Филаделфија се надева дека ќе успее да се засили ова лето пред стартот на новата НБА сезона со уште една ѕвезда. Според новинарот Дерек Боднер, 76-тките се на пат да потпишат договор со Демијан Лилард.
Доведувањето на ѕвездата на Портланд беше главната цел на Сиксерс оваа сезона. Забележано е дека размената со Бен Симонс е неизводлива, па се бараат други начини за реализација на трансферот.
Во 2019 година, Лилард потпиша супермаксимален договор кој трае до крајот на сезоната 24/25. Тој веќе девет сезони е дел од Портланд.
Премиерлигашите најзагреани за Корентин Толисо
Баерн може да го продаде својот играч за врска Корентин Толисо, објави „Билд“. Според изворот, 27-годишниот Французин е интересен за Јувентус, Манчестер Јунајтед, Арсенал и Вест Хем.
Исто така во информацијата се вели дека Баерн е подготвен да го ослободи играчот за најмалку 10 милиони евра. Францускиот фудбалер во моментов е во самоизолација откако беше позитивен на тестирање за коронавирус.
Актуелниот договор на Коренти Толисо со германскиот клуб истекува на 30 јуни 2022 година. Порталот Трансфермаркт го проценува фудбалерот на 20 милиони евра. Во сезоната 2020/2021, играчот од средниот ред одигра 16 натпревари во германската Бундеслига и постигна еден гол.
Француски Лион ќе биде новиот клуб на Шаќири
Трансферна цел на Олимпик Лион е играчот за врска на Ливерпул, Џердан Шаќири. Францускиот клуб вчера дал понуда да го купи 29-годишниот Швајцарец, објави весникот „Л‘Екип“.
Претходно беше објавено дека Ливерпул сака да добие околу 15 милиони евра за играчот од средниот ред.
Медиумите објавија дека Лацио, Наполи, Севиља и Виљареал исто така сакаат д аго купат Шаќири. Самиот играч ја објави својата желба да го напушти Ливерпул и да се врати во Италија, каде што веќе играше за Интер. Швајцарскиот фудбалер игра за Ливерпул од 2018 година.
Шаќири во кариерата има настапува за Стоук Сити, Интер, Баерн Минхен и Базел. Порталот Трансфермаркт го проценува играчот на 12 милиони евра. Фудбалерот има договор со Ливерпул до 2023 година.
Дончиќ добива екстра договор со Далас
Најголемата кошаркарска ѕвезда од Словенија, Лука Дончиќ откако ги заврши настапите на Летните Олимписки Игри (ЛОИ) во Токио веднаш доби понуда за супер-максимален договор, кој тој го прифати.
Најдобриот европски кошаркар во моментов во Далас ќе остане во наредните пет години, а ќе добие максимална плата – 207 милиони долари. Информацијата ја потврди и неговиот агент Бил Дафи, кој е во Словенија. Во текот на минатата сезоната, Лука Дончиќ во просек имаше по 27,7 поени, 8 скока и 8,6 асистенции по натпревар со ефикасност на шутот од 47,9% во целост, а 35% за три поени.
Кошаркарите на Далас предводени токму од Лука Дончиќ две сезони по ред се дел од плеј-офот во НБА лигата. Претходно екипата на Далас Маверик објави дека го продолжиле договорот со Тим Хардавеј.
Бешикташ се откажа од трансфер на Диего Коста
Бешикташ одлучи да се откаже од идејата да потпише со напаѓачот Диего Коста. Претседателот на Бешикташ, Ахмет Нур Чеби, смета дека барањата на Бразилецот се преценети и стави вето на договорот. Диего Коста сакаше да добива 4 милиони евра годишно. Покрај платата, тој побара процент од продажбата на дресовите со неговото име и бонуси од 1 милион евра. Диего Коста во моментов преговара со бразилскиот Атлетико Минеиро.
Напаѓачот е слободен агент откако го напушти Атлетико Мадрид во декември 2020 година. Трансфермаркт го проценува играчот на 6 милиони евра. Минатата сезона напаѓачот успеа да одигра само седум натпревари за Мадрид, на кои постигна два гола.
Салихамиџиќ најави дека Баерн ќе тргне по Халанд
Спортскиот директор на Баерн Минхен, Хасан Салихамиџиќ изненадувачки или не го искажа интересот на Баварците за напаѓачот на Борусија Дортмунд, Ерлинг Халанд.
Ова го направи пред германскиот ТВ канал „Спорт 1“, каде што исто така рече дека би било „аматерски“ од нивна страна доколку не ги проучат можностите за привлекување на норвешкиот напаѓач.
„Тој е врвен фудбалер и од она што го слушам, прекрасно момче. Мораме да ја погледнеме таа можност, но тој е играч на Борусија Дортмунд. 60 гола на 60 натпревари. Ќе бевме целосни аматери ако не ја разгледавме оваа можност“, рече Салихамиџиќ.
Ерлинг Халанд има договор со Борусија Дортмунд до летото 2024 година, но следното лето ќе има клаузула за раскинување во неговиот договор вредна 75 милиони евра. Сите големи тимови во Европа се заинтересирани за него.
Дејвис и Коман заздравија од повредите и се приклучија кон стројот на Нагелсман
Алфонсо Дејвис и Кингсли Коман денеска се приклучија на Баерн Минхен откако се опоравија од повредите.
Дејвис ги скина лигаментите на левиот скочен зглоб на натпреварот од Голд купот кон средината на јули, а Коман се подготвуваше индивидуално по повредата на реброто што ја заработи за време на пријателскиот натпревар против Наполи.
Баерн ќе ја брани титулата во Бундеслигата од петок кога игра против Борусија (Менхенгладбах), а официјалниот деби н аклупата на Баварците ќе го има тренерот Јулијан Нагелсман.
Тренерот Нагелсман ќе биде без дефанзивецот Лука Ернандез бидејќи Французинот се опоравува од повредата на коленото и според медиумите тренира само индивидуално.
Влаховиќ ги одби понудите и продолжи со Фиорентина
Српскиот напаѓач од екипата на Фиорентина Душан Влаховиќ ќе го продолжи договорот со италијанскиот клуб. Тој се согласил на новата понуда од „виолетовите“, откако му беа понудени нов договор со плата од три милиони евра годишно.
Според изворот, српскиот фудбалер се согласил со предложените услови, но новиот договор се уште не е склучен, бидејќи страните разговараат за клаузулата за обештетување на напаѓачот во износ од 60 милиони евра.
Кркиќ пак ќе игра со Иниеста, потпиша за Висел Кобе
Шпанскиот фудбалер Бојан Кркиќ има нов клуб, ќе игра за Висел Кобе.
Бојан Кркиќ е еден од оние играчи за кои може да се каже дека не го исполнија потенцијалот и очекувањата. Се појави во септември 2007 година во првиот тим на Барселона соборувајќи го рекордот за најмлад дебитант и се најавуваше дека може да тргне по патот на Меси.
Меѓутоа „вечниот талент“ шеташе по Европа и ја бараше среќата. Се проба во Рома, Милан ,Ајакс, Стоук…Потоа во САД играше за Монтреал Имапкт. И на таа епизода и дојде крајот и сега ќе игра за Висел Кобе каде што ќе биде соиграч со Андрес Иниеста.
Селекторот Бајиќ разочаран од откажувањето на Димитријевиќ
Кошаркарската Федерација заедно со селекторот на сениорската машка репрезентација Драган Бајиќ денес одржаа прес-конференција во пресрет на натпреварите од втората рунда на претквалификации за Светското првенство 2023.
Селекторот се осврна на играчкиот кадар со кој ќе располага, како и со играчите кои не можеа да одговорат на неговиот повик.
„Би сакал да се заблагодарам на раководството на КФСМ за условите кои ги добивме на овие подготовки, како во поглед на тренинзите. Задоволен сум и за пофалба е работата на кошаркарите во овие подготовки како и дисциплината и нивното залагање на тренинзите. Ниеден играч не паузираше повеќе од еден ден, сите имаа желба да се вратат што побрзо и да продолжат со тренинзите. Во поглед на натпреварите, ни беа откажани неколку дуели поради што не бевме во можност да го одработиме тоа што ни беше потребно. Ривалите во овие претквалификации одигра по 5-6 дуели, но без разлика на тоа, ние подготвени ги очекуваме претквалификациите“, вели Бајиќ
Тој се осврна посебно на недоаѓањето на некои играчи, меѓу кои и на првата ѕвезда во тимот, Ненад Димитријевиќ.
„Сакам да ја објаснам целата ситуација за да нема дамки околу моето име. Контактирав со него, му кажав дека сакам да биде лидер на оваа репрезентација во следните десетина години. Реков дека е исклучително потребен за да се пласираме во квалификациите. Му реков дека е можно да му дадам одмор понатаму. Јас подоцна имав повик само од неговиот менаџер кој побара Нено да се појави на 28 јули бидејќи имаше тешка задача. Јас поминав преку некои свои принципи, во слична ситуација беше Вајли кој исто така дојде подоцна поради лични проблеми. Несфатливо ми е некој со 23 години да бара одмор, а 36-годишниот Бојан Трајковски доаѓа на секој тренинг и работи како да има 20. Следна работа беше тоа што јас бев известен од луѓето во Федерацијата дека Димитријевиќ нема да се појави на тренинзите. Тој не ме удостои да ми се јави и да ми ги каже причините поради кои не дојде. Ја има македонската јавност да ѝ објасни“, рече Бајиќ.
