Играчот за врска на Баерн Минхен, Томас Милер собра сили и им се извини на навивачите по срамниот пораз во Купот на Германија од екипата на Борусија Менхенгладбах кој заврши со резултат 5:0.

Баварците испаѓаат од германскиот Куп втора година по ред, и тоа многу рано , во второто коло од натпреварувањето. 

„Во текот на натпреварот не најдовме начин како да го стартуваме погонскиот мотор на Баерн. Можеме само да им се извиниме на нашите навивачи и да им честитаме на Борусија Менхенгладбах на победата. Можам да истакнам дека со исклучок на гоманот Ноер, сите останати одигравме катастрофално слаб натпревар. Никогаш не сум доживеал вакво нешто. „Тешко е да разбереме.Сега мора да заборавиме што се случи, одиме напред во следниот натпревар“, изјави Томас Милер после натпреварот.

Фернандо Љоренте потпиша договор со Еибар. За тоа информира официјалниот сајт на клубот. Пред некој ден двете страни постигнаа договор за трансфер.

36-годишниот фудбалер се приклучи на Еибар како слободен играч. Неговиот претходен клуб беше италијанскиот Удинезе. Неговата сегашна екипа игра во шпанската втора лига. Минатата сезона напаѓачот одигра 17 натпревари во Серија А за Удинезе и постигна еден гол. Во текот на својата играчка кариера, Фернандо Љоренте играше за Наполи, Тотенхем, Свонси, Севиља, Јувентус, Атлетик Билбао.

Фудбалерот беше дел од репрезентацијата на Шпанија од 2008 до 2013 година, а сега како ветеран ќе игра во втората лига на Шпанија.

Стеван Јоветиќ постигна гол за Херта Берлин во куп натпреварот против Мунстер.

Искусниот фудбалер мрежата ја погоди уште во третата минута, а со тоа и постави достигнување кое тешко ќе биде остварено од друг фудбалер. Јоветиќ стана првиот фудбалер кој постигнал барем еден гол во петте најдобри европски лиги и нивните куп натпреварувања.

На стартот од сезоната Јоветиќ го изедначи рекордот на Романецот Флориан Радучиои кој прв постигна постигнуваше голови во Примера, Премиер лигата, Бундеслигата, Лига 1 и Серија А. Сепак, сега Јоветиќ ја подигна „летвичката“ и ова сигурно е рекорд кој тешко ќе биде повторен во блиска иднина. Треба да се спомене дека Јоветиќ во кариерата постигнуваше гол во 14 различни натпреварувања.

Милан има на располагање 100 милиони евра за засилувања во јануари. Милан со својата паметна политика е еден од клубовите со најдобра финансиска ситуација во Европа и без никакви долгови.

„Газета дело Спорт“ пренесува дека Паоло Малдини има на располагање 100 милиони евра и ќе се обиде да го засили тимот во зимскиот преоден рок.

„Росонерите“ играат одлично, моментално се на врвот на табелата во Серија А, па во клубот гледаат шанса оваа сезона за скудетото.

Прв на листата желби е Роман Фавре, 23-годишен офанзивен играч за врска од Брест, кој важи за еден од најголемите француски таленти.

Милан се уште не се откажал од Хаким Зијех од Челзи, а голема желба на Малдини е и играчот за врска на Марсеј, Камара, кој се смета за одлична алтернатива за Кеси.

Притоа, „росонерите“ започнаа преговори за продолжување на договорите на четворица важни фудбалери, Тео Хернандес, Рафаел Леао, Бенасер и Симон Кјаер.

Твитер објава на социјалните мрежи во која се тврди дека Роберт Левандовски ја освоил Златната топка во 2021 година предизвика огромен интерес кај љубителите на фудбалот.

 Во Твитер објавата стои фотографија од рангирањето или гласањето за Франс Фудбал, но не е познато дали истата е автентична.

На фотографијата се гледа дека пред името на напаѓачот на Баерн се запишани 627 поени. Второ име на листата е Лионел Меси но кај него не се гледаат бројките со поени, а трет е Карим Бензема со 526 поени.

Лукас Хернандез нема да оди во затвор. Шпанскиот суд ја уважи неговата жалба и ја промени првичната одлука.

Како што објавија шпанските медиуми, Провинцискиот суд во Мадрид ја уважи жалбата на фудбалерот на Баерн против налогот за прием во затвор поради прекршување на казна и го суспендира извршувањето на шестмесечната казна затвор изречена на осуденото лице.

Според новата одлука, Хернандез добива четиригодишна условна казна, а под услов да не го повтори делото ќе се спаси од затворска казна. Казната е условена и со плаќање глоба која се утврдува во 240 парични такси со дневен надомест од 400 евра.

Фудбалскиот шампион на Македонија, тетовска Шкендија, е најдобро рангираниот македонски клуб на најновата клупска ранг-лист која ја објави УЕФА. Тетовци се најдоа на 132. место на УЕФА клупската листа со 9.000 поени.

Втор најдоброрангиран македонски тим на УЕФА листата е Шкупи кој е рангиран на 274. место. Следуваат Вардар на 347. место, Силекс 355., Ренова 410., Работнички 411. и Струга 412. место.

Германскиот шампион Баерн е моментно најдобро рангиран европски клуб според УЕФА, а зад него во ТОП 5 се и Манчестер Сити, Ливерпул, Челзи и Барселона.

Милан ќе се обиде за време на зимскиот преоден рок да ги осигура услугите на шпанскиот интернационалец од Лацио, Луис Алберто.

Искусниот играч за врска не е задоволен од минутажата која ја има во актуелната сезона и од соработката со новиот шеф на стручниот штаб, Маурицио Сари.

Наводно Луис Алберто влегол во вербална расправија со Сари и му соопштил на раководството дека сака уште во јануари да ја промени средината. Милан уште во летниот преоден рок беше заинтересиран за Шпанецот, но тогаш Лацио за неговиот потпис бараше 50 милиони евра.

Од фудбалскиот клуб Барселона соопштуваат дека напаѓачот Ансу Фати заработил повреда и ќе отсуствува на неодредено време. 

Во соопштението уште се набедува дека младиот Фати, чувствувал болки во десното колено, што го спречува да одржува целосни тренинзи со тимот.

 Уште не е јасно колку долго ќе се опоравува од повредата. Ова претставува голем пех за 18- годишниот Шпанец кој што неодамна се врати на теренот после подолга пауза поради скинат менискус. 

Фати во дресот на Барса оваа сезона постигна 2 гола и има 1 асистенција.

Тренерот на Ајакс, Ерик Тен Хаг ја одби понудата на Њукасл за преземање на улогата тренер на екипата. Од Њукасл се во потрага по нов тренер кој ќе го замени Стив Брус кој ја напушти клупата на популарните “чавки“.

Според Дејли Мејл, новите сопственици на клубот, на Тен Хаг му понудиле 13 милиони фунти годишно со што би станал еден од тројцата најплатени менаџери во англиската Премиер лига, веднаш после Пеп Гвардиола и Јирген Клоп.