Тренерот на Јувентус, Масимилијано Алегри признава дека неговиот тим е во тежок период, но се надева дека тоа наскоро ќе биде надминато,

По поразот од Сасуоло, Јувентус денес загуби и од Верона, во моментов е на 9. место на табелата, со можност да падне уште подоле до крајот на колото.

„Зборовите се безначајни во моментов. Вво лоша ситуација сме, треба да ја прифатиме реалноста, сега сме тим од средина на табелата. Од оваа ситуација можме еда излеземе со малку повеќе посветеност и квалитет. Ќе излеземе од оваа ситуауција. Нема потреба да се сожалуваме, тоа нема да помогне, треба само да се фокусираме и да го правиме тоа што треба и работите сами по себе ќе се средат. Ако го носите дресот на Јувентус тоа не ви дава гаранција дека можете да го победите секој тим од средина на табелата. Треба секој бод да го заработиме со вистински приод“, заврши Алегри.

Како изненадување се појави веста дека легендата на лондонски Челзи е најново име на листата за можни тренери на Њукасл Јунајтед.

Поранешниот англиски репрезентативец до неодамна беше помошник тренер на Дин Смит во Астон Вила, а сега планира да ја започне својата кариера како прв тренер на Њукасл.

 Џон Тери ја има доби Про лиценцата од УЕФА, со што ги исполнува потребните услови за да почне да работи во клубови од Премиер лигата.

Аксел Витсел ќе биде главната трансфер цел на Јувентус во јануари и покрај тоа што има 32 години. Белгискиот играч за врска има договор со Борусија Дортмунд, кој истекува во јуни 2022 година, но на „бјанконерите“ итно им требаат засилувања на средината на теренот и ќе се обидат да го активираат неговиот трансфер пред почетокот на следното лето.

„Старата дама“ планира сериозни рокади во својот среден ред. Вестон Мекени и Арон Ремзи можат да бидат продадени, а торинскиот клуб се надева дека ќе се ослободи од огромната плата на Велшанецот која изнесува преку осум милиони евра.

Колумбиецот Дејрон Асприља кој настапува за екипата на Портланд Тимберс во МЛС првенството на САД, на натпреварот против Сан Хозе постигна гол за кој може да се каже дека е копија на легендарниот гол кој го постигна Златан Ибрахимовиќ на средбата против Англија во 2012 година.

Ударот со “ножички“ на Асприља стана вистински хит на социјалните мрежи а играчот веќе се стекна со огромна популарност.

Од Фудбалскиот клуб Наполи не заборавија да го одбележат денот на раѓање на нивниот најдобар играч на сите времиња, Диего Марадона.

Преку објава на социјалните мрежи, од клубот постираја фотографија од Марадона под која стои порака „ На овој ден во 1960 година се роди најголемиот на сите времиња. Среќен роденден Диего!“

Клубот од Неапол потврди дека на 28 ноември ќе носат посебен дрес во знак на одбележување на годишнината од смртта на Марадона.

На сите стадиони во Турција од 9 ноември ќе им биде дозволена максимална исполнетост со гледачи. Ова следува по одлуката на Фудбалскиот сојуз на Турција, кој ја донел одлуката согласно препораките на надлежните здравствени институции во државата.

Од почетокот на оваа сезона, на турските стадиони беше дозволена исполнетост од 50 %, додека минатата година сите натпревари се играа без присуство на публика.

Сепак и после оваа одлука сите гледачи ќе треба да ги исполнат пропишаните услови согласно предвидените мерки за заштита од пандемијата.

Според информациите од англискиот весник Телеграф, Манчестер Јунајтед нема да го продаде Пол Погба во јануари, дури и да не потпише нов договор со клубот.

Раководството на Јунајтед е подготвено да го пушти Погба да си замине од клубот како слободен играч на крајот од оваа сезона.

Ова е одлична можност за заинтересираните Реал Мадрид, Барселона, Пари Сен Жермен и Јувентус да го доведат Французионот без да платат обештетување.

Пол Погба во Манчестер Јунајтед пристигна од Јувентус во 2016 година за огромни 89 милиони фунти.

Алексис Санчез може да остане во клубот од Милано. Раководството на клубот ја разгледува опцијата Чилеанецот да не ја менува клупската средина следната зима, туку да го обнови договорот. Договорот на актуелниот фудбалер е со важност до 2023 година, според кој Санчез заработува околу 7 милиони евра годишно.

Оваа сезона Санчез учествуваше во седум натпревари од сите натпреварувања и имаше една асистенција. Санчез ја помина сезоната 2019/2020 во Интер како позајмен од Манчестер Јунајтед. Напаѓачот учествуваше на 29 натпревари, стана автор на 4 гола и 10 асистенции, а доби и три жолти и еден црвен картон.

Столбот на одбраната на Челзи, Антонио Рудигер ги коментираше неговите преговори за нов договор со клубот.

„Најбитно е што сум среќен во Челзи. Што се однесува до договорот, преговарам со клубот, но има информации кои не се споделуваат јавно. Како што кажав претходно, преговорите со клубот започнаја по завршувањето на Европското првенство. Мојот менаџер е во постојана комуникација со директорот на клубот, Марина Грановска.  Немам што да кажам за гласините кои се шират и не размислувам за нив. Фокусиран сум само на фудбалот“, вели Рудигер.

Германскиот репрезентативец оваа сезона за Челзи има одиграно одигра 12 натпревари и има еден гол и една асистенција. Актуелниот договор со Челзи му истекува во јуни 2022 година.