој ќе отсуствува неколку недели.
Играчот може да го пропушти натпреварот од квалификациите за Светското првенство во 2022 година против репрезентацијата на Русија. Средбата ќе се одржи на 14 ноември во Сплит. Ковачиќ најверојатно ќе ги пропушти следните три натпревари на Челзи, два во англиската Премиер лига и еден во Лигата на шампионите.
„Тој ќе биде надвор од терените неколку недели. Можете да го повикате во три часот наутро на технички тренинг, одбранбен тренинг, статичен тренинг или само да го слушнете. Тој секогаш ќе биде достапен. Фантастичен тимски играч. Има таква страст за тренинзи“, коментираше Тухел на денешната прес-конференција.
Никола Секулов кој важи за играч со голем потенцијал ја обнови соработката со „старата дама“.
19-годишниот играч за врска со добрите настапи за У23 тимот си обезбеди нов договор, па во Јувентус не оставаат ништо на случајноста. Новиот договор на Секулов ќе има важност до 2025 година.
Секулов во минатото на настапуваше во младите категории на Македонија, но потоа се реши да го носи дресот на репрезентацијата на Италија. Од кога ја доби дозволата да игра за Италија настапуваше за У17, У18, и У20 селекциите на „аурите“.
