Фудбалската репрезентација на Македонија нема да менува позиции на најновата ФИФА-листа, иако го победи Лихнтештајн и одигра реми против Велс во мартовските натпревари од циклусот за Светското првенство (СП) во 2026 година.
Нашиот национален тим доби бодови, но недоволно да менува место, па на најновата ФИФА-листа која ќе биде објавена на 3 април останува на 67 позиција.
Нема промени во ТОП 10 каде Аргентина е прва пред Франција, Шпанија, Англија, Бразил, Португалија, Холандијам, Белгија, Италија и Германија.
ПСЖ ја купува шпанска Малага?
Сопствениците на Пари сен Жермен, „Катар Спорт Инвестментс“ се во преговори за купување на шпанскиот второлигаш Малага, пренесе „Екип“.
Катарците го купија ПСЖ во 2011 година, но сега почнуваат да го прошируваат своето портфолио во фудбалот. Тие неодамна купија 21,67 отсто од португалска Брага.
Според „Екип“, преговорите за купување на Малага се во напредна фаза и двете страни се блиску до договор за 100 милиони евра.
Симеоне го сака Ромеро во Атлетико Мадрид
Атлетико Мадрид ќе се обиде во летниот преоден рок да го доведе стоперот на Тотенхем, Кристијан Ромеро, објавија британските медиуми.
Аргентинскиот репрезентативец пропушти 27 натпревари оваа сезона поради повреда на бутниот мускул и се врати на терените на 9. март.
Неговиот сонародник, тренерот на Атлетико, Диего Симеоне, смета дека Ромеро е еден од најдобрите стопери во светот.
Нотингем Форест спремен да плати богатство за Осимен
Англиски Нотингем Форест се вклучи во трката за потписот на нигерискиот напаѓач од екипата на Наполи, Виктор Осимен , кој моментално е на позајмица во Галатасарај.
Според информации од Островот, „шумарите“ имаат намера да платат 75 милиони евра за голгетерот на италијанскиот клуб за да ги победат Манчестер Јунајтед и ПСЖ во борбата за 26-годишниот нигериски напаѓач.
Галатасарај го донесе Осимхен на позајмица од Наполи во септември минатата година. Оваа сезона напаѓачот има 26 гола и пет асистенции на 30 натпревари во сите натпреварувања.
Арсенал со пресврт го елиминира Реал во женската ЛШ
Фудбалерките на лондонски Арсенал се пласираа синоќа во полуфиналето во Лигата на шампиони (ЛШ), откако на домашен терен го совладаа Реал Мадрид со 3-0 и со вкупен резултат од 3-2 го елиминираа големиот фаворит за освојување на титулата.
Во полуфиналето, Арсенал ќе се соочи со минатогодишниот финалист, француски Лион, кој го елиминираше Баерн Минхен со вкупни 6:1.
Фудбалерите на Арсенал го загубија првиот дуел во Мадрид со 2-0, а по првото полувреме без голови во Лондон се чинеше дека Реал Мадрид лесно ќе се пласира во полуфиналето.
Сепак, со три голови во почетните 14 минути од вториот дел, Арсенал целосно ја промени ситуацијата на теренот, а потоа го одржуваше водството до крајот на натпреварот.
Натпреварот во Лондон го следеа 22.517 гледачи со платени билети, што е рекорд во женската Лига на шампиони за еден четвртфинален натпревар.
Јокиќ се врати со „трипл-дабл“ и монструозна партија
Кошаркарите на Денвер на домашен терен го совладаа Милвоки (127-117), а по пет пропуштени натпревари на теренот беше и Никола Јокиќ. Лос Анџелес Лејкерс на звукот на сирената ја совлада Индијана Пејсерс (120-119).
Јокиќ натпреварот го заврши со трипл-дабл учинок, 39 поени, 10 скока, 10 асистенции и три загубени топки.
Погоди 16/25 од поле, 3/6 од три, и 4/7 од линијата за слободни фрлања.
Мајкл Портер Џуниор додаде 23 поени, 10 скока и четири асистенции, Кристијан Браун 19 поени, 10 скока и шест асистенции, а Џамал Мареј 17 поени, шест асистенции и четири скока.
Бакс беа ослабени со отсуството на Јанис Адетокумбо (повреда на стапалото) и Демијан Лилард (ја заврши сезоната поради тромбоза), а најефикасен беше Брук Лопез со 26 поени, седум скока и три асистенции.
Леброн Џејмс, погоди со звукот на сирената, а Лејкерис славеа победа над Индијана 120:119. Џејмс од „одбојка“ го поправи промашувањето на Лука Дончиќ и така во последната секунда му донесе победа на својот тим.
Лука Дончиќ беше најефикасен на теренот со 34 поени, седум скока и исто толку асистенции. Остин Ривс уфрли 24 поени.
Матурин беше најефикасен кај Индијана со 23 поени и пет скока. Тајрис Халибартон додаде 16 поени и 18 асистенции, а идентичен поентерски учинок имаа и Ендрју Небхарт и Мајлс Тарнер.
Милан нема да го откупи Жоао Феликс, Галатасарај фаворит за неговиот потпис
Португалецот Жоао Феликс имаше добар почеток во Милан меѓутоа подоцна ги разочара навивачите и на „Сан Сиро“ не ги исполни очекувањата.
Феликс пристигна на позајмица од Челзи за која Милан палти два милиони евра, а иако по првите неколку натпревари веќе се размислуваше за откуп на неговиот договор ситуацијата набрзо се промени.
Сега во Милан веќе донеле одлука да не го откупат неговиот договор и се најавува каде би можел да продолжи.
Наводно, агентот на Феликс, Жорж Мендеш го известил Челзи дека Феликс има желба да продолжи во редовите на Галатасарај.
Турските медиуми пренесуваат дека веќе имало и први разговори кои биле позитивни.
Раул Албиол ќе добие нов договор во Виљареал
Некогашниот шпански репрезентативец, Раул Албиол иако веќе има 39 години сепак нема намера да се пензионира.
Шпанецот во својата кариера настапуваше за Валенсија, Реал Мадрид, Гетафе и Наполи, а во последните шест сезони ги брани боите на Виљареал.
Во актуелната сезона во дресот на „Жолтата подморница“ , Албиол собра 16 настапи.
„Договорот кој го имам истекува на лето, но јас се чувствувам одлично и сакам да одиграм најмалку уште две сезони. Сепак, тука се прашува и клубот, не знам како тие размислуваат. Постојат и други опции, меѓутоа јас во овој момент сум среќен во Виљареал“, изјави Албиол.
Во септември тој ќе наполни 40 години, меѓутоа очигледно нема намера да се откаже.
Алкалоид го совлада Охрид, пелистерци први влегуваат во плеј-офот
Екипите на Алкалоид и Охрид го комплетираа 22. коло во ракометната Супер лига, а домашниот тим успеа да го скрши отпорот на незгодниот противник и го заокружи првиот дел од сезоната со уште една победа за конечно 29-26.
Серафимов со 8 голови беше најефикасен во редовите на победничката екипа, додека Ивановски го заврши натпреварот со 6 голови.
Победата на Алкалоид му одговараше и на Еурофарм Пелистер, кој со ваков епилог ќе пренесе три бода во плејоф фазата, додека Алкалоид и Вардар ќе пренесат по два бод
Филипинката Еала е сензација на Мастерсот во Мајами
Александра Еала, 19-годишната филипинска тенисерка, приреди уште една сензација на Мастерсот во Мајами. Еала, во четвртфиналето ја победи петкратната грен слем шампионка Ига Швјонтек.
Еала (140. на ВТА листата) за еден час и 41 минута ја победи второрангираната на ВТА листата со 6-2, 7-5.
Филипинката претходно победи две грен слем шампионки, Елена Остапенко и Медисон Киз.
Еала осум пати и го одзеде сервисот на фаворитката, одтако блескаше во првиот сет, во втриот успеа да се извлече и врати во мечот по предноста на Швјонтек од 2:4.
Со оовј триумф, Еала си обезбеди пласман на 75.место на ВТА листата. Еала во полуфиналето ќе игра со победничката од дуелот меѓу Ема Радукану и Џесика Пегула.
