Фудбалерот на Рома, Николо Заниоло играше кој имаше непримерна гестикулација кон фановите на Лацио на неделното дерби во Серија „А“, веројатно ќе заработи казна од италијанската федерација, наведуваат медиумите во Италија.

Тој во 77. минута додека заминуваше кон соблекувалната  се конфронтираше со навивачите на Лацио што беше видливо и на малите екрани.

Се претпоставува дека играчот на „волчицата“ ќе добие забрана за настап на неколку мечеви или евентуално праична казна. Не се исклучува можноста и за двете варијанти.

Џорџо Киелини го сподели своето мислење за ПСЖ. Пред стартот на оваа сезона, на ПСЖ му се приклучија Џанлуиџи Донарума, дефанзивците Серхио Рамос и Ашраф Хакими, играчот од средниот ред Жоржињо Вајналдум и напаѓачот Лионел Меси. Киелини призна дека парискиот клуб може да биде многу застрашувачки на теренот.

„ПСЖ наликува на тим од игра на плеј-стејшн. Непобедлив тим. Ако можат да ја создадат потребната хемија, на и надвор од теренот, доколку ги стават интересите на тимот над личните, невозможно е да се победат“, изјави Киелини за „Л’Екип“.

ПСЖ ја започна новата сезона со осум последователни победи во Лига 1. Парижаните, по осум одиграни кола, се пред својот најблизок ривал, Ленс, со девет бодови разлика. Во Лигата на шампионите, ПСЖ започна со нерешени 1-1 кај Клуб Бриж.

Пензионираниот турски фудбалер Сезер Озтурк е уапсен пред осум дена откако во пукање со пиштол убил една личност, а ранил уште четворица, информираат турските медиуми.

Тие пренесуваат дека поранешниот фудбалер на Баер Леверкузен, Фенербахче и Бешикташ заедно со својот пријател два пати пукал на луѓето со кои дојде до инцидент во сообраќај.

Засега нема потврдени информации и детали, но медиумите наведуваат дека Озтурк веднаш по пукањето избегал од местото на случајот и беше уапсен подоцна.

Според пишувањата, најпрво дојде до физичка пресметка, а потоа фудбалерот заедно со својот пријател влегол во своето возило и пукал.

Челниците на Тотенхем планираат да го ангажираат младиот фудбалер на Астон Вила, Оли Воткинс, доколку првата ѕвезда на тимот, Хари Кејн, се определи да си замине во текот на наредното лето.

Воткинс пред сезоната се пресели од Бренфорд на „Астон Парк“  и веднаш ги покажа неговите одлични квалитети. Тој на 43 меча успеа да постигне 16 голови и за запише пет асистенции.

Се претпоставува дека Кејн ја реализира последната сезона кај „спарси“ и дека во 2022 година ќе замине во друг состав.

Диего Симеоне, тренерот на Атлетико Мадрид говореше пред мечот со Милан во групната фаза од Лигата на шампионите, во второто коло од најелитното клупско натпреварување.

Шпанскиот шампион гостува на Сан Сиро, откако ремизираше со Порто во првото коло, додека Милан загуби од Ливерпул.

,,Фантастично е што ќе играме против Милан. Тие се едни од најдобрите тимови, напредуваа во последните години. Ми се допаѓа и нивниот стадион. Знам дека играме против силен ривал, кој има одлични играчи“- изјави Симеоне.

„Нашиот противник е клуб кој игра добро, ќе биде тежок натпревар. Мораме да ги нападнеме таму каде што се слаби“.

Атлетико загуби од Алавес во последното коло од Ла Лига. Во претходните шест натпревари, тој забележа само две победи во сите натпреварувања.

„Расположението е добро. Се надевам дека играме добро. Свесни сме дека треба да бидеме подобри. Ривалите добро не познаваат, знаат како играме. Мораме да смениме нешто, да напредуваме. Ајде да најдеме нови начини да ги изненадиме“ – додаде Симеоне.

По поразот од Ливерпул во воведното коло од Лигата на шампионите, кога по два пресврти беа поразени, Милан го дочекува Атлетико Мадрид во второто коло од групата Б.

Според „Газета Дело Спорт“, Златан Ибрахимовиќ сепак нема да биде подготвен за настап за пресметката со „Јорганџиите“.

Рехабилитацијата не се одвива според првичната прогноза, па тој нема да може да игра оваа недела, а можно е да го прескокне и викенд дуелот со Аталанта во Серија А.

Во составот на Милан за пресметката со Атлетико Мадрид во Лигата на шампионите недостапни се и Флоренци и Круниќ, а неизвесни се Бакајоко и Кјаер.

Тони Крос откри низ каков пекол минал во претходните неколку месеци, но и дека сега конечно се чувствува одлично. Германецот направи пауза затоа што повеќе од половина година играше со болки. Тој одработи неколку тренинзи со остатокот од екипата и се очекува наскоро да биде дел од неа.

„Уште во март почнав да чувствувам болки, но не можев да направам пауза затоа што ме чекаа обврски. Бев три недели на одмор и верував дека ќе поминат болките, но тоа не беше така. Сега сум конечно подготвен, немам болки и чувството е неверојатно“, вели Крос.

Крос, Модриќ, Камавинга, Валверде, Касемиро се дел од пеколниот среден ред на „кралевите“ кои оваа година на чело со Карло Анчелоти делуваат многу добро. Реал е лидер со 17 освоени бодови, а во Лига на шампиони стартуваше со победа над Интер.

Рускиот фудбалер Виталиј Лисков постигна спектакуларен гол за својот Ахмат. На натпреварот против Ростов, Лисков го совлада противничкиот голман со моќен удар од точно 37,8 метри.

Тој му помогна на својот тим да слави на гостувањето во Ростов со 2:1 во руската Премиер лига.

Според многумина, овој погодок е еден од главните конкуренти за гол на сезоната, барем до овој дел од годината.

Атлетико Мадрид ќе се соочи со Милан во вторник навечер во вториот натпревар од групната фаза во Лигата на шампионите, а тренерот на тимот Диего Симеоне доби добра вест пред натпреварот.

Двата тима не се снајдоа добро во првите натпревари, откако Атлетико Мадрид одигра нерешено со Порто, а италијанскиот тим загуби на гостувањето кај Ливерпул.

Тренерот на Атлетико Мадрид ќе може да смета на Тома Лемар, кој ги пропушти последните три средби, Жоао Феликс ќе се врати во групата по одработениот црвени картон, а Коке веќе се опорави од повредата на мускулот. Ова значи дека Симеоне ќе биде со погоплем избор на играчи за оваа средба.

Арон Рамзи откажал неколку понуди ова лето бидејќи сакал да остане во Јувентус.

Клубот имаше желба да се раздели со Велшанецот, а неколку клубови од Англија покажаа конкретен интерес за него. 30-годишниот Рамзи има договор со Јувентус на уште две години и реши да остане во Торино и да се бори за место во тимот.

Меѓутоа, Алегри го „пречкрта“, не смета повеќе на него и јасно му порачал дека слободно може да си бара нов клуб во јануари. Рамзи е еден од најплатените играчи на Јувентус со годишна плата од 8 милиони евра, па „бјанконерите“ сакаат да се ослободат од него.

Интерес за Велшанецот покажуваат Вест Хем, Евертон и Тотенхем, па најверојатно ќе се врати во Премиер лигата.