Легендарниот аргентински кошаркар Еманиуел Џинобили се враќа во организацијата на Сан Антонио Спарс каде настапуваше цели 16 сезони, а сега доаѓа во улога на посебен советник за кошаркарски операции.
Џинобили со Спарси освои четири титули во НБА лигата (2003, 2005, 2007, 2014), а во 1057 одиграни натпревари во најсилната лига на светот оствари дури 762 победи, односно имаше 72,1 отсто успешност постигнувајќи во просек 13,8 поени, 3,8 асистенции, 3,5 скокови и 1,32 освоени топки, а сега негова должност ќе биде развојот на млади играчи во тимот како на теренот, така и надвор од него.
Освен во дресот на Сан Антонио, Џинобили беше успешен и со репрезентацијата на Аргентина со коај во 2004. година во Атина го освои олимипиското злато, додека во 2008. во Пекинг беше сребрен.
Левски го сака Доријан Бабунски
Доријан Бабунски кој е член на Ботев Варца се нашол на радарот на Левски Софија. Денес бунгарските медиуми објавија дека еден од најголемите клубови во нивната земја сака да го доведе Бабунски кој прикажува одлични настапи по пристигнувањето во Ботев. Според нивните информации Левски е спремен да плати и оштета.
Бабунски за неколку месеци поминати во Ботев одигра 19 натпревари во Бугарија и постигна пет гола. Се додава и дека во Левски се импресионирани што своевремено македонскиот фудбалер бил дел од школата на Реал Мадрид.
Во случај да дојде до ваков трансфер Бабунски не би бил единствениот Македонец од пред неколку недели дресот на Левски го носи актуелниот репрезентативец Ѓоко Зајков.
Ѕвездата на ПСЖ: Во Париз дојдов поради муслиманите
Ашраф Хакими е најскапиот фудбалер кој ова лето го доведе ПСЖ. Клубот од Париз, кој одлучи да создаде вистински „дрим тим“ и да ја нападне Лигата на шампионите, за Мароканецот плати 60 милиони евра на италијански Интер.
Хакими во првите седум натпревари веќе постигна три гола и запиша две асистенции. Откри дека во ПСЖ дојде не само поради парите, туку пооради верските и културолошки причини.
„Иако пораснав во Шпанија, ние сме Мароканци. Дома разговараме на арапски, муслимани сме, јадеме мароканска храна. Кога со 14 години добив повик од Мароко, не размислував ниту секунда. Подоцна имаше контакти и со Шпанија, но јас уште претходно донесов одлука. Една од причините што дојдов во Париз е таа што сум муслиман, а ова е голема арапската и муслиманска заедница. Знам дека поради тоа ќе се чувствувам како дома.“ – вели десниот бек.
„Имав две понуди, но мојата интуиција ми говореше да дојдам во Париз и дека овде ќе бидам среќен. ПСЖ е одличен клуб и ценам колку луѓето тука ме сакаа. Имав и среќа што моето доаѓање беше пропратено со големи трансфери и веќе сум сигурен дека не погрешив. Се чувствувам добри, имаме екипа од соништата и среќен сум што сум дел од неа.“
Покрај по голови и асистенции, Халанд „брилира“ и по брзина!
Ерлинг Халанд и оваа сезона брилира во Бундеслигата, а листата на најдобри стрелци и асистенти не е единствената на која се наоѓа меѓу најдобрите во лигата. Според пишувањата на медиуммите, тој го забележа и третиот најбрз спринт во германското првенство.
Најголема брзина во Бундеслигата оваа сезона остварија Брајан Ласме од Арминија Билефелд и Алфонсо Дејвис од Баерн. Нивната брзина изнесуваше 36.08 километри на час.
Веднаш зад нив е Халанд, кој трчаше 35.94 километри на час. Неговата исклучителна брзина му помогна на само пет натпревари сезонава да постигне седум погодоци и да запише четири асистенции.
Така, Халанд во моментот заедно со Левандовски е прв стрелец во лигата, додека на листата на најдобри асистенти го дели првото место со Флоријан Вирц, Марко Ројс и Томас Милер.
Суперкупот е вистински тест за формата на „вечните“ ривали
Со натпреварот МЗТ Скопје Аеродром-Работнички, вечерва од 19.30 часот, и официјално ќе стартува новата сезона во македонската кошарка.
Во сезоната која е зад нас, МЗТ Скопје Аеродром ги освои двете домашни титули. „Аеродромци“ беа победници во Купот „Благоја Георгиевски Буштур“, ја освоија шампионската титула.
„Ќе биде убаво ако сезоната ја започнеме со освојување на трет пехар во серија“ вели Дарко Радуловиќ, предводникот на „сино-белите“ од клупата. „Суперкупот е натпревар кој е увертира за новата натпреварувачка сезона во кој нас нè чекаат многу натпревари. Би требало да биде релативно ревијален тип на натпревар. Имавме проблеми со повредите во целиот тек на подготовките. До последен момент не знам кои играчи ќе ги имаме на располагање за овој меч. Но имаме и добри информации за тоа како играше Работнички во периодот на подготовките. Се надевам на една спортска приредба, и на крај, да ја започнеме сезоната со победа. Ќе биде интересно, во секој случај, да видиме до каде сме во овој момент“- смета Радуловиќ.
Тони Симиќ е дел од новитетите кои во „Градски парк“ ги донесе летото. Ја доби улогата да биде шеф на стручниот штаб на нашиот најтрофеен клуб. Нималку лесна задача за него, во која првиот вистински тест е токму утрешниот натпревар против вечниот ривал од Аеродром.
„Ова е еден сосема нов проект на Работнички, каде што целосно е променет играчкиот, тренерскиот, и дел од раководниот сегмент во клубот. Направен е еден целосен ‘ребилдинг’ на сите нивоа. Ова лето го искористивме да се екипираме, да формираме играчки кадар согласно со актуелните можности. Во никој случај не беше лесно, со оглед на тоа дека правиме тим кој треба да се обиде да го претстави Работнички во најдобро светло. Сигурно е дека ни треба време да се воиграме. И мора да се биде трпелив во тој поглед“. – вели Симиќ.
Флуминензе се договори да го донесе Дани Алвес
Дани Алвес изгледа пронајде нов клуб. Легендарниот Бразилец кој важи за најтрофеен фудбалер во историјата сака да продолжи да игра, дури најавуваше дека негова цел и Мундијалот во Катар.
Нов клуб на Алвес би требало да биде Флуминенсе кој доставил понуда за поранешниот фудбалер на Барселона. Алвес својата кариера ја започна во Баија, но млад замина во Европа. Прв клуб на европско тло му беше Барселона, играше за ПСЖ и Јувентус потоа се врати во Бразил и продолжи во Сао Паоло.
Во Флуминенсе Алвес за соиграчи ќе ги имае Фред, Абел Хернандес, Гансо…
Верстапен доби драстична казна поради инциндентот во Монца
Возачот на Ред Бул, Макс Верстапен ќе ја започне претстојната трка во Формула 1 за Големата награда на Русија од последното место поради промена на моторот.
Веста беше потврдена за време на вториот тренинг во Сочи.
Водечкиот во шампионатот, Верстапен требаше да ја започне трката со додавање на три места на квалификациското место поради инцидентот со Луис Хамилтон од Мерцедес на трката во Монца пред две недели, но по овој пенал ќе стартува од последното место поради користење на четвртиот мотор во сезоната.
Секој возач има право на три мотори во една сезона.
Ред Бул мораше да го смени моторот на болидот на Верстапен, бидејќи сега стариот мотор беше уништен при судир со Хамилтон.
Возачот на Ферари, Шарл Леклер, ја доби истата казна за трката во Сочи, исто така, поради промени во моторот.
Ферстапен е лидер во шампионатот со 226,5 поени, а Хамилтон има 221,5 поени.
Мурињо најави дека Рома ќе се жали за црвениот картон на Пелегрини
Жозе Мурињо реагира на вчерашното исклучување на капитенот на „волчицата“, Лоренцо Пелегрини, на средбата со Удинезе.
Дефанзивецот во финишот на мечот заработи втор жолт картон поради удирање противнички играч со лакт и затоа ќе мора да го пропушти градското дерби со Лацио.
„Не ги знам легалните механизми во италијанскиот фудбал, но, ако можеме да се жалиме, треба да пробаме да го направиме тоа. Се сомневам дека Пелегрини заслужи црвен картон. Би сакал да го имам за мечот со Лацио“, изјавил Португалецот.
Куман добива отказ пред натпреварот со Леванте?
Престижниот весник „Марка“, тврди дека часови се во прашање кога Роналд Куман ќе добие отказ во Барселона, не е исклучена можноста да добие уште една шанса в недела против Леванте на нашиот Енис Барди, но ситуацијата е комплицирана.
Барселона во недела се среќава со Леванте, но дали на клупата ќе биде Роналд Куман, е големо прашање, нерешените 0-0 со Кадиз го вклучија алармот и раководството на клубот решава за судбината на Холанѓанецот.
„Марка“ тврди дека ситуацијата е неподнослива, тензијата сега е уште поголема, а беше непријатна и пред мечот со Кадиз. Лапорта и Куман ќе имаат состанок и потоа следува отказ, тврдат медиумите во Шпанија.
Тухел: Нема тактизирање, сакаме да освоиме се!
Фудбалерите на Челзи се пласираа во осминафиналето од англискиот Лига куп со победата над Астон Вила по пенали, тренерот на „сините“ комбинираше и ја менуваше екипата, но најави дека неговата екипа нема да тактизира во ниту едно натпреварување сезонава.
„Премиерлигата или Лигата на шампионите не се пред некои други натпреварувања. Ние во овој клуб сакаме да створиме менталитет на победник на секој натпревар. Тоа мора да биде нашата ДНК.“ – вели Тухел.
Челзи во моментот е на првото место во Премиерлигата, има ист број на бодови со Ливерпул и Манчестер Јунајтед, а на таа титула чека од сезоната 2016/17. Во историјата, вкупно шест пати Челзи бил победник во Премиерлигата.
„Освоените трофеи од минатата сезона не влијаат на она што сакаме да го освоиме сезонава. Сакаме да освоиме се, да бидеме компетитивни во секој поглед и на секој натпревар. Излегуваме на терен за да победиме. Во домашните куп натпреварувања сакаме да одиме до крај, до Вембли. Нема тактизирање.“ – додава Тухел.
