Пари Сен Жермен е блиску до доведување на дефанзивецот на Челзи, Антонио Рудигер. 

Германскиот весник Билд пренесува дека пред неколку недели била одржана средба помеѓу спортскиот директор на ПСЖ, Леонардо, и братот на Рудигер кој воедно е и негов менаџер.

На средбата се разговарало за евентуален трансфер на Рудигер во Париз кој би се случил во јануари. Репрезентативецот на Германија веќе од порано најави дека мали се шансите тој да остане во сегашниот негов клуб, Челзи.

Главен конкурент на ПСЖ во битката за доведување на Рудигер се очекува да биде Реал Мадрид кој сака да го види играчот во своите редови претстојното лето.

Германскиот дефанзивец во дресот на Челзи оваа сезона одигра 21 натпревар на кои постигна 2 гола и оствари 4 асистенции.

Францускиот фудбалски тренер, Арен Венгер, кој најголемиот дел од кариерата го помина на клупата на Арсенал, се осврна на шпекулациите дека може да биде промовиран како спортски директор на ПСЖ.

„Очигледно е дека новинарите ја пуштаат фантазијата пред Божиќ. Нема ништо точно во тоа. Апсолутно ништо“, потенцираше Венгер кој работи за ФИФА како шеф на секторот за глобален фудбалски развој.

72-годишниот Французин е најуспешниот менаџер во историјата на Арсенал според бројот на трофеи како и менаџер со најголем стаж во клубот според бројот на натпревари (755 заклучно со 7 март 2010). Венгер е единствениот странски тренер кој освоил двојна круна во Англија, во 1998 и 2002.

Напаѓачот на фудбалскиот состав Базел, Артур Кабрал, може да добие понуда да се пресели во редовите на рускиот шампион Зенит.

Клубот од Санкт Петербург планира да понуди 11 милиони евра иако Швајцарците најавија дека очекуваат да добијат околу 15 милиони. Во претходната сезона Кабрал постигна 18 гола во домашниот шампионат а од почетокот на тековната кампања реализираше 14 пати. Бразилецот со 13 гола е водечки стрелец во Лигата на конференциите.

Кабрал кратко го носеше дресот на  Палмеирас пред да потпише со Базел во 2109 година. Тој е поранешен младински репрезентативец на Бразил a неодамна го доби и првиот повик во сениорскиот состав на  „картиоките“. Договорот на Кабрал со Базел е до 30 јуни во 2023 година.

Напаѓачот на Интер, Алексис Санчез е пред трансфер во Барселона. Тимот од Каталонија бара засилување во нападот, каде во моментов Чави на располагање ги има само Депај и Лук де Јонг.

Шпанските медиуми пренесуваат дека претседателот Лапорта е во завршни преговори со Интер за позајмица на Санчез до крајот на сезоната.

Чилеанецот не добива голема минутажа на „Џузепе Меаца“, а има висока плата, па Интер е спремен да се ослободи од него. Чави одлично го познава Санчез бидејќи играа заедно во Барселона, а напаѓачот нема ништо против да се врати на „Камп Ноу“.

Напаѓачот на Арсенал, Пјер-Емерик Обамејанг, изрази огорченост од одлуката да му биде одземена капитенската лента во тимот на Арсенал.

Обамејанг е лут на тренерот Артета кој го обвини фудбалерот за недисциплина и непочитување на клубските правила. 

Репрезентативецот на Габон веќе два натпревари не е во составот на екипата и се чини дека нетрпеливоста помеѓу него и Артета доживува кулминација.

Обамејанг минатата сезона потпиша нов тригодишен договор со Арсенал со што стана најплатениот играч во еипата, меѓутоа после овој конфликт со тренерот големи се шансите тој да побара предвремен раскин на договорот.

Целата ситуација со играчот будно е следена од екипата на Барселона која се очекува да испрати понуда за негов премин на „Ноу Камп“ во јануари. Тој би пристигнал како замена за Серхио Агуеро кој ја прекина својата фудбалска кариера.

Центарфорот на Борусија Дортмунд, Ерлинг Халанд, продолжува со рушење рекорди за својот клуб.

Младиот Норвежанец беше стрелец на два гола на натпреварот против Гројтер Фурт во Бундеслигата, со што го подобри рекордот за најмногу постигнати голови во една календарска година на играч од Борусија Дортмунд. 

Халанд засега има постигнато вкупно 30 гола за својот клуб, еден повеќе од Пјер-Емерик Обамејанг во 2015 година.

Екипата на Борусија Дортмунд останува на минус шест бода во однос на Баерн Минхен на првенствената табела во Бундеслигата.

Јувентус и Лацио спремаат размена на играчи во јануари, пренесуваат италијанските медиуми.

Тренерот на Лацио, Маурицио Сари не е задоволен од однесувањето на Луис Алберто, па му порачал дека слободно може да си бара нов клуб. Лацио за неговата слобода бара најмалку 40 милиони евра, а тоа е сума која никој од заинтересираните клубови не е спремен да ја плати.

Во слична ситуација се наоѓа и Јувентус, кој сака по секоја цена да се ослободи од Артур во зимскиот преоден рок. Артур пристигна во Јувентус како скапо платено засилување, но никогаш не ги оправда очекувањата.

Поради тоа „Спортмедиасет“ тврди дека двата клуба започнале преговори за трампа на двајцата фудбалери.

Премиер лигата го одби барањето на Лестер и Тотенхем нивниот меч да биде одложен. Последните два дуела на Спарс беа одложени поради заболени од Корона а тренерот, Антонио Конте, потенцираше дека ситуацијата е алармантна.

Според англиските медиуми, во Тотенхем има девет заразени играчи. Во Лестер ситуацијата е слична бидејќи девет играчи на „лисиците“ поради Ковид или повреди не му се достапни на Брендон Роџерс. Менаџерот на Лестер изјави дека е во прашање интегритетот на првенството.

„За жал, не ни беше понудено никакво решение, што на крајот беше разочарувачко. Имаме повреди, го имаме ковид и не можеме да правиме ротации во тимот. Имаме пет натпревари во 13 дена“, вели Роџерс.

Проблеми за Реал Мадрид затоа што фудбалерите на оваа екипа, Лука Модриќ и Марсело се позитивни на коронавирус, објави денес Реал Мадрид.

Двајцата играчи добија позитивни резултати на редовното тестирање и ќе ги пропуштат следните два првенствени натпревари, во кои ривали на „кралскиот клуб“ ќе бидат Кадиз и Атлетик Билбао.

Според најавите нивно враќање на терените се очекува за првиот натпревар водечката екипа во Ла Лига во 2022 година. Модриќ и Марсело имале позитивни резултати за ковид-19  само три дена по градското дерби против Атлетико. На тој натпревар Модриќ ги одигра сите 90 минути, додека Марсело не влезе во игра.

Барселона очајно бара напаѓач во зимскиот преоден рок.

Една од опциите е Габриел Барбоса – Габигол.  После враќањето од Европа и лошто искуство Интер Габигол игра одлично во Јужна Америка, сега сака повторно во Европа. Лапорта разговарал со Раиола за Халанд и Погба, но тие не се опции за јануари.

Како и да е многу веројатно дека Барселона ќе доведе напаѓач во јануари останува да видиме кој ќе биде тоа, се споменуваше и Кавани.