УЕФА нема да го казни репрезентативецот на Англија, Џуд Белингам, кој по голот на мечот со Словачка во осминафиналето на Европското првенство имаше непристоен гест во пределот на гениталиите.

Играчот на „Гордиот Албион“ веднаш по средбата се обиде да се оправда дека тој потег бил само шега наменета за неговите пријатели на трибините.

Сепак, УЕФА, најави дека ќе поведе дисциплинската истрага. Медиумите се убедени дека Белингем нема да биде санкциониран.

Селекцијата на Белгија вчера беше елиминирана од Европското првенство откако Франција запиша триумф од 1-0.

Овој натпревар можеби беше и последен за Белгиецот Кевин Де Брујне. Еден од најдобрите репрезентацијата на Белгија не е сигурен дека и понатаму ќе продолжи да го носи националниот дрес.

„Рано е да одговарам на тоа прашање. Прво треба добро да размислам по овој пораз и елиминацијата. Зад себе имам долга сезона и потребно ми е да го одморам телото и да ги наполнам батериите. Големите одлуки ќе ги носам по завршувањето на летото“, изјави Де Брујне.

Де Брујне кој има 33 години претходно зборуваше и дека би можел да ја заврши кариерата во европскиот фудбал во случај на некоја голема понуда. Договорот кој го има со Манчестер Сити е со важност до 2026 година.

Прославениот фудбалер на Франција, Емануел Петит, вели дека Килијан Мбапе мора да ги покаже квалитетите на теренот доколку сака да биде респектиран од соиграчите во репрезентацијата.

„Ти си главен, ти си капитен, сакаш да бидеш најдобар играч на светот, покажи ни дека си најдобар на светот“ – така веројатно размислуваат неговите соиграчи, потенцираше Петти. „ Дел од другите во селекцијата може да бидат иритирани од неговот его а тоа не е добро за тимот“, потенцираше поранешниот репрезентативец.

Репрезентативецот на Јапонија, Даики Камада од денес и официјално е нов фудбалер на премиерлигашот Кристал Палас со кој потпиша договор на две години.

Фудбалерот за врска пристигнува од Лацио и тоа на инсистирање на Оливер Гласнер кој во минатото одлично соработуваше со него во Ајнтрахт во сезоната кога германскиот тим ја освои Лигата на Европа.

Пауло Дибала ова лето најверојатно ќе ја напушти Рома, а како потенцијални дестинации се споменуваат Атлетико Мадрид и Премиер лиг

Дибала има договор со Рома до 2025 година, но и клаузула од 12 милиони евра којаќе биде активна ова лето бидејќо тимот не обезбеди пласман во Лигата на шампиони.

Клаузулата важи само за клубовите надвор од Серија А, а Атлетико е еден од најзаинтересираните клубови.

Дибала има понуди и од Премиер лигата, па се очекува наредните недели да донесе конечна одлука.

Шампионот Струга го промовираше денеска во свое ново засилување за следната сезона поранешниот македонски фудбалски репрезентативец Стефан Спировски.

Како што е соопштено, Спировски стави потпис на двегодишен договор со Струга која овој месец ја очекува настапот во Лигата на шампиони и пресметката против Слован Братислава во првото квалификациско коло.

Спировски доаѓа во редовите на Струга од кипарски Етникос Ахна, а претходно во кариерата настапуваше и за Вардар, Пелистер, како и екипи од Србија, Бугарија, Унгарија, Ерменија, Израел и Ерменија.

За македонската репрезентација Спировски одигра 55 натпревари. 

Џошуа Кимих ќе биде на летната трансфер листа на Баерн
Минхен, тврди германски „Ску Спорт“.
Џошуа Кимих е заинтересиран за нова авантура, а бидејќи влезе
во последната година од договорот, Баерн е спремен да го
продаде ова лето за да не го загуби без пари.
Манчестер Сити, Ливерпул и Арсенал се клубовите кои
покажуваат најголем интерес, а Германецот е отворен за
преселба во Премиер лигата.
Германските медиуми пренесуваат дека Баерн е подготвен да го
ослободи за сума од 50 милиони евра. Споменатите клубови се
спремни да ја платат таа сума, па веќе ја почнаа битката за
неговиот потпис.

Раководството на ПСЖ се обидува да го продаде Милан
Скриниар, иако го доведе пред само една година, пренесуваат
франвуските медиуми. 29-годишниот дефанзивец пристигна
минатото лето како слободен агент откако му заврши договорот
со Интер.
Меѓутоа, Скриниар не ги оправда очекувањата и не успеа да го
покаже во целост својот потенцијал во тимот на Луис Енрике.

Самиот Скриниар сака да остане во клубот, но ПСЖ се обидува
да го продаде за да ослободи место за доведување на други
дефанзивци.

Каталонскиот гигант Барселона денес официјално потврди дека
се разделува со Жоао Феликс, Кансело како и Маркос Алонсо.
Жоао Феликс и Жоао Кансело беа на едногодишна позајмица, па
иако имаа голема желба да останат сепак Барселона не постигна
договор со Атлетико Мадрид односно Манчестер Сити.
„Маркос Алонсо, Жоао Феликс и Жоао Кансело нема да
продолжат во клубот. Договорот на шпанскиот дефанзивец
истекува на 30 јуни, а двајцата Португалци кои играа на позајмица
ќе се вратат во нивните клубови. Барселона сака да им се
заблагодари за посветеноста и верноста и да им посака успех во
иднина“, соопшти Барселона.
Новиот тренер Ханси Флик сака да го задржи Кансело, па
Барселона повторно ќе преговара со Манчестер Сити за
евентуален трансфер.