feature

ТФТ и Куманово ги добија потенцијалните противници во ФИБА Европа купот

Двата македонски претставника во ФИБА Европакупот претстојната сезона, екипите на ТФТ и на Куманово 2009 ги добија имињата на потенцијалните противници во првата елиминависка фаза од ФИБА Евро Купот, ако и форматот по кој ќе се одредуваат учесниците во групната фаза од ова натпреварување.

Нашите претставници ќе мораат да го поминат квалификацискиот филтер кој нема воопшто да биде лесен. Пред се затоа што, учество во ова натпреварување пријавија 33 клуба, додека дополнителни 14 ќе им се приклучат од Лигата на шампионите, оние кои нема да ги поминат квалификациите.

Македонските прволигаши се меѓу 19. екипи кои ќе учествуваат во квалификациите, а бидејќи се најдоа во најслабиот „шешир“, ќе имаат и најтежок пат до групната фаза.

Ќе се играат четири квалификациски турнири од кои три ќе бидат со по пет, а еден со четири екипи. Најслаборангираните тимови, меѓу кои се Куманово и ТФТ ќе почнат од четвртфиналето. Ако триумфираат ќе играат полуфинале, а ако и оттаму излезат како победници, ќе се најдат во баражот за пласман во групната фаза.

Од квалификациите во групите ќе влезат четири екипи, а турнирите ќе се одржат во периодот од 28. септември до 1. октомври.

ГРУПА 1

Ирони Нес Зиона (Изр), Гронинген (Хол), Меди Бајројт (Гер), Днипро (Укр)

ГРУПА 2

Спортинг (Пор), Ираклис (Грц), Керавнос (Кип), Енисеј (Рус)

ГРУПА 3

Порто (Пор), Хапоел Хаифа (Изр), Волунтари (Ром), Академик Пловдив (Буг)

ГРУПА 4

Натуртекс (Унг), Трефл Сопот (Пол), Гмунден (Авс), Парну (Ест)

ГРУПА 5

Виена (Авс), Куманово (Мкд), ТФТ (Мкд)

Дортмунд ја доведе замената за Санчо

Германскиот Бундеслигаш, Борусија Дортмунд го официјализираше трансферот на Донјел Мален од ПСВ, за кој плати 30 милиони евра.

Офанзивецот кој во составот на „Милионерите“ пристигна како директна замена за Санчо, кој сега е играч на Јунајтед, потпиша договор до јуни 2026. година.

Мален минатата сезона во дресот на ПСВ постигна 27 погодоци и запиша 10 асистенции.

Швајцарецот Шаќири најави враќање во Серија А

Фудбалерот на Ливерпул, Џердан Шаќири, откри дека е подготвен за нови предизвици откако деновиве се појавија шпекулации дека за неговиот потпис е заинтересиран италијанскиот состав Лацио.

„Фудбалот ми помогна да реализирам многу соништа. Имав среќа да играм во големи тимови и да освојам многу награди. Мојот договор со Ливерпул истекува во 2022 година. Го следам Лацио подолго време. Би сакал да играм повеќе напаѓачки фудбал а Маурицио Сари го практикува тоа“, рече репрезентативецот на Швајцарија.

Интер не сака да слушне за продажба на Лукаку

Ромелу Лукаку ова лето се поврзуваше со заминување од редовите на Интер, но како што стојат работите Белгиецот ќе остане во Милано.

Директорот на Интер Џузепе Марота зборуваше за иднината на Лукаку и ги реши сите дилеми ако и постоеа.

„Лукаку е недопирлив ова лето. Тој е наш клучен играчи нема цена за која би го продале“, изјави Марота.

Лукаку во Интер дојде летото 2019 година од Манчестер Јунајтед за 74 милиони евра.

Англиски гигант се вклучи во трката за Иско

Ливерпул се вклучи во траката за потписот на плејмејкерот на Реал Мадрид, Иско, пренесуваат медиумите на Островот.

Ливерпул е во потрага по наследник на Вајналдум, па иако се споменуваат многу имиња, сепак главна мета е токму Иско.

Иско минатата сезона не добиваше голема минутажа кај Зидан, а изгледа дека работите нема да се променат со доаѓањето на Анчелоти. Поради тоа Шпанецот е спремен да ја промени средината, а Ливерпул сака да ја искористи ситуацијата и веќе стапил во контакт со неговиот агент.

Иско влезе во последната година од договорот и Реал е спремен да го продаде, а за неговата слобода бара 18 милиони евра, сума која нема да биде проблем за Ливерпул.

Веќе не сака да биде помошник – Тери ја напушти Астон Вила

Легендарниот англиски фудбалер Џон Тери повеќе не е помошник тренер на премиерлигашот Астон Вила, потврди клубот од Бирмингем.

Откако му помагаше на менаџерот на тимот Дин Смит во изминатите три години, Тери сега сака да ја испроба својата самостојна работа, како главен тренер.

„Размислував за својата професионална иднина и мислам дека не би било фер кон сите ако останев во тимот, и не сум сигурен дали ќе бидам таму цела сезона. Мојот план е да направам пауза, да поминам време со моето семејство, а потоа да посетам некои клубови ширум Европа и да продолжам да одам кон исполнување на мојот план, односно на позицијата главен тренер,“ – рече Тери.

За потсетување, Тери ја заврши кариерата во Астон Вила, а после тоа работеше како асистент од 2018 година.

Данецот Дамсгард преговара со Тотенхем

Тотенхем започнал преговори за трансфер на ѕвездата на Сампдорија, Микел Дамсгард.

Ѕвездата на данската репрезентација кое со своите игри воодушеви на Европското првенство е мета на најголемите европски клубови.

Тотенхем сака да ја победи конкуренцијата и веќе започнал преговори со Сампдорија.

За 21-годишниот крилен напаѓач Сампдорија бара 35 милиони евра, додека првата понуда на „спарси“ е 25 милиони евра плус бонуси.

Келн во големи финансиски проблеми

Поранешниот германски шампион Келн го потрошил речиси целиот капитал поради огромните загуби за време на пандемијата со корона-вирусите, изјави директорот на клубот, Александар Верле.

„Имавме загуба од 66 милиони евра од март 2020 година до јуни 2021 година. Акционерскиот капитал од 38,6 милиони евра, кој со голем напор го собравме со текот на годините е речиси потрошен“, рече Верле.

Тој нагласи дека клубот морал да обезбеди заем од 20 милиони евра од владата на Северна Рајна-Вестфалија.

Тренерот на Георгиевски: Браво лаву, ти си македонска икона!

Дарко Костовски, тренерот на македонскиот таеквондист Дејан Георгиевски, му го честиташе на својот ученик освоениот сребрен медал на Игрите во Токио, оценувајќи го како најголем спортски успех од независноста на македонската држава.

„Го имаме најголемиот историски успех откако нашата Македонија е независна. Браво лаву, браво јунаку, ти си новата спортска македонска икона и идолот на новите генерации“, објави Костовски на социјалните мрежи непосредно по финалната борба.

Георгиевски попладнево стана првиот македонски олимпиец на Игрите во Токио, кој освои медал, откако во финалната борба во таеквондо во категоријата над 80 килограми загуби од Русинот Владислав Карин со 15-9.

На патот до финалето македонскиот таеквондист ги совлада актуелниот светски првак Алба Кастиљо од Куба, Сејду Гбане од Брегот Слонова коска и Јужнокoреецот Ин Дон.

Сребрениот медал на Георгиевски е второ олимписко одличје за македонскиот спорт по бронзата на борачот Мохамед Ибрагимов на Игрите во Сиднеј во 2000 година.

Клоп откри кога Ван Дајк се враќа на терен

Дефанзивецот на Ливерпул, Вирџил ван Дајк би можел во четврток на пријателскиот натпревар против Херта во Инсбрук да ги одигра првите минути по девет месеци надвор од теренот поради тешка повреда на коленото, која ја заработи на дерби натпреварот против Евертон.

„Ван Дајк изгледа доста добро на тренинзи, но се уште не сум сигурен дали ќе игра против Херта. Ако натпреварот го гледате како дел од опоравувањето, тогаш тоа има смисла. Тој би можел да одигра 20 минути, но мораме претходно да разговараме.“ – изјави Клоп за британските медиуми, кој првично беше против предвременото враќање на Ван Дајк на теренот.

Но, со оглед на тоа што добро се опорави од тешката повреда и добро тренира на подготовките во Австрија, Клоп го промени мислењето и би можел веќе во четврток да му даде минутажа на својот најдобар дефанзивец, кој беше еден од клучните играчи за Ливерпул во претходните сезони.

«< 1210 1211 1212 1213 1214 >»