Бразилскиот напаѓач на францускиот ПСЖ Нејмар до крајот на април би требало да се врати во тренинг базата на парискиот клуб.
Според париските весници, Нејмар, кој моментално е во Бразил, ќе пристигне во Париз и ќе го продолжи опоравувањето од тешката повреда. Напаѓачот ќе се подготвува за следната сезона.
ПСЖ претходно потврди дека Нејмар повеќе нема да игра оваа сезона поради повреда на лигаментите на коленото. Се очекува да пропушти три до четири месеци.
31-годишниот Нејмар оваа сезона одигра 29 настапи за ПСЖ, постигнувајќи 18 гола и 17 асистенции. Договорот на Бразилецот со парискиот клуб е до летото 2025 година.
Хрватот Бјелица пред промоција во Трабзонспор
Трабзонспор го избрал новиот тренер, а тоа веројатно ќе биде Хрватот, Ненад Бјелица.
Хрватскиот стратег ќе го преземе актуелниот турски шампион и тој веќе е во Турција, деталите помеѓу двете страни се договорени и се очекува наскоро се да биде официјализирано.
Бјелица се најавуваше како нов тренер во Динамо Загреб откако од таму си замина Игор Бишчан, меѓутоа откако не излезе ништо од неговото враќање во хрватскиот гигант ги интезивираше преговорите со Трабзон.
Така Бјелица по работењето во неговиот мандат во Динамо со Аријан Адеми, сега ќе соработува и со Енис Барди во Турција. Претходниот стратег на Трабзон не беше најзадоволен од формата на Барди и се најавуваше дека македонскиот репрезентативец ќе си замине на лето, меѓутоа ќе видиме каква ќе биде ситуацијата сега со Бјелица.
Спалети: Не ни е досуден чист пенал при 0-0 против Милан
Тренерот на Наполи, Лучијано Спалети му честиташе на Милан за пласманот во полуфиналето од Лигата на шампионите, но вели дека Наполи загуби само поради неискуството од ваквите големи натпреварувања.
„Не требаше да го примиме тој гол. Игравме одлично, имавме целосен посед на топката. Милан постигна гол по единственото вистинско влегување во шеснаесетникот, ние не можевме да го сториме истото. Мислам дека имаше пенал врз Лозано. Имаше директен удар во скочниот зглоб, тоа многу јасно се гледа на снимките. Тоа беше чист пенал. Тоа не е контакт, тоа беше удар. Сега повторно ќе речат дека се жалиме, но тоа е вистината“, вели тренерот на наполитанците.
Артета сака уште еден ас на Челзи за следната сезона
Н’Голо Канте би можел да се пресели во Арсенал во летниот преоден рок.
Според пишувањата на одреедени медиуми на Островот, раководството на Арсенал се надева дека ќе успеат да го ангажираат Французинот како слободен играч. Претходно беше објавено дека Челзи е подготвен да му понуди нов договор на 32-годишниот играч.
Н’Голо Канте е во Челзи од 2016 година. Неговиот договор со лондонскиот клуб завршува ова лето. Французинот нема играно од средината на август поради повреда. Вкупно Канте одигра 265 натпревари за лондончани, на кои постигна 13 гола и 15 асистенции. Челзи е на 11. место на табелата во Премиер лигата со 39 бодови, додека Арсенал е лидер со 74 бода.
Струга домаќин на Светското екипно првенство
На последниот состанок на управниот одбор на Светската Шаховска Организација (FIDE), кој се одржа на 4-ти април во Мексико, на Шаховската Федерација на Република Македонија (ШФМ) и’ беше доделена организацијата на Светското екипно првенство за сениори.
По пауза од 50 години и одржувањето на Шаховската Олимпијада во далечната 1972 година, ова е прв настан од светски рамки кој ќе се организира во нашата држава.
Во последните неколку години ШФМ успешно организираше неколку големи меѓународни европски натпреварувања, и особено не радува што овој пат и FIDE, ги препозна нашите квалитети и ни ја додели организацијата на ова значајно меѓународно натпреварување. Понудата за организација на ШФМ беше избрана како најдобра во конкуренција на четири други понуди и тоа од Италија, Малта и Тајланд.
Екипното светско првенство за сениори ќе се организира во две старосни категории, едната за играчи над 50 години и втората категорија за играчи над 65 години. Истото ќе се одржи во период од 19-ти до 29-ти септември, во хотел „Изгрев“, Струга, а се очекува да учествуваат повеќе 400 шахисти од целиот свет.
ШФМ ќе ги стави на располагање сите свои ресурси ова натпреварување да биде организирано во најдобар ред, што ќе ни овозможи и во иднина да се кандидираме за организација на големи меѓународни натпревари. Секако очекуваме поддршка од Агенцијата за Млади и Спорт, со која имаме одлична соработка која и до сега не поддржуваше во сите наши активности и проекти, како и од сите други заинтересирани љубители на шахот.
Рома го отпушти директорот Пјетро Берарди
Рома на својата официјална веб-страница објави дека го отпушти извршниот директор Пјетро Берарди. Причините за оставката на функционерот не се прецизираат.
На почетокот на април беше објавено дека членовите на италијанската финансиска гарда извршиле претреси и заплениле документи во седиштето на Рома. Истраги се водат и против Лацио и Салернитана. Под истрага се и сегашните и поранешните директори на трите инволвирани клуба.
Наведените клубови се осомничени дека ги надувале трошоците за трансфери на играчи помеѓу 2017 и 2021 година, што резултирало со фиктивни капитални добивки.
Гвардиола летово ќе го продаде Емерик Лапорт
Манчестер Сити на лето ќе се раздели со Емерик Лапорт. Дефанзивецот го загуби стартното место и „граѓаните“ ќе го продадат по крајот на сезоната. Според „Дејли Мејл“, клубот веќе чека понуди за шпанскиот интернационалец.
Лапорт почна почесто да останува на клупата по потпишувањето на Мануел Аканжи и има само 7 настапи од почетокот на сезоната во Премиер лигата. Дефанзивецот не крие дека е разочаран и ќе бара трансфер, а Пеп Гвардиола нема да му застане на патот. За Лапорт најсериозен интерес покажа Барселона.
Поранешниот играч на Атлетик Билбао е подготвен дури и да ја намали платата за да се пресели на „Камп Ноу“. Договорот на 28-годишниот дефанзивец со Манчестер Сити е до 2025 година.
Трите повредени ѕвезди се вратија на тренинзите на Барса
Френки де Јонг, Педри и Осман Дембеле се вратија на тренинзите со останатиот дел од тимот.
Дембеле нема играно од крајот на јануари, Педри од средината на февруари, а Де Јонг беше надвор од терените непосредно пред репрезентативната пауза во март. И покрај тоа што играчите веќе учествуваа на тренинзите на Барселона, се уште не е јасно кога ќе можат да излезат на теренот на натпревар.
Според изворот, во моментов нема информации дали некој од опоравените играчи на Барса ќе биде 100% подготвен за настап против Атлетико Мадрид.
Натпреварот меѓу Барселона и Атлетико Мадрид ќе се одигра следната недела на 23 април. Натпреварот започнува во 16:15 часот.
Избраниците на Чави во моментов убедливо водат во шампионатот на Шпанија, со предност пред Реал Мадрид од 11 бода.
ПСЖ ја состави трансфер листата за ова лето
Спортскиот директор на Пари Сен Жермен, Луис Кампос , јасно им стави до знаење на дел од играчите дека нема да толерира играчи кои не ги оправдуваат очекувањата.
Според изворот, ПСЖ ќе ги стави таквите играчи на трансфер листа или нема да ги обнови нивните договори. Помеѓу играчите кои би можеле да се разделат со клубот се играчите од средниот ред Витиња, Ренато Санчез , Фабијан Руиз и Карлос Солер, дефанзивците Хуан Бернат и Серхио Рамос и напаѓачот Хуго Екитике.
Витиња ја подобрува својата позиција во ПСЖ и се покажа на натпреварот од Лига 1 со Ленс (3-1), постигнувајќи гол и асистенција.
Гасперини го плукнал спортскиот директор на Фиорентина
Голем скандал кој се случи по натпреварот помеѓу Фиорентина и Аталанта пишуваат денес италијанските медиуми.
Имено во центарот на вниманието бил тренерот на гостите, Џанпјеро Гасперини. Гасперини според информациите бил бесен на раководството на Фиорентина и на навивачите, па дури и го удрил спортскиот директор на „виолетовите“, Прадо.
„Гасперини беше лут на навивачите и раководството на Фиорентина. Се обрати со зборовите вие сте „Расистичка публика“, „Вие сте крадци“…Не застана тука, тој го плукна и го удри директрот Прадe“, објавија медиумите на „чизмата“.
