feature

Рис Џејмс пак се повреди, ќе паузира три месеци

Tимот на Челзи покрај резултатската криза сега се соочува со уште еден проблем – се повреди капитенот Рис Џејмс.

Џејмс поточно ја обнови повредата на задната ложа и се шпекулира дека ќе паузира и до три месеци. 24-годишниот дефанзивец важи за еден од најдобрите десни бекови, но честите повреди го спречуваат да игра констатно на највисоко ниво.

Изминатиот викенд против Евертон на теренот помина само 25 минути по што мораше да биде заменет поради повреда. Деталните прегледи покажале дека се работи за повреда на задната ложа која ја повреди дури седум пати во последните три години.

Челзи не откри детали за процесот на рехабилитација, меѓутоа медиумите пишуваат дека Џејмс ќе паузира и до три месеци, а ќе се врати во март следната година.

Нема договор меѓу Црвена Звезда и Олимпија Милано за Пангос

Од Италија стигна веста дека требало да има трампа меѓу Црвена Звезда и Олимпија Милано со цел Кевин Пангос да се пресели во Белград додека Шабаз Напиер да оди во спротивен правец.

Сепак, црвено-белите на крајот не се согласија! Во меѓу време и Валенсија покажа дека е заинтересирана да го доведе плејмејкерот, но се уште нема договор бидејќи Олимпија не сака да плати за да се ослободи од Пангос.

Кошаркарот е во втор план кај тренерот, Еторе Месина и во сезонава поради повреди одигра само пет натпревари во Евролигата.

Џексон ќе мине без дополнителна казна по црвениот картон против Евертон

Челзи игра ужасно во новата сезона и се наоѓа далеку од борбата за позиции кои водат во европските купови, иако газдата Тод Боели потроши милијарда евра на засилувања.

Едно од засилувањата беше Николас Џексон, кој во моментов е најдобар стрелец на „сините“, но и еден од играчите кои имаат проблеми со дисциплината.

Џексон по мечот против Евертон грабна ривал за врат, а сега Фудбалскатa асоцијација (ФА) на Англија соопшти дека нема да го казни, иако вообичаено за такви потези се суспендираат фудбалери.

Марсијал спремен да се пресели во Саудиска Арабија

Манчестер Јунајтед во јануари ќе му ја отвори излезната врата на Антони Марсијал, пренесуваат медиумите на Островот.

Французинот минатото лето се врати на „Олд Трафорд“ после позајмицата во Севиља, но не добива голема минутажа кај Тен Хаг.

„Црвените ѓаволи“ се спремни да го продадат во јануари бидејќи не сакаат да го загубат без обештетување на крајот на сезоната. Французинот исто така е спремен да ја промени средината, а најконкретен интерес за него покажуваат клубовите од Саудиска Арабија.

Ал Етифак веќе испратил понуда, па сега се чека одговор од самиот Марсијал.

Турам: Интер ме сакаше две години, тоа беше лесен избор

Маркус Турам ова лето беше слободен агент и имаше неколку понуди на маса, а Французинот се реши кариерата да ја продолжи во Интер.

Турам блесна во дресот на Интер, а летово беше на чекор до потпис во ПСЖ. По неговото одбивање, тимот од Париз го ангажираше Коло Муани, а Мбапе сега јавно го праша зошто не дојде во ПСЖ во интервју за Канал+.

„Мбапе многу добро знае зошто не потпишав за Пари Сен Жермен. Никогаш не барав загарантирана минутажа, мислам дека тоа воопшто не е возможно. Само така се чувствував, Интер ме сакаше пред две години и секогаш ме гледаа како своја „деветка“, така што беше лесен избор“, изјави Турам.

Шпански голфер е најплатен светски спортист

Јон Рам, голф играч од Шпанија, е новиот најплатен спортист во светот. Платен повеќе од фудбалерите Лионел Меси и Кристијано Роналдо заедно, стана со потписот на договор вреден 555 милиони евра со ЛИВ голф лигата од Саудиска Арабија, пренесува „Дејли Меил“.

Рам е трет на светската листа и Мастер Шампион и сега испиша историја со трипати поголем договор од оној што Саудијците му го платија и на шесткратниот шампион Фил Микелсон пред година и пол.

ЛИВ голф лигата имаше намера да го направи Тајгер Вудс најплатен спортист во светот, но тој одби понуда од 920 милиони евра, додека Рори Мекилрој го одби нивниот предлог за договор вреден 290 милиони евра.

Ѓоковиќ и Алкараз го одиграа натпреварот на годината

Финалето на Мастерсот во Синсинати во кое Новак Ѓоковиќ го совлада Карлос Алкараз со 2-1 (5-7, 7-6, 7-6) по три часа и 49 минути игра е прогласен за најдобриот тениски дуел во 2023 година во избор на Светската тениска федерација (АТП).

Во образложението на изборот АТП наведе дека Ѓоковиќ и Алкараз одиграле „дуел кој долго ќе се памети во светот на тенисот“.

Србинот Ѓоковиќ се извлече од пораз кога Шпанецот Алкараз имаше меч – топка, по што дојде до триумф во најдолгиот дуел во два сета уште од 1990 година.

„Ѓоковиќ го подигна нивото на игра во импресивна демонстрација на физичка издржливост и ментална сила, спасувајќи меч – топка во тајбрејкот во вториот сет пред да го совлада младиот противник и да ја освои својата 39. мастерс титула“, наведе АТП.

Ибра враќа во Милан во друга улога

42-годишниот, Златан Ибрахимовиќ, кој на крајот на сезоната дефинитивно ќе се повлече од фудбалските терени, може да се активира во тренерскиот дел на неговиот сегашен состав Милан.

Тој би работел заедно со Игнацио Абате доколку актуелниот тренер Стефано Пиоли, си замине од Милано, објави денеска – „Football Italia“.

Швеѓанецот има импресивна кариера настапувајќи за Малме, Ајакс, Јувентус, Интер, Барселона, Пари Сен Жермен, Манчестер Јунајтед, Лос Анџелес Галакси и Милан. Ибра има 819 натпревари со ефект од 493 гола и 201 асистенција.

Заради љубовта кон Еспањол ја одбил понудата на Барса

Серхи Дардер, со години беше лидер на Еспањол, а откако тимот испадна од Примера, тој одбил да се пресели во Барселона.

Дардер откри дека во летниот преоден рок добил понуда од Барселона, но не сакал да изврши предавство кон Еспањол.

„Имав можност да потпишам со Барселона ова лето, тешко е да се одбие таков тим. Многу часови поминав во размислување што да правам. Но, кога главата се олади, разумот не ми дозволи да прифатам, со оглед на тоа што бев во Еспањол. Ниту 1% од мене не можеше да го прифати тоа. Еспањол секогаш ќе биде клубот на мојот живот, не гледам друга опција“, рече Дардер.

Серхи Дардер, во летниот преоден рок сепак го напушти Еспањол и реши кариерата да ја продолжи во Мајорка.

Чави: Барселона е во изградба, овој пораз од Џирона е реалност

Хитот на шпанскиот фудбалски шампионат Џирона продолжува да импресионира.

Џирона ја шокираше Барселона на гости и со победа од 4:2 се врати на врвот во Ла Лига со два бода повеќе од второпласираниот Реал кој има 39 бодови. Барса и Атлетико ја делат третата позиција со 34 бодови. Тренерот на Барселона Чави Хернандез го коментираше натпреварот.

„Џирона знае што прави и тие се многу добри во тоа. Беше изедначен натпревар и ќе беше заслужено доколку победевме. Мислам дека имавме 31 удар кон голот.

Грешките во одбраната не чинеа. Имавме шанси за погодоци, но тие беа поефикасни.Ова е тежок удар за нас, но тоа е и наша реалност. Резултатот е лош, но не одигравме лошо.

Барселона е во изградба. Мораме да направиме еден чекор назад за да направиме два чекора напред.

Мислам дека заслуживме повеќе на овој натпревар, но – таков е фудбалот. Џирона има одличен тим и е прва на табелата. И ние мора да продолжиме да се бориме“, рече Чави на прес-конференцијата.

«< 1138 1139 1140 1141 1142 >»