feature

Познат календарот за новата сезона во шпанскиот шампионат

Шпанската фудбалска лига, ја објави програмата за претстојната сезона 2021/22 која ќе започне на 15 август.

Тогаш шампионот Атлетико Мадрид ќе гостува кај Селта додека Реал Мадрид ќе игра во Баскијa со Алавеш. Барселона ќе го започне првенството дома против Реал Сосиедад. Првото – „Ел Класико“ меѓу Реал Мадрид и Барселона ќе се случи на 24 октомври кога домаќини ќе бидат Каталонците а второто ќе биде на 20 март во 2022, на стадионот во Мадрид.

Градските дерби мечеви во шпанската престолнина меѓу Реал и Атлетико се закажани на 12 декември и 8 мај.

Нов двегодишен договор за Бабунски во Ботев

Некогашниот младински репрезентативец на Македонија Доријан Бабунски и следната сезона ќе настапува во бугарскиот Ботев Враца, откако со два погодоци успеа да го спаси својот тим од испаѓање.

Фудбалерот кој израсна во фудбалската школа на Реал Мадрид , а потоа и на многу клубови ширум Европа и светот, никако неможе да се врати во посакуваната форма и да прикаже квалитет, па епизодата во Бугарија се покажа како најдобра за него.

„Доријан Бабунски продолжува да биде дел од Ботев Враца, откако го продолжи договорот и покрај интересот од други странски клубови. Напаѓачот од Македонија останува во нашиот клуб и му посакуваме здравје и двоцифрен број на голови во новата сезона“, објави Ботев Враца.

Матијашевиќ сменет, Душко Николиќ нов селектор на одбојкарите

Извршниот одбор на Одбојкарската федерација на Македонија денеска донесе одлука да ги промени селекторите на машката сениорска и на женската репрезентација за одбојкарки до 19 години.

По анализата на настапите и на резултатите во Европската сребрена лига 2021, во којашто македонскиот национален тим не успеа да го освои златниот медал, иако финалето го играше на домашен терен, челниците на ОФМ ја прекинаа соработката со Никола Матијашевиќ и решија да му го доверат кормилото на репрезентацијата на неговиот досегашен асистент Душко Николиќ.

Извршниот одбор на ОФМ го констатираше придонесот на Матијашевиќ во остварувањето на досегашните цели, но исто така ја истакна потребата од промена пред учеството на Европското првенство во септември во Тампере. Назначувањето на Николиќ ќе значи постојаност во работата на репрезентацијата, но од друга страна ќе овозможи и нов пристап во подготовките за нашето второ учество на континенталните самити.

Евротип караванот до крајот на Европското првенство насекаде низ Македонија!

Возбудувањата на Европското првенство влегуваат во самата завршница. По завршувањето групната фаза во која покрај тоа што ги бодревме македонските репрезентативци во нивниот историски успех и пласман на големото натпреварување, во осминафиналето видовме исклучително интересни натпревари, голем број на погодоци, но и многу изненадувања!

По успешните акции во поголемиот дел од државата, по паузата во која нема натпревари од Европското првенство, караванот на Евротип продолжува веќе во петок во Македонска Каменица и Делчево. Потоа, акцијата продолжува наредниот ден во Охрид, на шести јули се селиме во Скопје, наредниот ден во Валандово и Богданци, а за финалето на Европското првенство, караванот на Евротип ќе биде во Неготино.

Голем број на љубители на фудбалот и обложувањето се приклучија, навиваа со нас и се забавуваа со Евротип караванот, па искористете ја и вие приликата за следење на натпреварите од Европското првенство заедно со нас и истовремено да освоите некоја од наградите и големите изненадувања кои Евротип ги подготви за Вас.

Повелете во Спорткафе терасите на Eвротип заедно да го проследиме ова историско Европско Првенство во фудбал, бодрете ја вашата омилена репрезентација и обложувајте се со најдобрите услови и квоти кои ќе ги најдете само во Евротип!

Бројните изненадувања продолжуваат, бидете заедно со нас!

Пелистерци сигурни учесници во групите на Лига Европа

Европската ракометна федерација (EХФ) објави листа од единаесет екипи кои ќе бидат дел од групната фаза во Лига Европа 2021/22. Македонија има едно загарантирано место во групната фаза, а тоа ќе го заземе Еурофарм Пелистер.

Директно во групната фаза од октомври 2021 до март 2022 ќе настапат:

Еурофарм Пелистер

Магдебург

Горење Велење

Савехоф

Винтертур

Татран Прешов

Чеховски Медведи

Кокс

Нант

Бидасоа Ирун

Татабања

ЕХФ ќе додели една „вајлд-карта“, а останатите дванаесет места ќе бидат познати по одигрувањето на двете квалификациони кола. Со четири групи од по шест екипи ќе се игра групната фаза од десет кола, а потоа следува нокаут фаза со осминафинале, четвртфинале и завршен „фајнал-фор“.

Титулата од минатата сезона ја брани Магдебург од Германија.

Рускиот селектор ја презеде одговорноста за лошото ЕП

Селекторот на руската репрезентација, Станислав Черчесов, ја презеде одговорноста за неуспешниот настап на ЕП.

Техничкиот комитет на Рускиот фудбалски сојуз денеска ја опиша работата на Черчесов како незадоволителна. Русија заврши последна во групата Б. „Зборнаја“ ја победи Финска а загуби од Белгија и Данска . Министерот за спорт, Матицин и претседателот на РФУ, Дјуков, исто така дадоа негативна оценка за перформансите на тимот.

„Сакам да им се заблагодарам на сите членови на техничкиот комитет за објективната критика. Нашата цел беше да постигнеме максимални резултати и признаваме дека не успеавме. Јас не сум ослободен од одговорност“, изјави Черчесов.

Мбапе одлучи дали ќе го продолжи договорот со ПСЖ

Килијан Мбапе донесе одлука за продолжувањето на неговата кариера, наведува Екип откривајќи дека напаѓачот на ПСЖ и француската репрезентација нема намера во овој момент да ја продолжи верноста со клубот од Париз.

Мбапе има договор со клубот уште наредната сезона и веќе подолго време се поврзува со трансфер во Реал Мадрид, а понудата за продолжување на договорот неколку пати ја одби.

Но, медиумите наведуваат дека не се знае дали шпанскиот клуб во моментот може да си го дозволи неговиот трансфер.

Одбивањето на Мбапе за останување во ПСЖ продолжува, но нема да го натера раководството на клубот на намалување на неговата цена, бидејќи интерес за него покажуваат и богатите англиски клубови. Тоа е, се заклучува, лоша вест за Реал Мадрид кој ова лето не може во битка со нови за услугите на 22-годишниот напаѓач.

Лестер го доведе најдобриот напаѓач од Австриското првенство

Екипата на Лестер успеа да излезе како победник во трката по Пастон Дака, играчот на Ред Бул Салцбург кој се пресели во Лестер за 27 милиони евра.

Дака беше посакуван и од многу поголеми екипи , како Манчестер Јунајтед, Челзи , Рома Ливерпул и многу други , но очигледно шансата да игра во првиот тим на Лестер била доволна за репрезентативецот од Замбија да потпише со „лисиците“.

„Го следам Лестер од сезоната кога го освоија првото место во Премиерлигата. Сметам дека Лестер е совршено место за мене. Тоа е тим кој се бори за титули.“ – изјави Дака.

Феникс избори прво финале во НБА по 28 години

Трет пат во историјата, а првпат по 28 години, Феникс Санс ќе играат во НБА финалето и ќе се борат за својата премиерна титула.

Она што во 1976. не им успеа на Пол Вестфал, Алван Адамс и Пет Рајли, а во 1993. на Чарлс Баркли, Кевин Џонсон и Ден Мајерле, оваа година ќе се обидат Крис Пол, Девин Букер, Деандре Ејтон и останатите. Клубот кој 11 години воопшто не играше во плеј-офот ја покори Западната конференција.

Најзаслужен за победата од 130:103 во шестиот натпревар од финалето на Западот беше Крис Пол со 41 поен, кој со 36 години го израмни учинокот на кариерата во плеј-офот. Дури 31 поени постигна во второто полувреме, во кое Санси го добија натпреварот и предноста од девет поени ја претворија во недостижна.

Првиот натпревар од финалето ќе се игра на 6. или 8. јули, во зависност од тоа дали во финалето на Истокот ќе се игра седми натпревар. По четири одиграни, Милвоки и Атланта имаат по две победи, а петтиот натпревар се игра вечерва.

Два европски гиганти го сакаат Камавинга од Рен

Спортскиот директор на Рен, Флориан Морис потврди дека клубот започнал преговори со ПСЖ и Манчестер Јунајтед за трансфер на Камавинга.

18-годишниот играч за врска важи за најголем француски талент и го привлече вниманието на многу европски гиганти.

„Постојат преговори во моментов со овие клубови. До сега немаме постигнато договор со ниту еден клуб. Засега Камавинга останува наш играч. Ќе ги разгледаме сите понуди кои ќе пристигнат, но не сме приморани да го продаваме играчот“, изјави спортскиот директор на Рен.

Според информациите на француските медиуми Рен за слободата на својот „бисер“ бара 50 милиони евра, додека ПСЖ и Јунајтед се спремни да платат помеѓу 30 и 40 милиони евра.

«< 1242 1243 1244 1245 1246 >»