Клоп е хит на социјалните мрежи.
Германецот се појави на „Вембли“ и предизвика луда реакција на навивачите пред почетокот на дуелот меѓу Англија против Германија.
Тренерот на Ливерпул, Клоп ужива со пиво и пее заедно со англиските фанови.
По првото полувреме на „Вембли“ резултатот е 0:0.

Велс во саботата во осминафиналето од Европското првенство беше елиминиран од Данска, откако беа поразени со 4:0 во Амстердам.

По тешкиот пораз, се огласи дефанзивецот на Велс, Крис Гантер, кој не беше воодушевен што ЕУРО се одржува во 11 различни градови ширум Европа.

Велс првите два натпревари ги играше во Азербејџан, потоа во Рим, па во Амстердам.

„Секоја репрезентација имаше свои навивачи каде и да настапуваше.“ – напиша Гантер на социјалните мрежи, па продолжи:

„Но Велс не, освен 350 луѓе кои ги прекршија владините правила и ја загрозија својата финансиска состојба како би стигнале таму. И ние играчите и навивачите заслуживме повеќе од овој смешно организиран турнир, но кој вели дека животот не е суров?“

Велс на Европското првенство патуваше 5.382 километри, а повеќе од нив патуваа само Швајцарија и Шведска.

Арсен Венгер не крие дека е изненаден од вчерашната сензационална елиминација на „галските петли“. Франција која беше главниот кандидат за титулата, доживеа елиминација од Швајцарија по изведувањето на пеналите.

„Тимскиот дух не смее да се доведе во прашање. За жал, имавме проблем, премногу ја базиравме играта на контра-нападите. На ваков собир се постигнуваат многу голови од изградени акции. Франција покажа многу малку од тоа. Швајцарија имаше изградени акции и постигна такви голови“, рече Венгер кој ја има улогата на стручен коментатор.

Непријатни вести за навивачите на Белгија, откако двајца клучни играчи се повредени и нема да настапат на четвртфиналниот дуел.

Селекторот Роберто Мартинез изјави дека Еден Азар и Кевин Де Брујне се повредени и нема да настапат на 2. јули против Италија.

Според процените на лекарскиот тим, двајцата ќе бидат на располагање на селекторот Мартинез доколку Белгија ја мине Италија и се пласира во полуфиналето.

Дуелот Италија и Белгија се игра на 2 јули на „Алијанц Арена“ во Минхен.

Швајцарскиот фудбалер Стевен Зубер со асистенцијата за погодокот на Харис Сеферовиќ во 15. минута од натпреварот помеѓу Франција и Швајцарија постави рекорд на европските првенства.

Таа асистенција беше четврта за него на ова ЕУРО, а ниту еден фудбалер досега немал повеќе на едно европско првенство откако се бележи тој податок.

До првите три асистенции стигна на натпреварот против Турција, кога ги „намести“ сите три погодоци на неговата репрезентација.