По двомечот со Македонија словенечкиот ракометар Алекс Влах во кој постигна вкупно 17 гола и на двата дуели беше најдобар стрелец, 27-годишниот бек заминува од Алборг затоа што потпиша договор со полски Киелце.
Алборг му излегол во пресрет на Влах и го ослободил една година порано, двете страни имаа договор до 2026 година. Играчот настапуваше за данскиот тим од 2023 година, а претходно беше дел од словенечките Целје и Копер, како и хрватски Загреб.
Влах за репрезентацијата на Словенија игра од 2017 година.
Шипиќ бира од понудите од Бундеслигата
Според информациите на хрватските медиуми, за кружниот напаѓач на хрватската репрезентација Марин Шипиќ заинтересирани се Фленсбург, Фуксе Берлин и Кил.
Покрај овие три бундеслигаши, интерес за Шипиќ покажале и други клубови, па останува да се види кој ќе ја добие битката за неговиот потпис.
Шипиќ моментално настапува во Швајцарија, каде што го носи дресот на амбициозниот Луцерн, клуб во кој пристигна во сезоната 2023/24.
Германецот Бах избран за доживотен почесен претседател на ИОК
Претседателот на Меѓународниот олимписки комитет ИОК во заминување, Томас Бах, со акламација беше избран за доживотен почесен претседател, на денешното заседание во грчкиот град Пилос.
Бах (71), германски адвокат и поранешен олимписки првак во мечување, застана на чело на МОК во 2013 година, а официјално ќе ја напушти должноста на 23 јуни. Неговиот наследник ќе биде избран в четврток.
За претседателското место во МОК има седуммина кандидати.Главни претенденти се потпретседателот на МОК, Хуан Антонио Самаранч Јуниор, министерката за спорт на Зимбабве, Кирсти Ковентри и претседателот на Светската атлетика, Британецот Себастијан Коу.
Претседателот на Меѓународната велосипедска федерација Дејвид Лапартиент, шефот на Меѓународната федерација во гимнастика Моринари Ватанабе, јорданскиот принц Фејсал Ал Хусеин и мултимилионерот Јохан Елијаш, кој ја предводи Меѓународната федерација во скијање и сноуборд, го комплетираат составот кандидати за претседател на МОК.
Лаутаро Мартинез заради повреда нема да настапи против Уругвај и Бразил
Фудбалската репрезентација на Аргентина на дуелите од квалификациите за СП 2026, против Уругвај и Бразил ќе биде без Лео Меси, а најновите информации велат дека нема да игра ниту Лаутаро Мартинез.
Еден од најдобрите фудбалери на “гаучосите“ и капитен на Интер на последниот тренинг се пожалил на повреда на ложата.
Тој и покрај се сакал да остане во кампот на Аргентина, но докторскиот тим му наредил на напаѓачот веднаш да замине за Милано на дополнителни прегледи. Токму затоа и нема некои детали за тоа колку Лаутаро ќе биде во „аут“.
Манчестер Јунајтед заинтересиран за Кенан Јилдиз
Манчестер Јунајтед презеде конкретни чекори за да ја ангажира ѕвездата на Јувентус, Кенан Јилдиз, тврди „Фудбал Италија“.
„Црвените ѓаволи“ се подготвени да ги платат 80-те милиони евра што ги бара торинскиот клуб за офанзивниот играч за врска.
„Старата дама“ го сака Јилдиз, но во исто време Италијанците се спремни да се разделат со него доколку некој клуб ги плати определените 80 милиони. евра.
Турскиот репрезентативец оваа сезона за „бјанконерите“ на 41 натпревар постигна 6 гола и направи 4 асистенции.
Јувентус го ангажираше Јилдиз со слободен трансфер од академијата на Баерн Минхен во летото 2022 година. За офанзивниот играч е заинтересирана и Астон Вила.
Кирјиос победи на тениски меч по 29 месеци
Ник Кирјиос, австралискиот тенисер го победи Мекензи Мекдоналд во првото коло на Мастерсот во Мајами.
Кирјиос успеа да победи за прв пат од октомври 2022 година, кога во Токио славеше над Камил Мајжак.
Ник овојпат го совлада Мекензи Мекдоналд со 2-1, по сетови 3-6, 6-3, 6-4 и во второто коло ќе игра со Карен Хачанов.
Кирјиос одигра само еден меч во 2023 година, една година подоцна одигра само два меча и ги загуби сите.
Кирјиос конечно успеа да победи и да се пласира во второто коло на Мајами, каде го чека 22. рангираниот тенисер во светот.
Спортинг потпиша со два „бисера“ на Спортинг
Челзи објави дека договори со „сините“ потпишале младите фудбалери на Спортинг Лисабон, Џовани Кенда и Дарио Есугo. Португалскиот клуб од трансферите заработи 62,4 милиони фунти. За Кенда, Челси издвои 43,7 милиони фунти, додека Есуго ќе му се приклучи на тимот ова лето за 18,7 милиони фунти.
Кенда е репрезентативец на Португалија до 21 година и ќе остане во Спортинг на позајмица следната сезона пред да се пресели на „Стемфорд Бриџ“ во летото 2026 година.
Есуго, кој исто така е репрезентативец на Португалија до 21 година, оваа сезона беше на позајмица во Лас Палмас. Челзи го следи веќе некое време и очекува тој да му даде длабочина на тимот следната сезона и да биде му биде поддршка на Каиседо во редот за врска.
Сандро Мамукелашвили испиша историја во НБА лигата
Кошаркарот на Сан Антонио, Сандро Мамукелашвили ја одбележа изминатата ноќ во НБА лигата.
Крилниот центар на Спарс стана првиот играч во историјата на НБА кој постигнал 34 поени за помалку од 20 минути.
На Грузиецот, роден пред 25 години во Њујорк, му беа потребни само 19 минути игра за да го „наполни“ кошот на Њујорк во победата 120-105.
Само еднаш не погоди од поле, погоди 13 од 14 удари, постигна седум тројки од исто толку обиди.
Ноќта на кариерата ја најави во првото полувреме, кога за само осум минути постигна 13 поени, забележа седум скока и асистенција. Во второто полувреме неговиот шут функционираше перфектно, продолжи без грешка да го полни кошот на Њујорк и да пише историја, постигна 21 поен во последната четвртина.
„МВП, МВП“, ечеше во салата.
Самиот беше зачуден. Тој едвај ги најде вистинските зборови за да го опише она што му се случи.
„Не знам што се случи, не знам што се случи“, со неверување повторуваше Мамукелашвили додека ги даваше првите изјави.
До натпреварот против Њујорк, неговиот сезонски рекорд беше 13 поени, кои ги постигна неодамна против Шарлот.
Каков подвиг е ова, можеби најдобро се илустрира со фактот дека историскиот натпревар го одигра играч чиј претходниот просек беше пет поени и 8,9 минути по натпревар.
Палиња негира дека ќе замине од Баерн
Португалскиот играч за врска Жоао Палиња ги отфрли денеска медиумските написи за негово заминување од минхенски Баерн.
Палиња наведе дека нема намера да го напушти Баерн, иако во првата сезона сè уште не ги оправда големите пари што водечкиот тим во германското фудбалско првенство ги вложи за неговото доаѓање од англискиот прволигаш Фулам.
Баварците сакаа да го ангажираат 29-годишниот Португалец во 2023 година, но Палиња дојде во Минхен минатото лето за сума од 51 милиони евра. Сепак, Палиња сè уште не се наметна во стартниот состав, делумно поради повредата на мускулот што го оддалечи од терените два месеци.
„Не ме интересираат гласините за заминување. Ќе направам сè за да покажам зошто клубот ги потроши тие пари на мене. Немам намера да заминам“, изјави Палиња во денешното издание на неделникот „Спорт Билд“.
Португалецот оваа сезона настапи на 12 првенствени натпревари, а само пет пати беше во почетниот состав на тренерот Винсент Компани, последен пат на 8 март кога беше исклучен во 42. минута на дуелот против Бохум.
Реми на У17 селекцијата на првиот квалификационен натпревар против Шкотска
Македонската фудбалска репрезентација У 17 одигра нерешено против Шкотска 2-2 и го освои првиот бод на стартот на квалификацискиот турнир за место на Европското првенство.
Головите за Македонија ги постигнаа Марковски во 40-та минута и Џаку во 83-та додека стрелци за домаќинот на турнирот беа Бојд во 52-та и Хогард во 80-та минута. Во вториот меч во нашата група селекцијата на Романија го совлада Лихтенштајн со убедливи 10:0.
Во второто коло закажано за 22 март, ние ќе играме со аутсајдерот Лихтенштајн додека Романците ќе се сретнат со Шкотска. Ќе потсетиме дека само победникот од секоја група ќе оди на континеталниот собир.
