Русинот Кокорин експресно го напушта италијанскиот фудбал
По само шест месеци поминати во Италија, 30-годишниот руски напаѓач од екипата на Фиорентина, Александар Кокорин може да го смени клубот. Клубови од Русија и Блискиот исток се заинтересирани за услугите на играчот.
„Виолетовите“ немаат против да го продадат, но само за соодветна сума.
Кокорин се пресели во италијанскиот клуб од Спартак на крајот на јануари 2021. Тој одигра 4 натпревари за Фиорентина, а има важечки договор до јуни 2024 година.
Беитар договори контролен натпревар со Барса во Ерусалим
Барселона требаше да игра пријателски натпревар против Виљареал, но противникот е заманет и Каталонците на 4 август ќе гостуваат во Израел.
Во главниот град на Израел, Ерусалим, Беитар ќе ја пречека Барселона. Во Ерусалим требаше да се игра дуелот помеѓу Барселона и Виљареал, но победникот од Лига Европа го откажа тој дуел па Барселона за ривал ќе ја има домашната екипа.
И додека Израелците пишуваат за доаѓањето на големите ѕвезди, Шпанците се базираа на еден интересен податок. Имено, екипата на Беитар од клупата ја води Ервин Куман, брат на тренерот на Барселона, Роналд Куман.
Бошковски промовиран во нов тренер на Тинекс Пролет
Поранешниот стратег на Вардар и на Еурофарм Работник, Андон Бошковски, е нов тренер на Тинекс Пролет за наредната сезона.
Од клубот денеска потврдија дека е постигнат договор за двогодишна соработка, а Бошковски ќе го предводи тимот во европската авантура, но истовреме и ќе се обиде да ги повтори резултатите од минатата сезона, кога Тинекс Пролет ја заврши сезоната на извонредната трета позиција на македонската ракометна сцена.
Бошковски минатата сезона ја почна како предводник на проектот Голден Арт КЛ7, клуб со кој бележеше добри резултати и овозможи развој на младите ракометари на оваа екипа. На почетокот од годинава тој си замина од скопскиот суперлигаш, нешто подоцна го прифати предизвикот во Радовиш и со серија извонредни резултати му овозможи на овој клуб да опстане во елитното друштво.
Откриена тајната за успех на Кристијано Роналдо
Кристијано Роналдо е најдобар стрелец на Европското првенство по групната фаза. Португалецот досега постигна пет голови, а неговата Португалија во осминафиналето ќе игра против Белгија.
Роналдо и на 36 години делува незапирливо. За Јувентус минатата сезона на 44 натпревари постигна 36 голови, а на Европското првенство го израмни рекордот на Али Даеи. Роналдо со двата гола против Франција стигна до 109 голови во дресот на Португалија, а ист број погодоци во дресот на Иран постигна токму Даеи, кој до оваа бројка стигна на 149 натпревари од 1993 до 2006 година.
Роналдо и покрај години е во одлична физичка форма. Тоа е благодарение на напорните тренинзи и посебната исхрана која ја откри Белгиецот од Јувентус, Дауда Питерс. Тој игра за тимот до 23 години во третата лига, но понекогаш тренира со Роналдо и другите првотимци.
„Секогаш јаде исто. Брокула, пилешко и ориз“- изјави Питерс и продолжи:
„Пие литри и литри вода, нема Кока Кола. Кристијано сака да победува секогаш и секаде. Тој ги тера младите играчи да растат. Навистина ве вклучува во се.“
„Тој вежбите не ги прави туку така, а тоа е затоа што своето тело го гледа како инструмент за работа. Кога е во клубот, тој главно само тренира. Тој цело време ја живее својата работа. Многу драго момче е, но истовремено фудбалот го сфаќа многу сериозно. Во автобус не говори за нешто друго. Ќе биде многу мотивиран против Белгија“– вели Питерс.
Барса постави астрономска клаузула за откуп на Мемфис Депај
Новиот напаѓачот на Барселона и репрезентацијата на Холандија, Мемфис Депај во новиот договор со Каталонците има клаузула за заминување во висина од 400 милиони евра. Клубот ја потврдил оваа информација.
Претходно, Барселона го објави потписот со напаѓачот на Лион, кој со Каталонците има договор со 2024 година.
Претставувањето на Депај како играч на каталонскиот клуб ќе се случи откако репрезентацијата на Холандија ќе го заврши настапот на Европското првенство.
Иднината на Кутињо е Арсенал и „топџиите“
Арсенал е силно заинтересиран за Филипе Кутињо и сака да го врати Бразилецот во Премиер лигата.
Одегард се врати во Реал Мадрид, а Артета смета дека Кутињо би бил идеална замена за Норвежанецот кој беше на позајмица на „Емирати“.
Бразилецот нема одиграно натпревар за Барселона во 2021 година поради повреда на коленото поради што му беа направени две операции.
Барселона сака да го продаде за да се ослободи од неговата висока плата и да спаси дел од големите бонуси кои треба да му ги плати на Ливерпул.
Јасно е дека за Кутињо нема голем интерес, а Арсенал е спремен да ја искористи таквата ситуација и да понуди 30 милиони евра за неговиот потпис.
Тирни доби нов договор, останува „топџија“ до 2026 година
Арсенал потврди дека талентираниот Киеран Тирни останува верен на „топџиите“ и стави потпис на нов договор.
Еден од најдобрите играчи на Арсенал се обрвза на верност со „топџиите“ до 2026 година. Тирни во Арсенал дојде во 2018 година од тимот на Селтик за 25 милиони фунти, а минатата сезона конечно го покажа својот потенцијал.
„Чувството е неверојатно, најпрво би сакал да му се заблагодарам на тренерот, кој дојде и директно ми посочи за намерата на клубот да ја продолжиме соработката“ рече Тирни.
Нови преговори помеѓу Мерцедес и Хамилтон
Седумкратниот Формула 1 шампион, Луис Хамилтон, потврди дека ги започнал преговорите со тимот на Мерцедес за нов договор.
Хамилтон во февруари го продолжи договорот на година дена, а сега е пред потпишување на нов со Мерцедес.
„Нема што да се крие, ги започнавме преговорите, се оди во добар правец, работите се одвиваат позитивно.“ – изјавил Британецот за Би-Би-Си.
Европскиот првак го купува Милош Теодосиќ
Милош Теодосиќ следната сезона би можел да го носи дресот на Анадолу Ефес, актуелниот освојувач на Евролигата.
Според најавите на италијанските медиуми, српскиот играч би го заменил својот сонародник Василије Мициќ во тимот на турскиот шампион, затоа што Мициќ планира да се испроба во НБА лигата.
Доколку сака да го донесе Теодосиќ, Ефес ќе треба да му плати на Виртус клаузула од 250.000 евра до 10 јули. Тоа е цената што тимот од Болоња ја одреди за трансфер на Србинот во Евролигата.
Мо Фарах остана без пласман на Олимписките игри
Познатиот британски атлетичар, 38-годишниот Мо Фарах на митингот одржан во Манчестер не ја исполни нормата за настап на Олимписките игри во Токио.
Фарах на трката на 10.000 метри оствари време 27:47 минути, заостанувајќи 20 секунди зад олимписката норма.
Фарах, кој е роден во Сомалија, доминирае на последните две изданија на олимписките игри во Лондон 2012. и 2016. во Рио де Жанеиро во двете средни атлетски дисциплини. На двете ОИ освои четири златни медали, на 5.000 и 10.000 метри.
„Не знам што да мислам што ќе биде следно. Ако не можам да се натпреварувам со најдобрите, зошто да се мачам?“ – рече Фарах, кој во последните години се посвети на маратоните и имаше низа проблеми со повреди.
