Менаџерот на Челзи, Томас Тухел, беше разочаран по изведувањето на пенали на Ливерпул во финалето на ФА Купот, но се фокусираше на добрата игра на неговиот тим.

„Како и во претходното финале против Ливерпул, не жалам за ништо. Им кажав на момчињата дека сум горд на нив. Одигравме вкупно 240 минути во две финалиња против можеби најсилниот напад во светот и резултатот е 0-0. Тажни сме што загубивме по пенали, но во исто време сме горди што направивме се што можевме. Во текот на натпреварот чувствував дека имаме предност, но очигледно згрешив“, прокоментира Тухел.

„Веќе 4 пати оваа сезона докажавме дека можеме да се натпреваруваме со Ливерпул. Сите натпревари беа рамноправни и можеа да завршат со победа за нас и за противникот“, додаде германскиот стручњак.

Челси има уште два натпревари во Премиер лигата – дома Лестер и Ватфорд. Пред нив, тимот го зазема третото место во поредокот со 4 бода предност пред Арсенал и 5 пред Тотенхем.

Иван Перишиќ, може да ја продолжи кариерата во Јувентус. Клубот од Торино е подготвен да му понуди договор на 33-годишниот хрватски фудбалер. Да потсетиме, претходно Перишиќ зборуваше за можно продолжување на договорот со Интер и истакна дека преговорите за нов договор се одолговлекуваат.

Перишиќ за италијанскиот тим настапува од 2015 година, откако се пресели од германски Волфсбург. Фудбалерот од средниот ред оваа сезона одигра 33 натпревари во лигата, постигнувајќи седум гола и шест асистенции.

Договорот меѓу Перишиќ и Интер истекува на крајот од оваа сезона. Пазарната вредност на играчот се проценува на 10 милиони евра.

Германскиот бундеслигаш Волфсбург со заедничка согласност реши да се раздели со тренерот Флоријан Кофелд, потврдија од бундеслигашот.

Раководството на „волците“ одлуката ја донесе по темелна анализа и по завршувањето на сезоната, потврдувајќи ги прогнозите на некои од водечките германски медиуми.

„Жалиме за ваквиот развој на настаните и му благодариме на Флоријан Кофелд што ни помогна во оваа тешка ситуација и донесе правилни одлуки за да се осигураме дека ќе останеме во елитата. Не сакаме да бидеме под притисок од почетокот на следната сезона и се договоривме да ја завршиме заедничката соработка“, изјави Јерг Шмадке, директор на клубот од Долна Саксонија.

Репрезентативците на Македонија, Аријан Адеми и Стефан Ристовски, на едно коло пред крајот на првенството, ја осигураа новата шампионска титула со Динамо Загреб.

Екипата од Загреб, во претпоследното првенствено коло, славеше како гостин против Шибеник со 0:2, па така оствари предност од четири недостижни бода пред второпласираниот Хајдук од Сплит, и се промовира во шампион на Хрватска. Ристовски и Адеми го одиграа целиот натпревар за Динамо.

Легендарниот централен стопер на Јувентус и на фудбалската селекција на Италија, Џорџо Кјелини, веројатно ќе замине преку „големата бара“ во екипата на Лос Анџелес Галакси.

37-годишниот ветеран по цели 17 сезони најави дека ќе ја напушти „старата дама“, но, нема намера да се повлече од фудбалот.

Наводно, клубот од САД му нуди на Кјелини договор до декември во 2023 година.

Арсенал е многу блиску до доведување на талентиран бразилски фудбалер кој го носи дресот на Сао Паоло.

Во прашање е 19-годишниот офанзивец Маркињос кој во овој момент важи за еден од најголемите потенцијали во Бразил. Арсенал и во последните има добро искуство со доведување на фудбалери од Бразил, Габриел Мартинели полека станува неизоставен дел од составот на Артета.

Маркињос како и Мартинели на „Емирати“ би требало да пристигне за сума од три милиони евра. Сао Паоло не е ниту во можност да бара повеќе затоа што договорот на Бразилецот има важност само уште една година.

Јирген Клоп зборуваше за Лигата на Нации која ги очекува фудбалерите на крајот на актуелната сезона.

На Клоп не му се допаѓа Лигата на Нации како натпреварување и истакна дека би се откажал од паричната награда за пласман во финалето од Лигата на шампионите ако тоа значи дека УЕФА го прекине како што го нарече тој „смешниот“ турнир.

„Додавањето на повеќе натпреварувања во ваков густ распоред секогаш е лоша идеја. Зборував за ова и претходно…Лигата на Нации е една од најсмешните идеи во фудбалот. Во текот на сезоната фудбалерите играат преку 70 натпревари и после завршувањето на сезоната продолжуваат да играат во Лигата на нации за репрезентациите. Јас би се откажал од парите за финалето во Лигата на шампионите ако УЕФА се ослободи од Лигата на Нации“, изјави Клоп.

Медиумите во Италија тврдат дека, челниците на Јуветус овој понеделник ќе се сретнат со менаџерите на Пол Погба, и ќе започнат официјани преговори за доведувањето на Французинот во Торино.

Договорот на Погба со Манчестер Јунајтед истекува на 1 јули, и според информациите Јувентус ќе му понудат на Погба 7 милиони евра по сезона, што ќе претставува видно намалување од неговите досегашни парични примања во Јунајтед. Да потсетиме дека Погба беше дел од екипата на Јувентус од 2012 до 2016 година. 

Освен Јувентус, како заинтересирани клубови за доведување на Погба уште се споменуваат ПСЖ и Реал Мадрид.