Капитенот на Динамо Загреб и репрезентативец на македонската фудбалска репрезентација, Аријан Адеми, на претстојниот натпревар од Лигата на шампиони со Милан на Сан Сиро, ќе прослави извонреден јубилеј – 100 настапи за Динамо во европските натпреварувања.

Адеми долг период е лидер на тимот од Загреб, и беше еден од најзаслужните поединци за вредната победа над Челзи во првото коло од Лигата на шампионите, за што беше прогласен за МВП на средбата.

ФИФА најави дека полуавтоматскиот офсајд ќе се користи на Светското првенство Катар, а веќе „дебитираше“ и во Лигата на шампионите на мечот помеѓу Клуб Бриж и Баер Леверкузен.

Дел од фановите не се задоволни, но факт е дека модернизацијата и подобрувањето на ВАР е иднината на фудбалот. За тоа доказ се последните вести од Италија.

Серија А планира да го забрза процесот на воведување полуавтоматски офсајд и оваа технологија Италијанците би можеле да ја воведат пред почетокот на Светското првенство. Идејата за забрзување доаѓа после големиот превид на натпреварот помеѓу Јувентус и Салернитана.

Фудбалскиот клуб Париз Сен Жермен објави дека дефанзивецот на екипата и репрезентативец на Франција, Преснел Кимпембе поради повреда ќе отсуствува од теренот најмалку шест недели.

Кимпембе доживеа повреда на бутниот мускул од левата нога, во завршницата на првенствениот натпревар со Брест кој ПСЖ го доби со 1:0.

Наредниот преглед и контрола, фудбалерот ќе го има после осум дена, се наведува во соопштението на клубот.

Извори блиски до Манчестер Јунајтед пренесуваат дека тренерот на екипата Ерик тен Хаг одлучил Маркус Рашфорд да биде прв напаѓач во тимот, и дека очекува од него да постигне преку 20 гола оваа сезона.

Тен Хаг не е воодушевен од незадоволниот Роналдо и има се поголема доверба во Рашфорд. Холандскиот стручњак е свесен декa португалскиот напаѓач сака да си замине од клубот и повеќе не сака да губи време со него. Најверојатно Роналдо ќе го почека зимскиот преоден рок за да го напушти клубот од Олд Трафорд, а Тен Хаг нема намера да го спречи во тоа.

Рашфорд сезонава постигна три гола и притоа додаде уште две асистенции со што очигледно е подобрувањето на неговата голгетерска форма.

Италијанскиот клуб Монца поради лошите резултати го отпушт тренерот Џовани Стропа, и на негово место го назначи Рафаело Паладино.

Стропа минатата сезона ја предводеше Монца до најдобриот резултат во својата историја, пласман во Серија А, меѓутоа после шест кола од новата сезона, Монца успеа да освои само еден бод.

Новиот тренер Паладино своето деби ќе го има во недела против Јувентус, тим за кој во минатото има одиграно повеќе од 50 натпревари.

Ливерпул во последните денови од преодниот рок понудил рекордна сума за клубот за трансфер на играчот од средниот ред на Реал Мадрид, Федерико Валверде, Од Ливерпул биле подготвени да платат околу 100 милиони евра за трансферот на Уругваецот два дена пред затворањето на преодниот рок, но мадридскиот клуб одбил да го пушти играчот. После тоа, Ливерпул на една сезона го позајми Бразилецот Артур од Јувентус.

Така овој трансфер би можел да стане најскапиот во историјата на англискиот клуб. Во моментов тоа е трансферот на Вирџил ван Дајк за 84,65 милиони евра во Ливерпул од Саутемптон. Валверде е во Реал Мадрид од 2016 година. Трансфермаркт го цени играчот на 70 милиони евра.

На 35 години турскиот ветеран Арда Туран одлучи дека е време да објави крај на кариерата. Еден од најдобрите турски фудбалери во изминатата децениај и половина објави дека повеќе нема да игра професионален фудбал.

Во минатата сезона контроверзниот фудбалер го носеше дресот на Галатасарај, меѓутоа по завршувањето на договорот не сакаа да му ја продолжат соработката.

Најголемиот трансфер во кариерата Туран го направи во 2015 година кога за 35 милиони евра премина од Атлетико Мадрид во Барселона. Сепак во Каталонија не ги исполни очекувањата и се покажа како едно од најголемите промашувања на овој клуб.

Илија Несторовски конечно почнува да добива минутажа во Удинезе, македонскиот напаѓач одигра два натпревари под водство на Андреа Сотил и забележа една асистенција.

Нестор асистираше против Монца кон крајот на август за победа од 2-1, а во последнното коло откако влезе во игра Удинезе направи пресврт и победи со 3-1 против Сасуоло.

На почетокот од сезоната Удинезе е едно од најпријатните изненадувања во Серија А. Тимот на македонскиот напаѓач има четири победи на шест натпревари.

Спортскиот директор на Баерн Минхен, Хасан Салихамиџиќ изјави дека тренерот на екипата, Јулијан Нагелсман, и понатаму го бара својот стил на игра кој би го применувал шампионот на Бундеслигата.

Салихамиџиќ изјавата ја дал откако некои германски медиуми ја пренесоа веста дека дел од фудбалерите на Баерн, но и членови од раководството не биле задоволни од работата на тренерот Нагелсман.

„Јулијан сеуште го бара својот стил. Никогаш претходно тој немал на располагање ваква екипа. Не е лесно кога во екипата имаш толку играчи кои сакаат постојано да настапуваат. Тренерот има отворена дискусија со играчите и мора да биде ист со секој од нив“, изјави Салихамиџиќ.

Германскиот весник „Билд“ пренесува дека некои фудбалери мислат дека тренерот на Баерн треба да ги преиспита своите тактички замисли и да преземе одговорност после лошите резултати.

Баерн Минхен во моментот се наоѓа на третата позиција во Бундеслигата со три победи и три нерешени натпревари.