Париз Сен Жермен подготвува трампа на напаѓачот Мауро Икарди со напаѓачот на Барселона Серхио Агуеро.

Според извори од францускиот клуб, Икарди е во лоши односи со Лионел Меси по неговото доаѓањето на „Паркот на принцовите“ и повеќе не е загарантиран стартер под водство на тренерот  Маурицио Покетино.

Барселона не би имала ништо против да го донесе Икарди во своите редови, а да го испрати Агуеро во спротивен правец, односно во ПСЖ. Тоа би му одговарало на Лионел Меси кој повторно би заиграл со неговиот близок пријател и соиграч од аргентинската репрезентација.

Екипата на Барселона сонува да го доведе Јирген Клоп за свој тренер на „Ноу Камп“. Од Барселона се надеваат дека тренер како Клоп со совоето доаѓање би извршил комплетен препород на екипата и клубот.

Клоп има договор со Ливерпул до 2024 година, но по завршувањето на тој договор најмногу се поврзува со преземање на клупата на германската репрезентација.

Германецот е познат како специјалист за подобрување на перформансите на екипите кои ги тренирал досега и затоа Барселона посакува во иднина да ги искористи квалитетите на Клоп кој би бил идеално решение за нив.

Марсело Брозовиќ би можел да го напушти Интер на крајот на сезоната како слободен агент. Италијанските медиуми пренесуваат дека двете страни се далеку од договор за продолжување на соработката, а договорот на Брозовиќ завршува на крајот на сезоната.

Имено, Брозовиќ моментално заработува 3,5 милиони евра и бара со новиот договор плата од 5,5 милиони евра, додека Интер не може да си дозволи такво зголемување.

Хрватот на маса има понуди од три европски гиганти и тоа Манчестер Јунајтед, ПСЖ и Тотенхем, па на Интер ќе му биде тешко да го задржи. nПритоа, Хрватот ќе земе одредена сума како бонус при потпишување за новиот клуб, бидејќи ќе пристигне како слободен агент.

Како што пренесуваат медиумите од Англија, легендарниот тренер на Манчестер Јунајтед Алекс Фергусон го посетил тренинг центарот на клубот кој се наоѓа во Карингтон и заедно со извршниот потпретседател на клубот Ед Вудворд му даде поддршка на Солскјер во борбата за место на клупата на Јунајтед. Сепак се очекува конечната одлука да ја донесе еден од претседателите на клубот, Џоел Глејзер.

Популарниот Ферги смета дека на Солскјер треба да му се даде време за да може да ги промени работите во тимот, почнувајќи од средбата со Тотенхем која е наредна на распоред. Заедно со легендарните Алекс и Вудворд, во Норвежанецот верува и директорот Ричард Арнолд, кој наскоро треба да ја преземе функцијата извршен потпретседател од Ед Вудворд.

Солскјер наскоро ќе наполни три години на клупата на Манчестер Јунајтед, и за засилувања досега потроши 457.000.000 евра за, но не успеа да освои ниту еден трофеј. Многу стручњаци се сомневаат во неговата способност, но се чини дека благодарение на поддршката која ја има од Фергусон, Вудворд и Арнолд би можел да добие уште една шанса.

Откако медиумите во Англија најавија дека тренерот, Оле Гунар Солскјер, ќе заработи отказ од Манчестер Јунајтед и дека на негово место ќе дојде Антонио Конте, се огласи легендарниот фудбалер, Гери Невил.

„Не верувам дека Конте е добар за клубот. Тој работи главно неколку години а потоа си заминува. Тоа не му одговара на Манчестер Јунајтед“, вели поранешниот фудбалер на екипата од „Олд Трафорд“.

Ќе потсетиме дека Италијанецот кој го напушти Интер на крајот на претходната сезона, во меѓу време одби понуда да седне на кормилото на Њукасл.

ПСЖ е силно заинтересиран за новата ѕвезда на Салцбург, Карим Адејеми.

„Светците“ на крајот на сезоната најверојатно ќе останат без Килијан Мбапе, кој ќе замине како слободен агент, па веќе почнаа да бараат замена за Французинот.

19-годишниот Адејеми блеска во дресот на Салцбург и го привлече вниманието на многу европски гиганти, а ПСЖ сака да ја победи конкуренцијата.

Фудбалерот, роден во 2002 година од мајка Романка и татко Нигериец, дебитираше за германската репрезентација во септември, и важи за еден од најголемите талени.

Играчот на Реал Мадрид, Лука Модриќ, во неделното “Ел класико“ го одигра својот 400-ти натпревар во дресот на “кралскиот клуб“. На неговиот јубилеј, Реал ја совлада Барса на “Ноу Камп“ со резултат 2:1.  

“Горд сум и среќен поради ова неверојатно достигнување. Се надевам дека ќе одиграм уште многу натпревари за Реал Мадрид каде одлично се чувствувам. Никогаш не размислував дека ќе го постигнам овај успех. Го исполнив сонот да играм во дресот на Реал Мадрид и сум благодарен на сите моменти што ги доживеав тука“, изјави Модриќ, кој настапува за Реал Мадрид од 2012 година.

Серхио Рамос е блиску до враќање на теренот по повредата. Денес, Шпанецот се врати на тренинг со останатиот дел од екипата.

Според изворот, Серхио Рамос може да дебитира за ПСЖ на натпреварот од 12. коло на француската Лига 1 против Лил. Натпреварот ќе се одигра во петок на 29 октомври. Шпанецот сака да игра за ПСЖ токму на овој натпревар, но можно е тренерот на ПСЖ, Маурисио Покетино, да го чува Рамос за натпреварот од Лигата на шампионите против Лајпциг следната недела.

Да потсетиме дека Серхио Рамос стана фудбалер на ПСЖ во јули 2021 година. Договорот на фудбалерот со клубот е до 2023 година.  Дефанзивецот се пресели во новиот клуб како слободен играч. Рамос никогаш не играл досега за ПСЖ поради повреда.