Македонија против Литванија, и тоа два пати во рок од четири дена во овој ноември.

Два натпревари кои ќе дадат можеби не и конечен одговор , ни кои ќе стане и (по) јасно кои се вистинскит еквалитети на нашиот национален тим во овој момент, втор дел о квалификациакиот циклус.

Кристијан Николов не беше дел до февруарскиот циклус, но сега е на располагање на стручниот штаб, за онаа примарна позиција во тимот, плејмејкерската.

„Тешко е сега да се прогнозира дали ќе се пласираме на Европското првенство, бидејќи секој натпревар е посебна приказна и не знаеме кој ќе игра, а кој не. Ги имаме Нено и Шортс кои играат во Евролигата и кога би биле тие тука, тоа ќе биде друга приказна. Допрва ќе ги анализираме и Литванците, знам дека и тие нема да бидат комплетни што ќе биде многу тешко за скаутинг, имаат и нов селектор, па ќе видиме што ќе се случи“, вели „повратникот“ во нашиот национален тим.

Јасно е дека пред себе имаме квалитетен противник кој во претходните два натпревари, неочекувано загуби од Естонија, а беше подобар од Полска, селекција која има обезбедено пласман на Евробаскетот како еден од четирите ко-организатори на европската смотра на кошарката.

„На нас останува да дадеме се од себе, на нас е да изгинеме за секоја топка и да покажеме карактер, а останатото веројатно ќе дојде. Знам дека секој од моите соиграчи ќе извади максимум од своите сили и се надевам на позитивен резултат“, рече кошаркарот на турскиот Пицабулс Џеди Осман.

Македонија игра против Литванија во четврток навечер, од 18.часот, во салата на СРЦ „Кале“ во Скопје, со директен пренос на спортскиот канал „Sport Klub 4HD“.

Кошаркарскиот клуб Барселона во следниот период ќе биде без Чимези Мету, крилниот центар кој се повреди против Париз на Ти-Џеј Шортс во Евролигата.

Како што се стравуваше во Каталонија, се потврдија лошите вести. Мету заработи потешка повреда на медијалниот лигамент и поради тоа го очекува пауза од месец и половина до два.

„Тестовите потврдија дека нашиот играч Чимези Мету доживеа повреда на медијалниот лигамент (МЦЛ) во левото колено и се работи за второстепена повреда. Ќе следат терапии и процес на заздравување, а се верува дека ќе му бидат потребни шест до осум недели за да се врати на терен“, нашишаа од клубот.

Саша Обрадовиќ доби отказ од тимот на Монако, потврдија од францускиот кошаркарски клуб.

Ова доаѓа откако Монако беше поразен од Ле Ман во францускиот шампионат, што беше негов четврти пораз во ова натпреварување.

И покрај тоа, клубот има учинок од шест победи и четири порази во Евролигата. Затоа, ова откажување е донекаде изненадувачки.

„Монако одлучи да му врачи отказ на тренерот. Саша Обрадовиќ донесе дисциплина, работеше до исцрпеност од неговиот почеток во декември 2020 година. Придонесе за две шампионски титули во Франција, го освои Купот и Фајнл-форот на Евролигата, додека двапати беше во ТОП 8 на ова натпреварување. Името на Саша Обрадовиќ засекогаш ќе остане запишано во историјата на нашиот тим. Управата е благодарна за сè што направи. На негово место ќе дојде Манучар Маркошвили, кој е назначен за привремен тренер“, објавија од клубот.

Лос Анџелес Лејкерси ќе му оддадат почит на Пет Рајли. Членот на „Куќата на славните“ ќе стане осмиот во историјата на организацијата што ќе биде овековечен во статуа надвор од арената на клубот.

„Пет е икона за Лејкерс. Неговиот професионализам, посветеноста на занаетот и подготовката за игри го определија развојот на тренерската професија во модерната лига. Татко ми ја препозна неговата опсесија и способност да ги води талентираните играчи до шампионски статус. Пет и стилот на кошарка на Лејкерс од 1980-тите сè уште ја моделира нашата организација денес поради комбинацијата на живост и победнички потенцијал“, изјави Џини Бас косопственичка на клубот.

Рајли го предводеше клубот до четири титули како главен тренер и исто така беше дел од шампионските тимови како кошаркар и асистент.