Тимот на Борусија Дортмунд е многу блиску до доведување на напаѓачот од австриски Салцбур,Карим Адејеми. 

Според угледниот весник „Билд“, челниците на Борусија Дортмунд успеале да го убедат Адејеми дека пристигнувањето во клубот ќе претставува одличен чекор во неговата идна кариера. Неговото доведување во редовите на „жолто-црните“ би можело да се поврзе со евентуалната продажба на Ерлинг Халанд ова лето.

Борусија Дортмунд за реализација на овој трансфер би требало да одвои 35 до 40 милиони евра и се очекува договорот да биде со важност од 5 години. 

Македонскиот репрезентативец, Елиф Елмас, го одигра можеби најдобриот свој натпревар во дресот на Наполи. Тој беше стрелец на 2 гола во победата над англискиот Лестер со резултат 3:2 со што го однесе својот клуб во нокаут фазата на Лига Европа.

После натпреварот Елмас даде свое видување за текот на натпреварот и неговата игра.

„ Среќен сум што постигнав два гола и му помогнав на тимот да оди понатаму. Очекувам во иднина да бидеме уште подобри. Покажавме дека имаме победнички дух и завршивме одлична работа“, изјави Елмас.

Запрашан која му е омилена позиција во тимот, Елиф вели:

„ На тоа прашање е тешко да се одговори. Се трудам да го прикажам најдоброто на било која позиција која ќе ми ја даде тренерот Спалети. Некогаш и самиот незнам кое е моето место во тимот“.

На Лион не му оди во француското првенство и овој клуб се наоѓа на 12. позиција во домашното првенство што секако за нив е разочарувачки.

Освен тоа за Лион пристигнаа и вести дека легендата клубот, Жунињо Пернамбукано одлучил да си поднесе оставка од функцијата спортски директор. Оставката на Жунињо е неотповиклива и од јануари тој си заминува.

„Вака е најдобро за мене и за клубот, тој кој ќе дојде на мое место ќе има време да се подготви за следниот чекор. И мојата желба е да застанам и да се одморам, потребно ми е такво нешто. Од првиот ден идејата ми беше да останам три сезони, не повеќе“, изјави Жунињо.

Договорот на Жунињо истекуваше на крајот на сезоната, но тој одлучи да се повлече после лошите резултати.

Одбранбениот фудбалер на Лидс Жуноир Фирпо изминатото лето од Барселона се пресели на Островот, а судејќи според неговите зборови клучна улога во таа негова одлука одиграл Роналд Куман.

25-годишниот играч од Домениканската Република во разговор за „Кадена Сер“ зборуваше за соработката со холандскиот тренер.

„Го барав Куман да ми ја објасни ситуацијата, но кога тренерот ќе почне да ве лаже сфаќате дека не се пожелен. Како да бараш од некого да ти објасни нешто кога ве лаже цело време? Куман ме лажеше зборувајќи работи кои немаат врска. Ми кажуваше дека слабо тренирам, дека лошо влијаам на екипата…такви работи“, изјави Фирпо.

Џошуа Кимих, нема да игра на преостанатите натпревари на тимот оваа година. Ова беше објавено на официјалната веб-страница на клубот.

„Мило ми е што мојот карантин поради коронавирусот заврши. Добро сум, но поради мала инфилтрација на белите дробови се уште не можам да тренирам со полна сила. Со нетрпение го очекувам моето целосно враќање на должноста во јануари“ изјави Кимих.

Германскиот фудбалски сојуз неодамна објави дека неименуван фудбалер бил позитивен на тестот за Ковид-19 и веднаш бил ставен во карантин. Тој нема симптоми на болеста и е целосно вакциниран. Четворица други германски репрезентативци кои беа класифицирани како контактирани и покрај негативните тестови исто така беа ставени во карантин. Меѓу нив беа Карим Адејеми, Џамал ​​Мусиала, Серж Гнабри и Џошуа Кимих.

Тренерот на Челзи, Томас Тухел, наводно веќе го убедил Усман Дембеле наредново лето да ја напушти Барселона и да се пресели во Лондон.

Тухел и Дембеле се во добри односи од нивниот заедничкиот период во Борусија Дортмунд и се чини дека шансите за овај трансфер се реални.

Договорот на 24-годишниот Французин со каталонците истекува во Јуни и тој како слободен играч ќе биде баран од многу европски екипи. За негов потпис интерес покажуваат Манчестер Јунајтед, Тотенхем, Њукасл и Јувентус.

Легендата на италијанскиот фудбал, Џанлука Вијали, би можел да стане нов сопственик на Сампдорија.

Клубот од Џенова остана без газда после апсењето на Масимо Фереро поради што тој си поднесе оставка од местото претседател.

Според италијанските медиуми, популарната Сампа, може да премине во рацете на инвестицискиот фонд  Динан-Виали. Еден од сопствениците на овој фонд е прославениот поранешен играч на Сампдорија и италијанската репрезентација, Џанлука Вијали, кој се обиде да го преземе клубот и во 2019 година.

Легендарниот центарфор во дресот на Сампдорија има одиграно 328 натпревари и постигнато 141 гола, а како репрезентативец на Италија забележа 59 натпревари  и 16 погодоци.

Виали во моментот е дел од стручниот штаб на селекторот Манчини.

Левиот бек на Реал Мадрид, после 13 години си заминува од „кралскиот клуб“.

Неговиот договор со „белите“ од Мадрид истекува на крајот од сезоната и се чини дека ова е вистинското време за промена на средината.

Голем број на извори потврдуваат дека Марсело веќе ја донел одлуката да се врати во родниот Бразил каде ќе заигра за својот поранешен клуб Флуминензе од каде во 2007 замина за Мадрид.

Тој во Реал Мадрид пристигна како замена за Роберто Карлос и успеа да ги освои сите можни трофеи како и три последователни Лиги на шампиони.

Бараж натпреварот за пласман на СП 2022 меѓу Италија и Македонија ќе се игра или во Палермо на стадионот „Ренцо Барбера“ или на стадионот „Ренадо Дал Ара“ во Болоња. Овие два града се во трка за организатори на мартовското бараж-полуфинале за настап на Мундијалот во Катар, објавија италијанските медиуми.

Италијансата федерација денеска треба да ја донесе конечната одлука за градот домаќин на мечот. Според Италијанците, фаворит е Пелермо, кој досега 15 пати бил домаќин на натпреварите на „аѕурите“. На стадионот во Сицилија, Италија има скор од 13 победи, едно реми и еден пораз.