Ѕвездата на Манчестер Јунајтед ,Кристијано Роналдо, пред продолжението на натпреварите во Премиер лигата по паузата со репрезентацијата, излезе со мотивирачка порака на социјалните мрежи.

„Време е повторно да ги засукаме ракавите и да ја завршиме работата! Да го постигнеме она што го зацртавме за оваа сезона“, напиша Португалецот на својот Твитер профил.

Популарните„црвени ѓаволи“ прво ќе ги одмерат силите со Ватфорд на гостински терен а три дена подоцна им следува битниот меч со Виљареал во Лигата на шампионите.

Тренерот на фудбалерите на Борусија Дортмунд, Марко Розе, се надева дека главниот голгетер, Ерлинг Халанд, ќе се врати на терените до крајот на годинава.

Норвежанецот кој има 10 натпревари во сите конкуренции и постигнато 13 голови, има потешка повреда на бутот на ногата а неговито татко, неодамна изјави, дека би било вистинско чудо доколку Халанд  заигра пред Божиќ.

„Милионерите“ в сабота ќе го пречекаат Штутгарт во натпревар од 12. коло во Бундеслигата. Тимот од Дортмунд е втор во поредокот во Германија со 4 бодови помалку од лидерот Баерн Минхен.  Штутгарт ја зазема 15-та позиција.

Позната е платата која ќе ја добива бразилскиот дефанзивец кој се врати во Барселона Дани Алвеш. Каталонскиот клуб ќе му плаќа на 38-годишниот фудбалер 155.000 евра годишно – ова е минималната плата што може да му биде исплатена на фудбалер од Ла Лига, информира „Марка“.

Според изворот, на ваквата ниска плата на Алвеш влијаела ситуацијата во Барселона. Ќе потсетиме, во септември Алвеш го напушти бразилскиот Сао Паоло. Фудбалерот во неколку наврати изјави дека е подготвен да и помогне на Барселона во тешка ситуација.

Алвеш играше за Каталонците од 2008 до 2016 година и најсветлите години од својата фудбалска кариера ги помина во таборот на Барселона. Алвеш потпиша договор со Барселона до крајот на оваа сезона. Тој веќе се приклучи на тимот, но Каталонците ќе можат да го пријават дури од почетокот на 2022 година.

Микел Артета ќе може да го користи Томас Парти на утрешното дерби против Ливерпул.

Интернационалецот од Гана имаше повреда на препоните поради која ги пропушти квалификациските натпревари на репрезентацијата против Етиопија и Јужна Африка. За време на паузата за репрезентациите, сепак, успеа да се опорави и може да биде стартер на „Енфилд“. Ќе може да игра и капитенот Пјер-Емерик Обамејанг, иако заработи полесна повреда за време на кампот на репрезентацијата на Габон.

Само Гранит Џака и Сеад Колашинац продолжуваат да закрепнуваат и нема да му бидат на располагање на Артета за претстојната пресметка со Ливерпул.

Каталонскиот гигант Барселона, започна со барање на играч кој во тимот би го заменил Кун Агуеро. Аргентинецот е надвор од терените поради срцева аритмија која лекарите му ја дијагностицираја неодамна, па поради тоа не се знае со точност дали и кога повторно би се вратил на футбалот.

Шпанските медиуми известуваат дека Барса ќе се обиде да го доведе Нигериецот Умар Садик кој настапува за екипата на Алмерија во шпанската Сегунда.

Садик е вистинско откровение во тимот на Алмерија оваа сезона, каде на 15 натпревари има постигнато 7 голови и 6 асистенции.  Неговата пазарна вредност изнесува 25 милиони евра и во моментот е следен од неколку европски клубови, но сепак предност при евентуален трансфер би имал клубот од „Ноу Камп“.

Барселона во овој момент не е во позиција да доведува нови играчи во јануарскиот преоден рок.

Како што стојат работите Чави веројатно до крајот на сезоната ќе може да смета само на постоечкиот кадар. И ова не се медиумски шпекулации, туку најава на спортскиот директор на клубот Матео Алемани.

Каталонскиот гигант има проблеми, поради тие проблеми мораше и Меси да си замине и ситуацијата се уште не е во целост решена. Поради тоа клубот можеби нема да може никого да доведе во преодниот рок кој следи.

„Ќе видиме што ќе биде во јануари. До тогаш има уште месец ипол и работиме на тоа. Во овој момент не постои шанса некого да доведеме во јануари, но ќе видиме како се ќе сизгледа во јануари“, изјави Алемани.

Томас Тухел изјави дека напаѓачот Ромелу Лукаку ќе го пропушти саботното 12. коло од Премиер лигата.

„Челзи е лидер на табелата во Англија со 26 бода, три повеќе од Манчестер Сити и Вест Хем, кои се втори и трети. Белгискиот репрезентативец не играше на последните пет натпревари за лондончани. Тој продолжи со тренинзите во понеделникот, но според Тухел се уште не е целосно закрепнат. „Ромелу и Матео нема да играат утре“, изјави германскиот тренер на Челзи за состојбата на Лукаку и Ковачиќ. Томас Тухел појасни дека Лукаку наскоро ќе се приклучи на тимските активности и прави се што е можно за што побрзо да се опорави.

Тимот на Лестер кој утре ќе го пречека Челзи се наоѓа на 12. место со 15 бодови и нема победа од крајот на октомври.

Пауло Дибала зборуваше за своите цели во кариерата.

„Секогаш живеам гледајќи во иднината и размислувам за целите што сакам да ги постигнам. Да бидам важен играч во Јувентус и да растеш како личност, како човек. Имам уште многу цели кои треба да ги постигнам и со мојот тим и со репрезентацијата на мојата земја. Сакам да играм за мојата земја. Тоа ме прави да се чувствувам поблиску до мојата татковина, до моите корени. Секако, сонувам да го освојам Светското првенство, исто како што би сакал да ја освојам Лигата на шампионите. Работам секој ден за да ги постигнам овие резултати“ изјави Дибала  во интервју за „Фудбал Италија“.

27-годишниот напаѓач игра за Јувентус од 2015 година. Сезонава учествуваше на девет натпревари за тимот од Торино во италијанскиот шампионат, на кои постигна три гола и три асистенции.

Фудбалската репрезентација на Македонија, со последните победи против Ерменија и Исланд, направи скок од седум места на ранг листата кој ја составува ФИФА, и сега сме на 67. позиција.

Македонската репрезентација својот најдобар пласман во последно време го забележа во месеците април и мај оваа година кога го зазеде 62-то место.

Играњето во бараж натпреварите за СП, кои се закажани за месец март, можат повторно да ја подобрат позицијата на нашата селекција доколку оствариме позитивен резултат.

Репрезентацијата на Белгија и натаму е најдобра на светот, а по неа следуваат Бразил, Франција, Англија, Аргентина, Италија, Шпанија, Португалија, Данска и Холандија.