Претседателот на кошаркарскиот клуб Партизан Остоја Мијаиловиќ преку социјалните мрежи објави информација дека тимот од Белград и официјално потпиша договор за настап во кошаркарската Евролига во сезоната 2022/23.
Партизан својата нова евролигашка сезона ќе ја започне на 7.октомври со гостувањето во Берлин против екипата на Алба.
Доаѓањето на Кепа Аризабалага во Наполи ќе го испрати младиот голман, Алекс Мерет, на позајмица за една сезона во Специја.
Наполитанците треба да го финишираат трансферот на Аризабалага кој ќе дојде како позајмен играч а англискиот клуб ќе продолжи да плаќа 75 отсто од неговата плата.
Што се однесува до 25-годишниот Мерет, тој во минатата сезона забележа седум настапи за Наполи и прими шест голови.
Шпанскиот фудбалер Марк Кукуреља е нов фудбалер на Челзи, соопштуваат од лондонскиот клуб.
Тимот од Стенфорд Бриџ за левиот бек на Брајтон плати високи 65 милиони евра. Претседателот на Челзи Тод Боели изјави дека Шпанецот е иднината на клубот.
Англиските медиуми пренесуваат дека со пристигнувањето на Кукуреља во екипата, Челзи ќе му дозволи на Маркос Алонсо да му се приклучи на Барселона.
Шампионот на Франција Париз Сен Жермен објави дека португалскиот фудбалер Ренато Санчез е нов играч на клубот. Португалецот од средината на теренот потпиша договор со важност до 2027 година.
Во текот на својата кариера 24-годишниот играч настапуваше за Бенфика, Баерн Минхен, Свонси и Лил.
Од 2019 година играше за Лил и со тој клуб ја освои титулата во француското првенство за сезоната 2020/21. Ренато Санчез е стандарден репрезентативец на Португалија.
Новиот менаџер на Манчестер Јунајтед, Ерик тен Хаг, сакал клубот да го ангажира крилниот напаѓач на Челси, Хаким Зиеч. Холандскиот стручњак одлично го познава Мароканецот, кој беше дел од Ајакс предводен од него во периодот меѓу 2017 и 2020 година. По потпишувањето на Рахим Стерлинг, Челси е подготвен да го продаде Зиеч само две години откако плати 37 милиони фунти за него.
Според новинарот на „Франс Фудбал“ Набил Џелит, Зиеч бил еден од приоритетите на Тен Хаг за летниот избор, но челниците на Манчестер Јунајтед се изјасниле против трансферот и го блокирале договорот, иако Мароканецот би бил многу поевтина опција од крилниот напаѓач на Ајакс, Антони, за кој Јунајтед долго време преговараа. Всушност, токму Бразилецот го замени Зиеч во холандскиот клуб пред две години.
Инаку, во последно време упорно се тврди дека крилниот напаѓач на Челси може да ја продолжи кариерата во италијанскиот шампион Милан.
Поранешниот НБА кошаркар, Иман Шумперт е уапсен на аеродромот во Далас, бидејќи имал големо количество марихуана!
Тој завршил во затвор бидејќи марихуаната не е легализирана во Тексас, а покрај споменатата опојна дрога, поранешниот НБА шампион во багажот имал и 14 куршуми од калибар 9 мм. Сепак, не и пиштол.
„Според полицискиот извештај, обезбедувањето на аеродромот забележало сомнителна торба во неговата чанта на скенерот, тој признал дека се работи за марихуана. Тој не даваше отпор при апсењето, ниту протестираше. Доколку биде прогласен за виновен на судење, може да добие затворска казна од две години и парична казна од 10.000 долари“, пишуваат медиумите во САД.
Весникот Тутоспорт кој е добро упатен со состојбите во Јувентус, излезе со тврдење дека тренерот на екипата Масилимијано Алегри не се откажува од доведувањето на српскиот репрезентативец и играч на Ајнтрахт Филип Костиќ.
Медиумот пренесува дека во наредните денови Јувентус ќе испрати свои претставници во Германија кои ќе понудат повисока понуда за Костиќ од претходната која сега ќе изнесува 16 милиони евра плус бонуси, како и зголемена плата за фудбалерот која од 2,5 милиони евра сега ќе се зголеми на 3,5 милиони евра.
Костиќ сеуште јавно не го коментира интересот од Јуве, и изјави дека во моментот е фокусиран само на првиот натпревар на неговата екипа во новата сезона на Бундеслигата.
Новиот напаѓач на Манчестер Сити, Ерлинг Халанд, изјави дека не е загрижен дали ќе се вклопи во екипата и во Премиер лигата, во која ова лето пристигна од Борусија Дортмунд.
Халанд го имаше своето деби во дресот на Сити минатата недела во натпреварот од Комјунити Шилд против Ливерпул, каде неговиот тим загуби со 3:1.
„Не сум премногу загрижен. Таков е животот на фудбалерите и мора да се живее со тоа. Вие сте некој вид на забавувач. Секоја недела сте на суд од навивачите во врска со тоа како играте на теренот и мора да се докажувате и давате се од себе“, вели Халанд.
Во првиот натпревар од новата сезона во Премиер лигата, Манчестер Сити гостува во Лондон кај Вест Хем.
Напаѓачот на Салцбург, Бењамин Шешко, може да добие понуда да се пресели во редовите на Манчестер Јунајтед доколку англискиот тим се согласи да плати 50-ет милиони евра, објавија медиумите на Островот.
19-годишниот интернационалец од Словенија има договор со австрискиот клуб до 2026 година а за неговите услуги се заинтересирани и луѓето од Челзи.
Младиот фудбалер во претходната сезона постигна 10 гола и направи 7 асистенции.
Дрис Мертенс одбил трансфер во Јувентус и плата од 5 милиони евра по сезона поради лојаноста кон Наполи, пренесува „Газета дело спорт“.
Тој е слободен откако му истече договорот со Наполи и е во потрага по нов клуб. Јувентус му понудил на Белгиецот 5 милиони евра по сезона, но тој не сакал да ја прифати понудата поради лојалност кон Наполи.
Мертенс пристигна во Наполи од ПСВ во 2013 година и стана најдобар стрелец во историјата со 148 гола.
