feature

Едисон Кавани сака да игра во шпанската Ла Лига

Шпанскиот весник АС, пренесува дека напаѓачот на Манчестер Јунајтед, Единсон Кавани е блиску до потпис со нов клуб.

Уругваецот сака да ја продолжи кариерата во Ла Лига, а веќе се појавија информации дека преговара со Реал Сосиедад.

Двете страни имале првични разговори и се оптимисти дека ќе се постигне договор. Баскијците најверојатно ќе го продадат нивниот најдобар напаѓач Александар Исак и сакаат да добијат докажан голгетер кој ќе го замени шведскиот репрезентативец.


Депај заминува од Барселона, веќе има две понуди на маса

Мемфис Депај на лето готово сигурно ќе ја напушти Барселона, а неколку европски гиганти веќе ја започнаа трката за неговиот потпис.

Каталонски „Спорт“ пренесува дека Тотенхем и Милан се силно заинтересирани за Холанѓанецот и веќе започнале преговори со неговиот агент.

Депај минатото лето се пресели на „Камп Ноу“ како слободен играч и одлично се вклопи во тимот. Меѓутоа, каталонскиот клуб има големи финансиски проблеми и не ја исклучува можноста да го продаде Холанѓанецот, особено поради фактот што го донесе без обештетување.

Чави не е симпатизер на неговата игра, ги доведе Торес и Обамејанг, па минутажата на Холанѓанецот сигурно ќе биде значително намалена.


Серена не размислува за пензија, сака уште да игра тенис

Серена Вилијамс, која на времето беше на челната позиција на ВТА листата, не размилува да се повлече во пензија. Таа е убедена дека може уште да покаже на големите собири.

„Нашиот  спорт е интензивен, има единаесет месеци натпреварување во една година. Живеам од ден за ден, ништо не планирам за утре“, истакна Вилијамс.

40-ет годишната тенисерка  од САД последен пат освои грен слем турнир во 2017 година и тоа на Австралија Опен.


Фенербахче загреан за потписот на Енис Барди

Македонскиот фудбалски репрезентативец, Енис Барди, кој веројатно ќе го напушти Леванте доколку тимот испадне од Преимера Дивизион, може да се активира во туркиот Фенербахче.

Иако шпанскиот состав има клаузула да му го продолжи договорот за две сезони сосема е реално таа да не се искористи бидејќи според моменталната ситуација сите го гледаат Леванте како нов второлигаш.

Затоа, турскиот гигант според денешните најави ќе се обиде да дојде до потписот на Барди кој деновиве е дел од македонската репрезентација која во вторник ја очекува мечот со Португалија за место на Светското во Катар.


Канада после 36 години, повторно на Мундијал

Фудбалската репрезентација на Канада, после пауза од 36 години, повторно ќе игра на Светско Првенство. 

Канаѓаните своето место во Катар го обезбедија после домашната победа над Јамајка со 4:0, во рамките на КОНКАКАФ квалификациите.

Канада, на едно коло пред крајот на квалификациите го зазема лидерското место со 28 бодови, со што и математички обезбеди едно од првите три места.

Последно нивно учество на Светско фудбалско првенство беше она во Мексико 1986 година.


Бекам го посакува Меси и уште тројца други фудбалери во својот Интер

Англиската фудбалска легенда, Дејвид Бекам има големи планови за клубот Интер од Мајами, каде е еден од сопствениците.

Иако, клубот кој е основан во 2018 година засега не покажува битни резултати и не ги оправда големите очекувања во МЛС лигата, Бекам не крие дека сака да доведе познати фудбалски имиња како идни засилувања за екипата.

Како најголема желба на Бекам е доведувањето на суперѕвездата Лионел Меси, кој многу тешко се адаптира во екипата на ПСЖ. 

Покрај него на листата за нови трансфер цели се наоѓаат и Луис Суарез од Атлетико Мадрид, како и двоецот од Барселона, Серхио Бускетс и Жорди Алба.


Бруно Фернандеш ќе потпише нов договор со Манчестер Јунајтед

Англискиот Би-Би-Си пренесува дека фудбалерот од средниот ред на Манчестер Јунајтед, Бруно Фернандеш ќе потпише нов петгодишен договор со клубот, со кој ќе остане на Олд Трафорд до 2027 година. 

Португалскиот репрезентативец им се приклучи на „црвените ѓаволи“во јануари 2020 година, а пристигна од Спортинг Лисабон. После неговото пристигнување тој веднаш се етаблира во еден од најважните играчи во екипата. Неговиот актуелен договор истекува во јуни 2025 година. 

27-годишниот Фернандеш има 49 гола на 117 натпревари за Манчестер Јунајтед.


Ферстапен најбрз во Саудијска Арабија

Актуелниот шампион во Формула 1, Макс Ферстапен триумфираше на трката за Големата награда на Саудијска Арабија, во Џеда.

Возачот на Ред Бул, ја запиша првата победа во новата сезона, а 21. во кариерата. Ферстапен победата ја оствари во последните неколку круга, после одличната борба со Шарл Леклер од Ферари кој на целта стигна како втор. Третото место на подиумот го обезбеди другиот возач на Ферари, Карлос Саинс.

Наредната трка во Ф1 шампионатот ќе се вози за Големата награда на Австралија, на 10.април.


Ентоно Тејлор ќе го суди историскиот дуел во Порто

Англискиот фудбалски судија Ентони Тејлор е назначен за главен судија на мечот Португалија –Македонија во вторник на “Драгао“ во Порто. Интересно, Тејлор ни судеше и на оној историски меч во Тбилиси на 12 ноември 2020 година кога со голот на Пандев ја победивме Грузија и се пласиравме на Европско првенство.

Негови помошници ќе бидат Гери Бесвик и Мајкл Нун, а четврти е исто така познатиот Мајкл Оливер.


Мутињо: Не смееме да ја потцениме Македонија

Играчот за врска во португалската репрезентација, Жоао Мутињо, предупредува дека неговата селекција не смее да ја потцени селекцијата на Македонија во финалниот бараж за пласман на СП во Катар.

“Не можеме да бидеме премногу сигурни. Имаме играчи кои посакуваат и треба да присуствуваат на Светското првенство. Но тоа не е доволно. Мораме да покажеме на теренот дека сме подобри. Можеби ќе немаме многу можности за постигнување гол бидејќи Македонија одлично се брани. Тоа го видовме против Италија“, изјави Мутињо, кој има 143 настапи за националниот тим.

Натпреварот меѓу двете репрезентации се игра на 29.март на стадионот Драгао во Порто.