Ентони Марсијал би можел во зимскиот преоден рок да го напушти Манчестер Јунајтед и да се пресели во Серија А.

Марсијал е во Јунајтед веќе шест години, но никогаш во целост не ги оправда очекувањата и во моментов е во втор план кај Солскјер.

Јунајтед е спремен да го пушти Марсијал на позајмица во јануари, а таквата ситуација сака да ја искористи Јувентус.

Алегри сака да ја зголеми конкуренцијата во нападот и во Французинот гледа идеално засилување. „Старата дама“ наскоро ќе испрати понуда за позајмица со право на откуп.

Менаџерот на Златан Ибрахимовиќ, Мино Рајола, откри што ќе направи шведскиот голгетер кога ќе ја заврши кариерата.

Ибрахимовиќ во моментов ги брани боите на Милан, но неговиот договор истекува на крајот на сезоната.

„Зборуваме за иднината секоја година. Сигурен сум дека кога веќе нема да се почувствува како прва виолина, тој ќе каже„ доста“ и ќе стане директор на клуб“, рекол Рајола.

Сараевски Жељезничар прослави 100 години од своето постоење.

Славниот клуб од Босна и Херцеговина е основан во 1921. година, а неговите најверни навивачи натпреварот против Вележ го искористија за големо славје. Манијаци, навивачката група на популарниот „Жељо“, приредија спектакл за паметење.

Посебен поглед врз Сараево беше оној од олимписката планина Требевиќ. Од таму можеше да се види како изгледа Сараево, а тоа со еден збор може да се каже – неверојатно.

Точно во 21. часот, во спомен на 1921. година, на пруга која минува низ градот беа запалени десетици факли низ кои симболично поминуваше локомотива, еден од симболите на градот, а прославата продолжи низ целиот град.

Инаку, Жељезничар последно беше шампион во 2013. година, а во моментот по девет одиграни кола е на шестото место на табелата со 11 бодови помалку од водечкиот Тузла Сити.

Италијанскиот шампион Интер ќе се обиде да го доведе играчот од средниот ред на Манчестер Јунајтед, Дони ван ден Бек, во зимскиот преоден рок.

24-годишниот холандски интернационалец ја започна својата втора сезона на „Олд Трафорд“, но сепак има многу мали шанси да се појави како стартер во тимот на менаџерот Оле Гунар Солскјер.

Во тековната сезона, тој има одиграно само 51 минута во два меча во кои се најде на теренот. Доколку играчот од средниот ред продолжи да седи на клупата, Интер ќе се обиде да го откупи за време на зимската пауза.

Арсенал е спремен да го продаде напаѓачот Александар Лаказет во јануари, пренесуваат медиумите на Островот. Французинот влезе во последната година од догогорот, па на „Емирати“ сметаат дека ова е последна шанса да заработат на неговото заминување.

Арсенал нема намера да му понуди нов договор и е спремен да ги слушне понудите кои ќе пристигнат.

Меѓутоа, заинтересираните клубови сакаат да го донесат Лаказет без обештетување и веќе стапиле во контакт со неговиот агент.

Најсилен интерес за него покажуваат италијанските гиганти Милан и Јувентус, па најверојатно Французинот ќе ја продолжи кариерата во Серија А.

ПСЖ со 2:1 по драматичен пресврт во последните моменти од натпреварот го победи Лион и дојде до шестата победа во исто толку натпревари.

Парижаните на ремито против Бриж во ЛШ одговорија со победа во дербито, но натпреварот целосно го засени моментот од 66. минута. Покетино се одлучи да го замени Лионел Меси и да го внесе во игра Ашраф Хакими, на Аргентинецот тоа не му се допадна, па при излегувањето од терен не му подаде рака.

Покетино по натпреварот даде изјава во која се обиде да објасни што се случи, а истакна дека меѓу него и Меси нема проблеми.

„Сите знаат дека имаме низа сјајни играчи, имаме екипа од 35 одлични фудбалери. Меѓу нив мораме да бираме за натпреварот, но и да правиме промени во текот на истиот како би го направиле она што е најдобро за секој играч. Некогаш тие одлуки се добри, некогаш лоши, но тренерот е тој кој мора да ги донесе тие одлуки. Тоа може некому да се допаѓа или не. Го прашав Меси како е, рече дека се е во ред, нема проблеми.“ – рече Покетино.

Кике Сетиен доби отказ на клупата на Барселона после дебаклот во Лигата на шампионите против Баерн (8-2). После нешто повеќе од пола година на клупата Сетиен доби отказ во август минатата година, а на негово место дојде Роналд Куман.

Сетиен не потпиша спогодбено раскинување на договорот. Барселона го отпушти и 62 годишниот стратег си ја бара оштетата преку суд.

Барселона не сака да му плати никаква оштета, но изгледа дека ќе мора да го направи тоа. Според информациите на шпанските медиуми. Сетиен би можел да добие од Барселона оштета од 14 милиони евра.

Кристијано Роналдо се одлучи да се врати во Манчестер Јунајтед  и да му помогне на клубот да се врати на победнички патеки.

Сите навивачи, управата, јавноста едноставно очекува Португалецот да донесе дух, менталитет кој едноставно во моментов му е повеќе од потребен на Јунајтед кој веќе подолго период се мачи или поконретно од заминувањето на легендарниот стратег сер Алекс Фергусон.

Рафаел Варан е едно од засилувањата за Јунајтед, играч кој многу добро го познава Кристијано, па од свој агол објасни што всушност ќе му донесе на клубот од Манчестер.

„Мислам дека тој е најдобриот пример во светот во однос на работната етика и победничкиот менталитет. Играјќи со овој тип на играчи, се подобрувате секој ден. Ако тој се уште игра на толку високо ниво на негова возраст, тоа е затоа што неговата работа е неверојатна. Многу сум среќен што играм со него,“ рече Французинот.

Mино Раиола имаше интервју за „Раи Спорт“ во кое зборуваше за иднината на неколку свои клиенти.

Ромањоли влезе во својата последна година од договорот со Милан, а засега двете страни не успеваат да пронајдат заеднички јазик за продолжување на соработката.

Според изјавата на Раиола тој лесно може да заврши Јувентус и да игра заедно со Де Лихт кој исто така е негов клиент. Сепак, Раиола потенцираше дека постои можност и Де Лихт да си замине од Јувентус.

„Ромањоли и Де Лихт се помеѓу најдобрите дефанзивци во Европа. Договорот на Ромањоли истекува следната година и тие можеле да играат заедно во Јувентус. Но, да кажам дека и Де Лихт може да си замине од Јувентус на крајот на оваа сезона. Трансфер пазарот е непредвлив, а него многу клубови сакаат да го ангажираат“, изјави Раиола.