Вчера беше извлечен календарот за новата сезона во Серија А 2021/22.
Шампионот Интер одбраната на Скудетото ќе ја започне на домашен терен против Џенова, а дерби во првото коло е Рома – Фиорентина.
Елмас во првото коло игра против новиот прволигаш Венеција, додека Несторовски и Удинезе го пречекуваат Јувентус.
Големото дерби помеѓу Интер и Јувентус се игра во 9-то коло, додека миланското дерби на програмата е во 12-то коло.
Новата натпреварувачка сезона во екипните и индивидуалните спортови е на прагот да започне. Најавите се дека полека ќе се стабилизира ситуацијата и гледачите постепено ќе се вратат на трибините. Но шанса ќе добијат само вакцинираните граѓани на Македонија.
„Никаде во светот оваа вакцинација не е задолжителна, затоа мора да размислуваме за некои алтернативни решенија. На пример да се присуствува на настани со масовно присуство, дали на затворено, дали на отворено, дали во кино, на културни настани, спортски натпревари, само со таков сертификат и тоа е нешто што можно е да го препорачаме од есенските месеци“, изјави Министерот за здравство, Венко Филипче.
Минатата сезона во екипните и индивидуалните спортови се одигра комплетно без присуство на публика.
Шпанските медиуми пишуваат дека Барселона и Атлетико Мадрид наскоро ќе разменуваат играчи. Играчот од средниот ред Саул Нигуез (26) ќе пристигне во Барселона, а Антоан Гризман (30) ќе се врати во Атлетико.
Радио Каталуња пишува дека се е договорено. Саул ќе заработува 12 милиони евра годишно во Барселона, а Гризман милион евра повеќе во Атлетико.
Гризман е „вишок“ во Барселона, а тренерот Роналд Куман не смета на Французинот. Барселона го донесе Гризман од Атлетико за 120 милиони евра пред две години, но тој никогаш не се вклопи целосно. Сега се враќа во клубот за кој играше фудбал во кариерата од 2014 до 2019 година.
Од друга страна, Шпанскиот играч за врска Саул сака нов предизвик во кариерата. Тој игра професионално во Атлетико од 2010 година. На Барселона и е потребен играч за врска од неговите карактеристики, а Атлетико со нетрпение го очекува враќањето на Гризман, кој веднаш ќе формира напаѓачки тандем со Луис Суарез.
Најдобриот играч на последното Европско првенство во фудбал, Италијанскиот голман Џанлуиџи Донарума и официјално стана нов член на францускиот великан Париз Сен Жермен, објави клубот на својата веб-страница.
Поранешниот голман на Милан пристигна во Париз без обесштетување, со потпишување на договор до 30 јуни 2026. година.
„Среќен сум што сум дел од овој голем клуб. Се чувствувам подготвен за нов предизвик и дека ќе продолжам да напредувам тука. Сакам да постигнам што е можно повеќе победи и да им донесам радост на навивачите”, рече 22- годишниот Италијанец.
Донарума е роден во Кастеламаре ди Стабија во близина на Неапол, но на 14-годишна возраст се преселил во Милано. Тој дебитираше за првиот тим на „росонерите“ на 30 јули 2015 година на пријателскиот натпревар против Реал Мадрид и одигра вкупно 251 натпревар.
Флуминенсе во натпревар од осминафиналето од Копа Либертадорес го победи парагвајски Церо Портено во гости со 2:0 и стекна голема предност воочи реваншот.
Бразилците головите за победа ги постигнаа во 49. и 61. минута, но прашање е како натпреварот ќе завршеше доколку не беше ретко видениот пропуст на судиите. Домаќините постигнаа погодок преку Босели, но по прегледувањето на снимката беше поништен поради, се покажа, непостоечки офсајд.
Судиите во ВАР собата повлекоа линија на запрената снимка и заклучија дека Босели беше во офсајд, но не го забележаа играчот на Флуминенсе на дното од екранот, кој беше еден метар зад грбот на својата одбрана, па така го спаси Босели од офсајд.
Најпрво, судиите проверуваа дали играчот на Флуминенсе играше со рака, а потоа офсајд. ВАР судијата бара од техничарот да ја зголеми запрената снимка и на неа се влечат линии, иако во тој момент е занемарена позицијата во која се наоѓа играчот на Флуминенсе.
Судиите прегледуваа таква зголемена слика и потоа довикуваат дека офсајдот е потврден. Пред крајот на снимката може да се види како ВАР судијата пред себе ја има снимката во крупен план на која јасно се гледа дека линијата не е поставена во висина на последниот играч, но од непознати причини се одлучи да ја игнорира.
Македонската репрезентација го започнува базичниот дел од подготовките кои ќе ги одработи во туристичкиот центар Маврово.
Таму, нашиот сениорски национален тим ќе остане на повисока надморска висина до 21 јули кога ќе се врати во Скопје и ќе почнат активностите околу подготвителните натпревари.
Покрај стручниот штаб, предводен од селекторот Драган Бајиќ, неговите асистенти, Александар Јончевски и Адмир Прасовиќ, кондицискиот тренер Алекандар Кукриќ, во автобусот за Маврово се најдоа и: Андреј Магдевски, Кристијан Николов, Бојан Крстевски, Адем Мекиќ, Бојан Трајковски, Бобан Стајиќ, Горјан Марковски, Дамјан Робев, Виктор Ефремовски, Андреј Андоноски, Марко Миловановиќ, Лејсон Зекири, Валмир Какруки, Андреј Настовски, Оливер Двојковски, Теодор Симиќ.
Од 12. до 18. август, Македонија ќе ги игра натпреварите во претквалификациската група во која за противници ги имаме селекциите на Словачка и на Швајцарија. Првопласираните две селекции на турнирот во Скопје, ќе се пласираат во оние главни квалификации за пласман на Светскиот Куп во 2023 година.
Гигантите од Премиер лигата се силно заинтересиран за крилниот фудбалер на Баер Леверкузе, Леон Бејли, пренесуваат медиумите на Островот.
23-годишниот интернационалец од Јамајка веќе подолго време игра одлично, а ова лето е спремен да направи чекор напред во кариерата.
Гвардиола е симпатизер на играта на Бејли и сака да го донесе на „Етихад“, но ќе мора да ја победи големата конкуренција.
Интерес за играчот покажувата уште Арсенал, Тотенхем, Евертон и Манчестер Јунајтед, а моменталната цена на Бејли изнесува најмалку 40 милиони евра.
Интер се договори со Хектор Белерин за трансфер на Шпанецот на „Џузепе Меаца“. Според „Газета дело Спорт“, италијанскиот клуб му понудил 5-годишен договор и плата од 3,5 милиони евра по сезона. Сепак, „нероазурите“ сега треба да се договорат со Арсенал за трансферната сума на играчот.
Лондончани сакаат да го продадат дефанзивецот, а Интер сака да го позајми со опција за откуп. Арсенал го проценуваат Белерин на 20 милиони евра. Италијанскиот шампион има ограничен буџет за трансфери и се надеваат дека желбата на играчот да се пресели во клубот ќе биде клучен фактор.
Симоне Инзаги бара замена за Ашраф Хакими кој замина во ПСЖ. Интер исто така ги бара Давиде Запакоста, Дензел Дамфрис и Ханс Хатебор како дефанзивци, доколку не успеат со трансферот на Белерин.
Приоритет на Тотенхем во летниот преоден рок ќе биде доведување на врвен дефанзивец, а тој најверојатно ќе пристигне од Серија А.
Според информациите од Островот прва мета е Кристиан Ромеро од Аталанта, за кого Тотенхем е спремен да плати 50 милиони евра.
Аргентинецот одигра одлична сезона сезона во Бергамо и беше избран за најдобар дефанзивец во Серија А. Аталанта го откупи неговиот договор за 16 милиони евра бидејќи фудбалерот беше на позајмица од Јувентус.
Новиот директор на Тотенхем, Фабио Паратичи одлично го познава Ромеро бидејќи тој го донесе во Јувентус, па сака што е можно побрзо да го комплетира трансферот бидејќи за Ромеро силен интерес покажува и Манчестер Јунајтед.
Реал Мадрид се засили со талентот на Барселона, Жауме Жорди, кој ќе игра за Б тимот на „кралевите“.
19-годишниот Жорди е бив капитен на јуниорскиот тим на Барселона, но неговиот договор истече на 30 јуни и сега ќе се пресели во големиот ривал како слободен агент.
Жорди игра како крилен напаѓач и може да игра како од десно така и од лево, а важи за еден од најголемите шпански таленти.
Баселона не успеа да го задржи во своите редови, па за него силен интерес покажуваа неколку европски гиганти, но Реал успеа да ја победи конкуренцијата.
