Јасно е дека покрај Хери Кејн главна трансфер желба на Манчестер Сити и Пеп Гвардиола е одличниот англиски репрезентативец и најдобар фудбалер на Астон Вила, Џек Грилиш.

Лојалноста на Грилиш кон својот тим е добропозната, но многумина веруваат дека богата понуда може да го промени размислувањето на капитенот на Астон Вила.

Сепак, покрај лојаноста проблем е што Сити во моментов за остварување на своите желби мора да внимава на финансискиот фер плеј, односно доколку ги сака Грилиш и Кејн, ќе мора да продава дел од своите најголеми ѕвезди, во прв ред Рахим Стерлинг и Бернардо Силва.

Сепак сега се појавија неочекувани информации за Манчестер Сити. Како што јавува „talkSPORT“ Џек Грилиш ја преиспитувал својата желба да ја напушти Астон Вила и да се пресели на Етихад. Според нив најмногу грижа кај Грилиш будела можноста доста време да минува на клупата, со оглед на конкуренцијата која ќе ја има кај Гвардиола.

Пол Погба е еден од најбараните играчи во овој преоден рок. Веќе подолго време е јавна тајна дека тој сака да го напушти Манчестер Јунајтед, но клубот од Олд Трафорд ја чека вистинската понуда.

Една од најчесто споменуваните опции беше францускиот ПСЖ. Сепак, се чини дека Погба ги затвори вратите на најбогатиот француски клуб, а откриено е и зошто.

Играчот за врска на Јунајтед во интервју за француски Канал + коментираше за интересот на Парижаните: „ПСЖ? Не сум сигурен, не се гледам себеси таму. Причината се моите родители. И мајка ми и татко ми се навивачи на Марсеј”.

Навивачите на ПСЖ веднаш реагираа на споменувањето на нивните најжестоки ривали. Пред Паркот на принцовите, тие објавија голема порака во која се вели: „Погба, слушај ја мајка ти. Таа не те сака тука, а не те сакаме ни ние!”

Шпанскиот весник „Марка“ ја донесува веста дека Килијан Мбапе донесе одлука каде ќе ја продолжи својата кариера.

Најчитаниот шпански медиум пишува дека напаѓачот го известил раководството на ПСЖ дека нема да го продолжи договорот и дека е време за нови предизвици во неговата кариера. Наводно, Мбапе на тренерот Покетино му рекол дека нема да форсира заминување ова лето, но не планира да остане во Париз и наредната сезона, кога му истекува договорот.

За очекување е дека ПСЖ ќе се обиде да го продаде најскапиот играч на светот како не би го загубил без отштета. Посебен интерес за него покажаа Реал Мадрид и Ливерпул, а според „Трансфермаркт“, вредноста на Мбапе се проценува на 160 милиони евра.

Легендарниот фудбалер на Манчестер Јунајтед и некогашен репрезентативец и селектор на Велс, Рајан Гигс, се соочува со закана од затвор до пет години.

Велшанецот е обвинет за нанесување телесни повреди на неговата поранешна девојка Кејт Гревил ноќта на 1 ноември 2020. година. Подоцна истата вечер, тој физички ја нападнал жената која била на дваесетина години, а за среќа поминала без повреда.

Гигс е во врска со Кејт Гревил од 2017. година. Врската започнала кратко откако се откри дека тој со години ја изневерувал сопругата на својот брат – Стејси. Исто така, тој беше обвинет за заканувачко однесување врз неговата поранешна девојка од декември 2017. година до ноември 2020. година.

Обвинителството покажа видео пред судот, на кое се гледа како Гигс ја шутира својата поранешна девојка во грб и ја исфрла гола од хотелската соба.