Дресерот на орелот кој е маскота на Лацио, Хуан Бернабе, е суспендиран од страна на раководството на римскиот клуб поради фашистички поздрави кој ги упатил кон ултрасите на Лацио.

Бернабе е снимен на видео клип на кое се гледа како тој изведува фашистички поздрав и скандира Дуче, Дуче,што е прекарот по кој е познат фашистичкиот лидер Бенито Мусолини.

Видеото е снимено на еден од последните домашни натпревари на клубот, најверојатно дербито со Интер.

Орелот Олимпија е маскота на Лацио и лета над стадионот Олимпико пред секој домашен натпревар на клубот.

Француската лига има намера да одигра првенствен натпревар во Кина. Според информациите, станува збор за мечот меѓу Монако и Лион кој треба да се одигра во рамките на 23 коло од француската Лига 1.

Според најавите, дуелот би се одиграл на 5 февруари 2022 година, а и двата клуба се согласиле да патуваат за Кина. Тоа би бил прв првенствен натпревар од која било европска лига на друг континент, со оглед на тоа што досега се одиграни само пријателски или оние од Суперкупот.

Натпреварот би се играл во Шангај, а претседателот на Лион, Жан-Мишел Ола разговарал за тоа минатата сабота со сопственикот на Монако, Олег Петер.

Холандските власти го затворија стадионот „Гоферт“ во градот Нијмиген, откако во неделата се урна дел од трибина за време на прволигашкиот натпревар меѓу домаќинот Нец и Витесе.

Инцидентот се случи на дел од трибината со навивачи на Витесе по завршувањето на натпреварот кога започнаа да ја прославуваат победа од 1-0.

За среќа беше избегната трагедија и никој не беше повреден. Засега не се познати причините кои довелоа да се урне дел од стадионот, што е во сопственост на Градот.

„Бидејќи не знаеме зошто дел од трибината се урна, мораме да го затвориме стадионот. Доколку тоа не го направиме, безбедноста ќе биде загрозена. Стадионот повторно ќе биде отворен откако ќе бидеме 100 отсто сигурни дека објектот ќе биде безбеден“, соопштија градските власти во Нијмеген.

Според информациите кои ги пишува весникот “АС“, Барселона се вклучила во борбата за потписот на Килијан Мбапе. И покрај постојаните информации за тешката финансиска состојба во Барса клубот од „Камп Ноу“ е подготвен да издвои 90 милиони евра за услугите на репрезентативецот на Франција.

Пред неколку месеци Килијан Мбапе одби да потпише нов договор со Париз Сен Жермен и на крајот од сезоната ќе биде слободен играч. 

Како што е добро познато најголем фаворит за доведување на Мбапе досега беше Реал Мадрид, но ќе видиме дали Барса со својата најнова понуда ќе успее да го привлече Французинот да премине во нивните редови.

Еден од подобрите поединци  на Манчестер Јунајтед, Бруно Фернандеш може да го пропушти дербито против Ливерпул кое е закажано за во недела.

Според магазинот „Сан“, Португалецот заработил повреда на вчерашниот тренинг и со болки во ногата ја напуштил тренинг базата на клубот.

Тренерот на Јунајтед, Оле Гунар Солскјер се очекува на денешната прес конференција да даде поконкретни информации са состојбата на Фернандеш. 

Откако пристигна во екипата на Манчестер Јунајтед, Бруно настапи на три натпревари против Ливерпул, и постигна два гола.

Ждрепката за групната фаза за Светското фудбалско првенство во Катар идната зима ќе се одржи на 1 април 2022 година, ден по конгресот на ФИФА закажан за 31 март во Доха.

Мерило во кој шешир ќе се најдат учесниците на Мундијалот пред жрепката ќе биде рангирањето на репрезентациите на ФИФА листата.

Во моментот на ждрепката нема да бидат познати сите 32 земји учеснички, бидејќи последните две репрезентации пласманот на завршниот турнир во Катар ќе го обезбедат по интерконтиненталните плејоф натпревари.

Засега пласман на Мундијалот, кој ќе се одржи идната година од 21 ноември до 19 декември, обезбедија Данска, Германија и домаќинот Катар.

Претседателот на Барселона, Жоан Лапорта го изрази своето задоволство од потпишувањето на новиот договор со младата надеж на Барса, Ансу Фати, кој ќе остане во клубот до 2027 година.

Лапорта му вети на  Ансу дека клубот ќе направи се за да му помогне на играчот да ги постигне своите цели во фудбалот.

“Во Барселона ќе ти помогнеме да ги постигнеш своите цели. Тие се исти со нашите “, изјави Лапорта.

Лапорта кажа дека за него би било остварување на сонот доколку еден ден екипата на Барселона биде целосно составена од играчи кои потекнуваат од “Ла Масиа“ популарната младинска академија на клубот.

Претседателот на Баерн Минхен, Херберт Хајнер, е најновото фудбалско име која ја критикуваше идејата на ФИФА за одржување на светски првенства на секои две години, велејќи дека „никогаш не треба да го жртвувате фудбалот заради финансиските интереси“.

„Играчите, тренерите, сите оние што се одговорни во клубовите, се жалат на премногу натпревари    и сега бројот на натпревари со Светското првенство повторно ќе се зголеми? Едноставно нема логика во ова. Треба да размислиме за здравјето на играчите “, изјави Хајнер за германскиот магазин„ Кикер “.

Хајнер додаде дека ФИФА не треба да ја расипува досегашната пракса на одржување  на светските првенства на секои четири години. „Овој временски распоред е докажан многу децении наназад. Светското првенство е еден од најголемите спортски настани во светот – и има причини за тоа“, изјави претседателот на баварскиот гигант, кој е шесткратен европски клупски шампион.

Звездата на Ливерпул и Египет,Мохамед Салах, ја претстави својата восочна фигура во музејот Мадам Тисо во Лондон.

😂 "Does he have abs or not?"

Mo Salah meets… Mo Salah! | Madame Tussauds unveiling pic.twitter.com/nX38TBs8T0

— This Is Anfield (@thisisanfield) October 21, 2021