Антонио Конте ги демантираше шпекулациите дека води преговори со Арсенал и Барселона.
Конте минатата сезона го предводеше Интер до Скудетото, но во текот на летото го напушти кормилото на „нероаѕурите“. Моментално е слободен агент, а медиумите го поврзуваат со Арсенал и Барселона.
Споменатите клубови имаат лош старт на сезоната и се погласно се шпекулира дека Артета и Куман може да добијат отказ, а Конте е прва желба на Каталонците и „топџиите“.
Меѓутоа, Конте демантира дека постојат било какви преговори и уште еднаш потврди дека оваа сезона сака да земе одмор.
Женската репрезентација убедливо поразена и од Австрија во квалификациите за СП
Македонската женска А репрезентација загуби со 6:0 од селекцијата на Австрија во рамките на натпреварот од второто коло од квалификациите за пласман на СП 2023.
На националната арена „Тодор Проески”, гостинот ја оправда фаворитската улога и забележа сигурна победа. Во 12. минута Хобингер го отвори резултатот, на 2:0 зголеми Билла од пенал во 20. минута. Во 30. минута прекрасен погодок постигна Ашауер.
Во продолжението од натпреварот, противникот постигна уште три гола во период од шест минути. Ашауер во 65. минута постигна уште еден погодок. Со два погодоци во 67 и 71. минута, Била го комплетираше хет трикот за конечен резултат од 6:0.
За македонската репрезентација настапија: Суарта Дервиши, Синдис Положани, Павлинка Николовска, Сара Коларовска, Илза Максути, Хава Мустафа, Наташа Андонова, Афродита Салихи, Јулија Живиќ, Рабија Дервиши, Кристина Петрушевска.
Федерер најави враќање на тениските терени
Роџер Федерер потврди дека најлошиот дел од неговото опоравување е зад него и дека ќе се врати на тенисот. Кога точно ќе биде тоа, тој незнае , но се знае дека ќе го пропушти остатокот од натпреварот оваа календарска година.
Некогаш најдобриот светски тенисер, за многумина и најдобар на сите времиња, не играше скоро една година поради две операции на десното колено пред да се врати на терените во 2021. година. Одигра само 13 натпревари во него и го оперираше по третпат истото болно место.
„Напредувам, најлошото е зад мене, и со нетрпение го очекувам она што ме чека. Кога ќе се вратите по повредата, секој ден е подобар од претходниот“ – рече Федерер, кој гледа на кам-бекот како на нов „предизвик“.
Тој додаде дека мора да биде трпелив, но дека „со нетрпение го чека моментот кога повторно ќе може да тренира во теретана и на тениско игралиште“.
Освојувачот на 20 грен слем титули во моментов е деветтиот тенисер во светот.
Репрезентативецот Букајо Сака најави заминување од „Емирати“
Младиот фудбалер на Арсенал, Букајо Сака, може да ја промени клупската средина најавуваат денеска медиумите во Англија.
Наводно, шпанскиот Атлетико Мадрид и италијанскиот Јувентус покажуваат дека се заинтересирани за 20-годишниот англиски репрезентативец. Според наведеното, англискиот тим е подготвен да се раздели со играчот за најмалку 50 милиони евра.
Сака кој потекнува од школата на „ топчиите“, во сезонава има реализирано 6 натпревари во сите конкуренции и постигнато еден гол.
Барса одлучи – Куман добива отказ!
Фудбалерите на Барселона и Гранада одиграа нерешено 1: 1 во последниот натпревар од петтото коло во Примера.
Барселона едвај освои бод по дебаклот против Баерн Минхен, па се тресе столчето на Роналд Куман во каталонскиот гигант.
Роналд Куман е пред отказ, тоа е сосема извесно, тврди Марка, но проблем е отштетата која каталонците треба да ја исплатат. Таа не е мала и изнесува 13 милиони евра, доколку дојде до предвремен раскин на соработката.
Сепак, по „срамните“ 1:1 со Гранада, и изјавата на Куман дека оваа екипа ќе биде силна по 2-3 години, Лапорта веќе донел одлука да го смени Куман.
Ако се точни информациите од Шпанија и новинарот Жерар Ромеро, во Барселона имаат шест тренери на списокот за наследници на Куман, а најзвучни имиња се Јоаким Лев и Антонио Конте.
Тухел во Лукаку гледа иден капитен на Челзи
Тренерот на Челзи, Томас Тухел, изјави дека напаѓачот Ромелу Лукаку во иднина може да стане капитен на тимот.
„Лукаку е спортист од највисоко ниво, сака тренинзи, секогаш има насмевка на лицето, сака да победи на секој турнир. Тоа е добро. Тој дава пример за другите. Дали може да стане капетан? Да, мислам дека може да биде. Но, сега не е време за размислување, имаме прекрасен капетан. Главната работа е дека Ромелу се однесува како капитен, и ова е поважно отколку само да имаш капитенска лента.“ изјави Тухел за Скај спортс.
Лукаку се приклучи на Челзи во август 2021 година од Интер. Оваа сезона, 28-годишниот Белгиец одигра пет натпревари за клубот и постигна четири гола.
Моментален капитен на Челзи е дефанзивецот Цезар Аспиликуета.
Санчез е прекуброен во Интер, клубот во јануари го продава
Интер има намера да се раздели со напаѓачот Алексис Санчез во зимскиот преоден рок. „Кориере дело Спорт“ објави дека италијанскиот шампион е подготвен дури и бесплатно да го ослободи 32-годишниот Чилеанец, кој во најголемиот дел о дпрестојот во Милано беше повреден.
Договорот на Санчез со Интер е со важност до 2023 година. Напаѓачот заработува 7 милиони евра годишно во клубот и неговото заминување би било големо олеснување за касата на миланезите. Во август, беше објавено дека Санчез може да се пресели во турски Фенербахче, но договорот никогаш не се оствари. Турскиот клуб му понуди на играчот само половина од платата, што очигледно беше пречка за финализирање на трансферот.
ФИБА Евро Куп: Пополнети 12 места, остануваат уште шест
Натпреварувачкиот „костур“ во ФИБА Евро Купот станува се „поисполнет“ по одигрувањето на квалификациските турнири од ФИБА Евролигата.
Вкупно 12. екипи кои не ги поминаа квалификациите, се „преселија“ во второто, спред рангот, натпреварување на ФИБА – Еврокупот.
Тие им се приклучија на уште 14.екипи кои имаа директен пласман во една од осумте групи од ова натпреварување.
Последни шест учесници ќе ги дадат квалификациите кои од 28. септември до 1. октомври ќе се одржат во четири града: Гронинген (Холандија), Софија (Бугарија), Краснојарск (Русија) и Парну (Естонија).
Освен четирите победници на овие турнири, место во регуларниот дел од сезоната ќе има и за уште две екипи, т.н. „среќни губитници“ од овие турнири.
Македонија има два свои претставници во овие квалификации од ФИБА Евро Купот.
На 28. септември, во Краснојарск, екипата на ТФТ ќе го игра првиот елиминациски меч од групата „Ц“ во кој за противник го има унгарскиот Натурекс Сегед.
Истиот ден, но како дел од турнирот од групата „А“ кој се игра во Гронинген, Куманово 2009 ќе го игра четвртфиналето против австриската екипа Гмунден Сванс.
Познато е кога Ансу Фати се враќа на теренот
Барселона конечно доби добри вести во една од најлошите години во клупската историја, која кулминираше со заминувањето на Лионел Меси.
По скоро 10 месеци пауза поради повреда на коленото, наскоро на фудбалот ќе се врати Ансу Фати, откритието на Барселона во пандемиската ера и предводникот на нејзината нова генерација таленти.
Минатиот ноември, месец дена по 18. роденден, шпанскиот напаѓач роден во Гвинеја-Бисау го повреди коленото и мораше на операција на менискусот, поради која досега пропушти 47 натпревари.
Медиумите јавуваат дека Фати ќе пропушти уште еден натпревар против Кадиз, но би требало да го избегне „јубилејниот“ 50. пропуштен натпревар и да биде подготвен за натпреварот со Леванте.
Фати се приклучува на тренинзите со се поголем интензитет и во клубот се надеваат дека ќе биде подготвен веќе за викендот.
Куман: Оваа Барса не е истата од пред осум години
Тренерот на Барселона, Роналд Куман одби да зборува за својата иднина во клубот по ремито во петтото коло од шпанското првенство со Гранада (1-1).
„Мораме да им се заблагодариме на навивачите бидејќи не поддржуваа до последен момент. Ремизиравме, но беше тежок натпревар. Нема да зборувам за својата иднина. Ако имавме малку повеќе среќа, можевме да победиме на овој натпревар. Дадовме се од себе за да победиме. Денешната Барселона не е Барселона од пред осум години“, вели Куман.
