Никола Јокиќ одмора во својот роден град, по напорната сезона во НБА каде беше прогласен за најдобар играч – МВП.
Наскоро треба да стане најскапо платен кошаркар на светот кој ќе заработува 250 милиони долари за пет сезони.
Но тоа не го спречува да се опушти, малку или премногу проценете сами…..
Денес УЕФА објави дека Сергеј Карасев од Русија ќе го суди натпреварот за Суперкупот на УЕФА помеѓу Челзи и Виљареал, што се игра во среда на 11-ти август на Националниот фудбалски стадион во Белфаст, Северна Ирска.
Карасев има 42 години, и е меѓународен судија од 2009. Тој судеше и на три натпревари на Еуро 2020.
Лос Анџелес Лејкерси и официјално го потврдија доведувањето на Двајт Хауард.
Хауард во НБА лигата има просек од 16.2 поени, 12.1 скокови и 1.9 бокади по натпревар, а во кариерата одигра 1.182 во најсилната кошаркарска лига во дресовите на Орландо, Хјустон, Атланта, Шарлот, Вашингтон, Филаделфија и Лејкерси.
Тој беше дел од Лејкерси во 2020 година кога тимот од Лос Анџелес го освои шампионскиот прстен.
Џек Вилшир одново е без клуб откако му заврши краткиот престој во Бурнмаут и сигурно ќе се обиде да си пронајде нова средина до крајот на летниот преоден рок, период во кој се очекува да видиме и последен притисок од страна на најголемите англиски клубови во обидот да дојдат до посакуваните засилувања.
Поранешниот играч за врска на Арсенал смета дека тимот на Микел Артета ќе заврши петти, а додава дека европскиот шампион Челси одново ќе остане покус во домашното првенство.
„Манчестер Сити ќе ја освои титулата. Претпочитам тоа да го направи Манчестер Јунајтед, но сметам дека тие ќе останат само втори. Челси ќе биде трет, Ливерпул четврт, Арсенал петти, а Лестер шести“.
Искусниот дефанзивец на Барселона, Жерар Пике, по синоќешната победа над Јувентус (3-0) на пријателскиот меч во пресрет на новата сезона, јавно проговори за заминувањето на аргентинскиот напаѓач Лионел Меси.
„Тимот беше малку скршен поради заминувањето на Меси. Го загубивме најдобриот играч на сите времиња. Тоа боли и не повреди и нас и него“, изјавил Пике.
Меси вчера на специјална прес-конференција се збогуваше со својот клуб и навивачите, откако Барселона објави дека нема да го обнови договорот со него како резултат на финансиските и структурните пречки наведени во прописите на шпанската лига.
Стефан Колоски ја засили левата бековска позиција на Голден Арт КЛ7. Стефан Колоски е нов играч на младиот тим на Голден Арт КЛ7. 24 годишниот Стружанец доаѓа во Голден Арт КЛ7 од екипата на ГРК Тиквеш, за да ја пополни левата бековска позиција и да ја зацврсти одбраната.
Претходно во својата кариера Колоски има настапувано и за Струга, Работнички и Јуниор КВ.
„Драго ми е што сум дел од ваков проект насочен кон вложување во македонски ракометари. Можноста да тренирам во висок ритам, да добијам шанса и минутажа беа клучни за мојата одлука да пристапам на Голден Арт КЛ7. Стабилноста на функционирање на клубот ми е добро позната и можам да кажам дека сум одлично примен”, изјави Стефан после неколку тренинзи во новиот клуб.
На големо веќе се најавува трансферот на Ромелу Лукаку во редовите на Челзи. Последните информации говорат дека Интер за Лукаку ќе добие 115 милиони евра, а за Лукаку тоа ќе биде враќање во Англија.
Првата посериозна авантура на Лукаку почна токму во Челзи, а потоа следуваа ангажмани во Евертон, Манчестер Јунајтед и Интер.
Трансферот на Лукаку го најави и поранешниот напаѓач на Челзи Дидиер Дрогба.
Дрогба објави фотографија од Лукаку во дрес на Челз и порача: Се враќа дома!
Капитенот на Тотенхем и англиската репрезентација Хари Кејн се врати од својот одмор на Бахамите, но ќе го пропушти дербито од првото коло на Премиер лигата кое е на програмата идниот викенд.
Поради строгите ковид-протоколи во Англија, тој мора да остане во изолација во следните пет дена, односно до среда, а дури потоа да почне со тренинзи со екипата. Дотогаш може да тренира индивидуално во базата на Спарс каде и ќе биде сместен во посебна соба, но ќе тренира во различни термини од своите соиграчи.
Сапуницата со Кејн почна минатиот месец кога беше објавено дека тој штрајкува и по секоја цена бара трансфер во Манчестер Сити. Со оглед на тоа што уште е под договор со лондонскиот клуб, нема шанси да биде ослободен, па навивачите го сфатија неговото отсуство како обид за притисок врз раководството.
Кевин Дурент и Џими Батлер добија нови богати договори од Бруклин Нест и Мајами Хит.
Дурент кој со репрезентацијата на САД дојде до златото на ЛОИ во Токио се согласи да стави потпис на четиригодишен договор со Бруклин вреден 198 милиони долари. Во минатава кампања популарниот Кеј-Ди одигра 35 мечеви на кои имаше просек од 26.9 поени, 7.1 скокови и 5.6 асистенции за да во плејофот биде на уште повисоко ниво и на 12 средби реализира по 34.3 поени, 9.3 скокови and 4.4 асистенции.
Тој заедно со Кајри Ирвинг и Џејмс Харден ќе имаат задача во следната кампања да направат се за да го донесат шампионскиот трофеј во Бруклин.
Батлер пак како клучен играч на Мајами ја продолжи соработката за четири години за кои ќе заработи 184 милиони долари. Џими беше главен во носењето на Кајл Лаури во овој преоден рок, па тие заедно со Адебајо, Робинсон и останатите треба да бидат група која ќе има што да каже на Истокот.
Како што стојат работите Лионел Меси ќе го засили тимот на ПСЖ.
Барселона завчера објави дека Аргентинецот нема да го продолжи договорот од првиот момент ПСЖ се истакна како најголем фаворит. Се споменуваше Манчестер Сити, но Гвардиола вчера потврди дека после ангажманот на Грилиш не можат да тргнат по Меси. Челзи исто така влезе во игра, но изгледа повеќе нема дилеми дека Меси ќе го гледаме во Париз.
На темата Меси – ПСЖ зборуваше и Нико Ковач по ремито на неговиот Монако со Нант, натпревар со кој беше отворена Лига 1.
„Доаѓањето на Меси е добро за Лига 1. Секако дека ПСЖ така ќе биде уште потешко да се победи, но сум задоволен од идејата да го видам Меси во ова првенство“, изјави Ковач.
