Фудбалерот на Тотенхем, Лукас Моура призна дека постои можност за негова преселба во Севиља. Во последните денови се појавија информации за интересот на шпанскиот клуб за Бразилецот, кој е подготвен да се пресели на „Рамон Санчез Писхуан“ доколку дојде до вистинска понуда.

„Не знаев за интересот од Севиља. Но, тоа е голем клуб, слушнав добри работи за градот, а исто така и тимот игра во Ла Лига, што е лига што многу ја сакам бидејќи таму играат технички фудбал и тоа ќе одговара на мојот стил. Ајде да видиме што ќе се случи. Имам договор со Тотенхем уште една година. Смирен сум и живеам од ден на ден. Концентриран сум на мојата игра оваа сезона“, изјави Лукас.

Одбранбениот фудбалер на Реал Мадрид, Едер Милитао, ќе добие понуда да остане подолг период на стадионот –  „Сантијаго Бернебе“ .

24-годишниот Бразилец по заминувањето на Серхио Рамос и Рафаел Варан е главниот столб во одбраната. Затоа клубот планира да ја продолжи соработка до 2028 година.

Милитао беше купен од Порто во 2019 година за 50 милиони евра. Досега има 97 натпревари, 4 гола и 5 асистенции.

Луис Суарез ужива во својата татковина, во дресот на Насионал, подготвувајќи се за претстојното Светско првенство во Катар. Во интервју за шпанска „Марка“, зборува за заминувањето од Барселона, за Роналд Куман, неговата кариера, најдобриот тренер…

„Од почит и од човечност, би се ракувал со Роналд Куман доколку се сретнеме некаде. Сепак, се надевам дека повторно ќе биде голем како кога играше во Барселона и дека конечно ќе ми ја каже вистината зошто ме шутна од клубот бидејќи знам дека причината не беше од техничка или финансиска природа“, вели Суарез.

Тој смета дека управата на Барселона направила клучни потези ова лето, но не сакаше да шпекулира што ќе се случеше доколку истите потези ги направеа пред една година.

Англиските медиуми ја потврдуваат веста дека фудбалскиот клуб Вулверхемтон го отпушти тренерот Бруно Лаж.

Отказот за Лаж следува после 16 месечна соработка и серијата на лоши резултати на екипата. Тимот на Вулверхемтон под водство на Португалецот оствари само една победа а загуби девет пати на последните 15 натпревари во Премиер лигата.

Управата на клубот не е задоволна од резултатите и формата на екипата бидејќи во летниот преоден рок се потрошени повеќе од 100 милиони фунти за купување на нови играчи.

Таткото на норвешкиот напаѓач Ерлинг Халанд, Алф Инге, во документарецот „Халанд, големата одлука“ вели дека неговиот син се одлучи својата фудбалска кариера после Борусија Дортмунд да ја продолжи во Манчестер Сити, бидејќи англискиот клуб има најдобар проект за иднината.

Во документарниот филм Алф открива и дека неговиот син има желба да се испроба играјќи во сите најдобри европски лиги.

„Ерлинг би можел да остане во секоја лига максимално три до четири години. Тој помина две и пол години во Бундеслигата, сега нека одигра неколку години во Англија, па потоа уште толку во Шпанија, Италија“, порачува таткото на Халанд. 

Фудбалската асоцијација на Англија го казни Евертон со парична казна од 300 илјади фунти поради влегувањето на навивачите на теренот после натпреварот во Премиер лигата со Кристал Палас минатата сезона.

Евертон на дуелот славеше победа над Кристал Палас на свој терен и обезбеди опстанок во Премиер Лигата. После завршетокот на натпреварот навивачите на Евертон влегоа на теренот за да ја прослават победата заедно со своите играчи.

Фудбалската асоцијација на Англија овај потег го процени како заканувачко и насилно однесување на домашните навивачи, а од Евертон признаа дека не успеале да ги контролираат навивачите кои на теренот имаа близок контакт со гостинскиот тренер Патрик Вијера.

Сопственикот на Челзи, Американецот Тод Боли е заинтересиран за купување на уште еден фудбалски клуб.

Боли веќе го ангажирал португалскиот фудбали агент Жорге Мендеш како консултант на Челзи, а му дал и прва конкретна задача да најде соодветен тим за купување во неговата земја. Португалецот ја исполни својата задача и му овозможил на Боли први разговори за купување на клубот Портимоненсе. Тимот моментално е четврти во лигата и се уште не успеал да го освои националното првенство во повеќе од еден век историја.