Баерн се огласи за иднината на напаѓачот Хари Кејн откако се појавија гласини за негово можно враќање во Премиер лигата. Кејн пристигна во клубот од Минхен во летото 2023 година со репутација на одличен напаѓач, но и како играч кој никогаш не освоил титула во својата кариера.

Хари Кејн во неделата го симна проклетството, Баерн ја обезбеди титулата на две кола до крајот на сезоната, а Кејн учествуваше во неа како најдобар стрелец во лигата. Тој постигна 24 гола и имаше девет асистенции во 29 одиграни натпревари за својот прв трофеј во кариерата.

Кејн ги помина своите најдобри години во Тотенхем, за кого, со неколку позајмици на почетокот на кариерата, играше од 2010 до 2023 година. Вкупно, тој одигра 435 натпревари за лондонскиот клуб, постигна 280 гола и забележа 62 асистенции. Со Тотенхем играше финале во Лигата на шампионите (2018/19) и двапати финалист во ЕФЛ Купот.

Тој пристигна во Баерн пред минатата сезона во трансфер вреден 100 милиони евра. Тоа беше сезона во која тој веднаш беше најдобар стрелец во лигата (36 гола) и во која постигна 44 гола во 45 натпревари.

Александар Чеферин ја критикуваше состојбата на стадионите во Италија и тврди дека таа е полоша во Италија отколку во која било друга голема фудбалска земја во Европа.

Пред реваншот од полуфиналето на Лигата на шампионите во кој Интер ќе се сретне со Барселона, претседателот на УЕФА разговараше со „СпортМедијасет“, меѓу другото, зборуваше за стадионот „Џузепе Меаца“ и неуспешниот обид тој да биде местото каде што ќе се игра финалето на Лигата на шампионите.

„Мислам дека фудбалската инфраструктура во Италија е срамна“, рече Чеферин.

„Вие сте една од најголемите фудбалски земји, ги освоивте светските и европските првенства, Лигата на шампионите. А во исто време, имате најлоша инфраструктура меѓу големите фудбалски земји. Веќе сум малку уморен од овие приказни за инфраструктурата во Италија. Сè завршува само со приказни. Се надевам дека Италија ќе направи нешто. Клубовите имаат потреба од помош од државата, локалните заедници, па дури и од приватните инвеститори. Време е да се реагира, ситуацијата е исклучително лоша“, рече Чеферин и дополни дека е сигурен дека „Италија ќе биде домаќин на Европското првенство во 2032 година“.

Сите очекуваат заедничката кандидатура на Турција и Италија да добие зелено светло за домаќинство на ЕП 2032, но најновите изјави од првиот човек на УЕФА се јасно предупредување до Италија дека треба посериозно да ја сфати работата што треба да се заврши.

Манчестер Јунајтед воспостави „контакт“ со тимот од Серија А, Торино, околу трансферот на српскиот репрезентативец Вања Милинкович-Савич ова лето, според Фабрицио Романо. 
 
Голманската ситуација на Олд Трафорд е извор на загриженост за Рубен Аморим оваа сезона. 
 
Првиот голман Андре Онана претрпе лоша кампања со каталог на грешки, особено во првиот натпревар од четвртфиналето на Лига Европа со Лион. 

Вториот голман, Алтај Бајиндир, изгледа подеднакво неубедлив кога го заменува Онана, и е поврзан со преселба надвор од Олд Трафорд во потрага по повеќе минути за првиот тим откако Јунајтед доби понуди во јануари. 

Оваа сезона, србинот има одиграно 34 натпревари во италијанската лига, без да прими гол во 11 од нив. Неговиот договор со Торино ќе истече во јуни 2026 година, но клубот има опција да активира автоматско продолжување за уште една година. 
 
Изворите додаваат дека Милинкович-Савич би уживал во можноста да  игра во Манчестер, но останува да се види дали двата тима ќе успеат да склучат договор. 

Италијанскиот шампион, Интер, ќе ја хостира Барселона во полуфиналниот реванш во Лигата на Шампиони, и повторно ќе се соочи со заканата од Ламин Јамал. 

Шпанецот постигна прекрасен гол на првиот натпревар и имаше блескав настап, наведувајќи ја изјавата на Симоне Инзаги дека тој е таков талент што се гледа само еднаш во 50 години. 

Јамал денес повторно ќе биде во акција, и Алесандро Бастони беше прашан за младиот и неговите способности. 
 
На прес-конференцијата Италијанецот изјави дека Јамал е најдобриот играч со кој што се имал соочено. Тој рече: „Мислам дека е така, тој е најдобриот играч со кој сум се соочил. Јас веќе се соочив со него против Шпанија, но тој сè уште не беше на ова ниво. Импресиониран сум од нивото што го има достигнато, за неговата возраст и способноста да создаде нешто на теренот, мислам дека е меѓу најдобрите“. 

Ова би бил еден од најголемите натпревари во кариерата на Јамал и додека тој има одиграно поголеми натпревари за Шпанија, можноста за пласман во финалето на Лигата на Шампионите претставува огромен чекор во кариерата на тинејџерот. 

Фудбалерите на Џирона ја победија Мајорка во 34-то коло од Ла Лига со 1-0 и освоија три вредни бода во борбата за опстанок.

Тимот од Каталонија успеа да слави со голот на искусниот Стуани и да направи разлика од шест бода во споредба со зоната за испаѓање.

Стуани ја искористи првата можност на натпреварот, во 10.минута и го постигна голот што се покажа како единствен на натпреварот.

Проблемот на Мајорка беше што воопшто не можеа да го погодат голот. За 90 минути, тие шутираа вкупно девет пати, топката само еднаш одеше во рамката на голот.

Македонскиот репрезентативец Бојан Миовски по подоглго време доби шанса, и тоа минимална, влезе на теренот во 87.минута, на местото на стрелецот Стуани.

Жирона ја прекина серијата од 11 натпревари без победа. Нивниот последен триумф беше пред три месеци против Лас Палмас. Од друга страна, Мајорка се мачи да постигнува голови. Тие не постигнале гол во претходните три натпревари, а освоија само еден бод.

Џирона моментално е 15-та и има 38 бода, додека Мајорка е десетта со 44 бода, исто колку и Рајо Ваљекано.