Голманот Мануел Нојер ја сочува мрежата за Бундестимот во
победата од 2-0 над Данска во осминафиналето на ЕП 2024.
Тоа беше негов 19. натпревар на Европските првенства. Така
Нојер го подобри досегашниот рекорд на Бастијан Швајнштајгер
за најмногу мечеви за Германија во европските завршници, кој
веќе заостанува зад него со одиграни 18 меча.
Покрај тоа, Нојер собра 38 настапи за својата земја на големите
првенства.
Селекторот на кошаркарската репрезентација на Шпанија, Серхио
Скариоло објави на кои 12 кошаркари ќе смета за време на
претстојните квалификациите за настап на Олимписки игри во
Париз.
„Фуријата“ ќе биде домаќин на турнирот во Валенсија, на кој
учествуваат и Либан, Ангола, Финска, Полска и Бахамите.
Во списокот на Шпанија се следните играчи: Руди Фернандез
(Реал Мадрид), Серхио Љуљ (Реал Мадрид), Вили Ернангомез
(Барселона), Хуанчо Ернангомез (Панатинаикос), Дарио Бризуела
(Барселона), Чаби Лопез-Арестеги (Валенсија), Алберто Дијаз
(Уникаха), Усман Гаруба ( Голден Стејт Вориорс), Хамес Прадиља
(Валенсија), Хуан Нуњез (Сан Антонио Спарс), Лоренцо Браун
(Панатинаикос) и Санти Алдама (Мемфис Гризлис).
Најмладата ѕвезда на Европското првенство, Шпанецот Ламин
Јамал го повтори достигнувањето на Зинедин Зидан од
европскиот шампионат во 2004 година.
20 години по остварувањето на легендата на францускиот и
светскиот фудбал, во синоќешното осминафинале меѓу Шпанија и
Грузија (4:1), 16-годишниот крилен напаѓач на „фуријата“ упати
седум шута кон противничкиот гол и имаше шест креирани шанси
во завршница за својата репрезентација, од кои и една заврши со
асистенција за гол.
Јамал е само вториот играч во историјата на европските
првенства од 1980 година со 5+ шутеви и 5+ додавања на меч по
Зидан, кој го направи тоа во 2004 година.
Џошуа Кимих ќе биде на летната трансфер листа на Баерн Минхен, тврди германски „Ску Спорт“.
Џошуа Кимих е заинтересиран за нова авантура, а бидејќи влезе
во последната година од договорот, Баерн е спремен да го
продаде ова лето за да не го загуби без пари.
Манчестер Сити, Ливерпул и Арсенал се клубовите кои
покажуваат најголем интерес, а Германецот е отворен за
преселба во Премиер лигата.
Германските медиуми пренесуваат дека Баерн е подготвен да го
ослободи за сума од 50 милиони евра. Споменатите клубови се
спремни да ја платат таа сума, па веќе ја почнаа битката за
неговиот потпис.
Поранешниот играч за врска на Хрватска, Иван Ракитиќ , кој сега игра за Саудиската екипа Ал Шабаб, може да ја продолжи кариерата во хрватски Хајдук. Ова го објави новинарот Фабрицио Романо на социјалната мрежа Икс.
Според изворот, Хајдук покажува специфичен интерес за евентуалното купување на Ракитиќ и веќе стапил во контакт со претставниците на фудбалерот. Новиот тренер на хрватскиот клуб Џенаро Гатузо го посочи Ракитиќ како приоритетна цел за засилување на тимот на Хајдук во летниот преоден рок.
Да потсетиме, 36-годишниот Иван Ракитиќ на почетокот на оваа година стана играч на Ал Шабаб заминувајќи од Севиља. Минатата сезона Хрватот учествуваше на 35 натпревари во сите натпреварувања, на кои постигна три гола и четири асистенции. Актуелниот договор на играчот со Ал Шабаб е до летото 2025 година. Според информациите објавени на порталот Трансфермаркт, пазарната вредност на фудбалерот е 3,5 милиони евра.
Атлетико Мадрид официјално го продолжи договорот со 34-годишниот десен бек Цезар Аспиликуета до 2025 година.
Да потсетиме, Аспиликуета дојде во мадридскиот клуб во летото 2023 година, со статус на слободен играч. Во овој период, 34-годишниот фудбалер учествуваше на 34 натпревари од сите натпреварувања, на кои имаше две асистенции. Според информациите објавени на порталот Трансфермаркт, пазарната вредност на фудбалерот е 2 милиони евра.
Пред да дојде на „Ванда Метрополитано“, шпанскиот дефанзивец играше за Челзи (2012-2023).
Олимпик Марсеј го назначи Роберто Де Зерби за главен тренер. Поранешниот менаџер на Брајтон потпиша тригодишен договор. Французите на почетокот на оваа недела открија дека е постигнат „начелен договор“ и тој сега е официјално објавен.
Де Зерби ја напушти Премиер лигата на крајот од сезона 2023/2024 по успешни 20 месеци во клубот, бидејќи го квалификуваше Брајтон за групната фаза на Лига Европа за прв пат во нивната историја.
Германскиот евролигаш Баерн Минхен неочекувано е принуден да бара нов тренер откако го раскина договорот со Пабло Ласо на барање на шпанскиот стручњак и покрај тоа што двете страни имаа договорена соработка и за сезоната 2024/25.
Само неколку часа откако се огласи германскиот тим, грчките медуми пласираа и информација за неговата замена.
Тоа се очекува да биде легендарниот грчки кошаркар кој неодамна заплива и во тренерските води, Василис Спанулис со кој се водат активни преговори.
Раководството на ПСЖ и 36-годишниот Лука Карабатиќ се договорија на двегодишна соработка, па така кружниот напаѓач во тимот на Раул Гонзалез ќе остане најмалку до јуни, 2026 година.
ПСЖ во првото коло од Лигата на шампионите ќе гостува кај Еурофарм Пелистер.
Првото соочување меѓу францускиот и македонскиот шампион ќе биде на 11/12 септември во Битола, додека последното на крајот од сезоната, односно на 5/6 март, 2025, во Париз.
Џошуа Зиркзе е еден од фудбалерите за кои најмногу се пишува во изминатиот период и ќе биде изненадување ако и по преодниот рок остане член на Болоња.
Како фаворит за потписот на Зиркзе важеше Милан, но во трката се вклучи и Манчестер Јунајтед.
Според последните информации секој кој ќе сака да го доведе Зиркзе ќе мора да плати сума од 40 милиони евра.
Инаку, Зиркзе по повредите на неколку репрезентативци во последен момент се најде во составот на Холандија за Европското првенство и неговата иднина сигурно ќе биде решена по настапот на „лалињата“ на контиенталниот собир.
