Италијанскиот клуб Јувентус продолжува да биде активен на трансфер пазарот ова лето. Откако клубот веќе го комплетира трансферот на Филип Костиќ од Ајнтрахт Франкфурт, легендарниот калчолигаш подготвува ангажман на Холанѓанецот Мемфис Депај од Барселона.
Медиумите пренесуваат дека тој во Торино би пристигнал како слободен играч откако ќе биде ослободен од Барселона. Сеуште не е позната висината на платата за која Депај би играл за бјанконерите , но се очекува договорот да биде потпишан на две години.
Рикиардо бара 21 милион долари да му раскине на Мекларен
Даниел Рикиардо побарал 21 милион долари за да се согласи да го раскине договорот со Мекларен, кој трае до крајот на сезоната 2023-та во Формула 1. Денеска во неколку австралиски медиуми се појавија информации кои коментираат дека Даниел несвесно станал учесник во трансфер сагата со Оскар Пјастри со кој Мекларен сака да го замени. Според непотврдени информации, Рикардо вози за 15 милиони долари годишно во Мекларен.
Наместо тоа, сепак, се претпоставува дека овие 21 милион долари се почетната точка од која започнуваат преговорите меѓу Рикардо и Мекларен за условите под кои двете страни ќе се разделат. Но, веќе е јасно дека ако Рикардо остане во Формула 1 и најде друг тим, тогаш тој ќе мора да ја врати во Мекларен сумата, еднаква на неговата плата на новото место.
На пример, ако Рикардо се врати во Алпин и потпише договор за 10 милиони долари по сезона, тогаш од 21 милион што ќе ги добие од Мекларен, мора да врати 10 милиони во тимот на Зак Браун. Во исто време, се очекува дека Мекларен ќе се соочи и со сериозни трошоци, поврзани со Пјастри и претстојниот случај во Високиот суд во Лондон – Алпин веќе најави дека ќе бара компензација за парите вложени во кариерата на Оскар.
Чурлинов пред потпис со Андерлехт
Македонскиот репрезентативец и фудбалер на Штутгарт Дарко Чурлинов најверојатно својата кариера ќе ја продолжи во белгискиот клуб Андерлехт.
Според информациите Чурлинов веќе ги договорил личните услови со Андерлехт, па сега се чека само договорот околу обештетувањето кое новиот клуб ќе треба да го плати на Штутгарт. Очекувањата се дека легендарниот белгиски клуб ќе плати 4 милиони евра колку што бара германскиот тим.
Алексис Санчез пристигна во Олимпик Марсеј
Чилеанскиот фудбалер Алексис Санчез е нов играч на Марсеј, соопштуваат од францускиот вицешампион.
Доскорешниот фудбалер на Интер од Милано, со Олимпик Марсеј потпиша едногодишен договор.
33-годишниот Санчез во својата богата фудбалска кариера има настапувано за Удинезе, Коло Коло, Ривер Плата, Барселона, Арсенал и Манчестер Јунајтед. За селекцијата на Чиле има одиграно 143 натпревари.
Салваторе Сиригу го засили Наполи
Голманот Салваторе Сиригу ги помина медицинските прегледи во Наполи и наскоро ќе биде официјално објавен како ново засилување.
Тој ќе пристигне во тимот како слободен играч откако ќе му истече договорот со Џенова.
35-годишниот ветеран ќе добива плата од околу 700.000 евра по сезона. Сепак, Наполи нема да запре во потрагата по голман, затоа што и натаму фокусот е на Кепа Аризабалага и Кејлор Навас со кои интензивно продолжуваат преговорите.
Шамар Николсон најави заминување од Спартак во Нант
Напаѓачот на Спартак Москва, Шамар Николсон, може да ја продолжи кариерата во француската екипа Нант.
Наводно, „Канаринците“ се подготвени да испратат понуда за интернационалецот од Јамајка. Тој му се приклучи на рускиот состав пред осум месеци и до крајот на сезоната успеа да постигне 8 голови.
25-годишниот фудбалер има настапувано за Домжале и Шарлоа. Неговиот тековен договор со Русите е до 2026 година.
Суарез и уругвајски Национал елиминирани од Копа Либертадорес
Луис Суарез и неговиот Национал Монтевидео испаднаа од Копа Судамерикана по поразот од 3-0 против Атлетико Гоаниенсе. Уругвајците се елиминирани со вкупен резултат 4-0.
Луис Фернандо погоди двапати, додека Габриел Бараљас го постигна третиот гол за Бразилците и го трасираше патот на Атлетико во следната рудна. Суарез се појави како замена во второто полувреме и пропушти неколку шанси за гол.
Суарез, кој пристигна како слободен играч од Атлетико Мадрид, во петокот го постигна својот прв гол за Национал на меч во домашното првенство против Рентистас.
Тухел откри дека го сака Весли Фофана од Лестер
Челзи е еден од најактивните клубови на трансфер пазарот, а Тухел сака да доведе уште еден дефанзивец. Најголема желба е Весли Фофана од Лестер за кого Челзи е спремен да плати дури 80 милиони евра. 21-годишниот Французин важи за еден од најперспективните дефанзивци во светот.
Челзи ова лето се раздели со Антонио Рудигер и Андреас Кристенсен пред да го ангажира сенегалскиот репрезентативец Кулибали од Наполи.
„Среќни сме што имаме играчи како Аспи, Тиаго и Калиду, но важно е да ја пронајдеме следната генерација на дефанзивци и да ги донесеме во следните години. Фудбалот стана многу физички и напорен и во оваа ситуација ни требаат други играчи со кои ќе ги ротираме овие момци. Факт е дека тројцата дефанзивци, голманот, како и Жоржињо и Канте се во триесеттите. мора да размислуваме и за иднината“, изјави Тухел.
Мундијалот во Катар ќе почне еден ден порано
ФИФА и домаќинот на Светското фудбалско првенство Катар ќе направат промена во распоредот на натпревари на првенството. Домаќинот инсистира да биде задржана традицијата и тие да бидат тимот кој ќе го отвори првенството, па нивниот меч со Еквадор кој е планиран да се одигра од 17 часот на 21 ноември, ќе биде префрлен еден ден порано?!
Во моментов воведниот натпревар на шампионатот треба да го одиграат Сенегал и Холандија, кој е закажан за 21 ноември во 11:00 часот.
Ако се точни информациите, натпреварот меѓу земјата домаќин и јужноамериканците најверојатно ќе биде презакажан за 20 ноември во 20 часот. Тоа ќе се одрази и на програмата на сега веќе вториот ден на првенството, каде нема да има натпревар од 11 часот, а трите натпревари да започнат во 14 часот, односно 17 часот и 20:00 часот.
Варан сака да го напушти Манчестер
Според информациите од Англија, фудбалерот од одбраната на Манчестер Јунајтед, Французинот Рафаел Варан наводно сакал да го напушти клубот и побарал трансфер доколку пристигне добра понуда за него.
Варан пристигна во клубот од Олд Трафорд минатото лето за сума од 40 милиони евра. Тој на првиот натпревар од новата сезона против Брајтон беше на клупата за резервни играчи, а Јунајтед на домашен терен загуби со 2:1.
29-годишниот фудбалер бил разочаран од одлуката на тренерот да го изостави од првиот тим, и се надева дека би било подобро да заигра за друг клуб. Неговиот договор со Јунајтед истекува во јуни 2025 година.
