Душан Влаховиќ на лето би можел да ја промени клупската средина.

Подолго време српскиот напаѓач се поврзува со одредени клубови, а каде и дали ќе замине тешко е да се каже во овој момент. Неодамна беше објавено дека за Влаховиќ се заинтересирани, Баерн, Челзи, Манчестер Јунајтед и Њукасл. Сега се појавија нови информации.

„Во игра се три клуба. Според мене Јувентус сериозно ќе ги разгледа овие понуди. Сите имаа важен профил, затоа што станува збор за Челзи, Баерн Минхен и Атлетико Мадрид“, изјави фудбалскиот агент, Масимо Брамбати. Влаховиќ сезонава во дресот на Јувентус постигна 14 гола во сите натпреварувања. На последниот натпревар против Севиља во полуфиналето од Лигата на Европа Влаховиќ постигна гол откако влезе од клупата, но тој не беше доволен затоа што Севиља направи пресврт и го елиминираше Јувентус.

Претставниците на јужнокорејскиот дефанзивец од италијанскиот Наполи Ким Мин Јае одржале прелиминарни преговори со спортскиот директор на ПСЖ, Луис Кампос околу трансферот на играчот во парискиот клуб, соопштува “РМЦ Спорт“.

Според изворот, средбата била од воведен карактер и како резултат на тоа не бил постигнат договор. Забележано е и дека самиот играч се уште е наклонет кон преселба во англиската Премиер лига.

Да потсетиме, претходно и Манчестер Јунајтед имаше средба со агентот на играчот и му ја достави својата понуда.

Ким Мин Јае се пресели во италијанскиот клуб во летото 2022 година од турски Фенербахче, зделката изнесуваше 18 милиони евра. Актуелниот договор на 26-годишниот играч со Наполи е до јуни 2025 година.

Евентуалното враќање на Лионел Меси во Барселона најверојатно ќе значи крај на авантурата за Рафиња на „Камп Ноу“.

Барселона работи на враќање на Меси, а претседателот Лапорта потврди дека прави се за Аргентинецот да се врати на „Камп Ноу“. Поради тешката финансиска ситуација Барселона ќе биде приморана да го продаде Рафиња, за да направи простор за Меси во тимот.

Таквата ситуација сака да ја искористи Њукасл, кој е заинтересиран за Бразилецот и веќе спремил понуда од 65 милиони фунти.

Рафиња минатото лето пристигна во Барселона и требаше да биде големо засилување, но не се вклопи најдобро во тимот.

Жорди Алба би можел да биде еден од оние кои ќе ја напуштат Барселона ова лето.

Според информациите од Каталонија ова лето. Барселона е спремна да спогодбено да го раскине договорот со Алба ако добие понуда која ги задоволува нивните апетити.

Наводно, во опција е Атлетико Мадрид кој би го довел Алба на местото на Серхио Регулион кој нема да биде откупен. Сепак, Атлетико не единствена опција за Алба, ситуацијата ја следат Јувентус и Интер кои се во финаниски проблеми и бараат играчи кои можат да ги засилат без да потрошат многу.

Алба во наредната сезона во Барселона треба да ја има најголемата плата од кога е во клубот поради претходното прифаќање за намалување на платата кога Бартомеу беше претседател. Тогаш договорот беше тој дел од парите да му се исплати во последната година од договорот.

Сепак, Барселона се уште не е излезена од кризата, па платата би била големо оптеретување за буџетот на Барселона. Алба би можел да остане само ако прифати драстично намалување на платата.

Јувентус во четвртокот беше елиминиран во полуфиналето од Лигата на Европа од Севиља по продолженија, па така оваа сезона ја заврши без освоен трофеј.
Поради тоа поранешниот италијански репрезентативец, Антонио Касано жестоко го критикуваше тренерот на „старата дама“, Масилијано Алегри.„Севиља заслужено го елиминираше Јувентус. Одигра навистина добро и знаеше што прави со топката во тешки ситуации. Беше тоа натпревар во кој Шпанците играа од почетокот до крајот. Јувентус имаше две контри и две шанси од перекин, откако постигнаа гол се затворија. Јувентус секогаш е така во Европа изгледа како ѓубре“, порача Касано.
За Касано виновник за ваквата игра на Јувентус е само Алегри.

„Две години не одиграле пристоен натпревар, а сега Алегри кој е виновник за таквата игра ќе зборува за потешкотиите кои ги имал. Дефинитивно не заслужија да играат финале во Лигата на Европа“, изјави Касано.

Крилниот напаѓач на Наполи, Хвича Кварацхелија се повреди на тренингот пред натпреварот со Интер кој е дел од 36. коло од италијанското првенство, објави клубот на својата официјална веб-страница.
Репрезентативецот на Грузија вчера тренираше одвоено од главната група. Така, играчот може да ја пропушти пресметката со Интер, која според програмата е утре од 18:00 часот на стадионот „Диего Армандо Марадона“.
Оваа сезона 22-годишниот Кварацхелија забележа 40 настапи за „наполитанците“, постигнувајќи 14 гола и 17 асистенции.

Алберт Ботинес, агентот на голманот на Интер, Андре Онана, зборуваше за иднината на играчот со оглед на информациите за интерес од англиските клубови за неговиот клиент.
„Гласините за можен трансфер се нормални во оваа фаза, но претпочитам да не зборувам за тоа бидејќи се уште е многу рано. Сега е фокусиран само на настапите на теренот. Имаме петгодишен договор со Интер, па му остануваат уште четири години. Во моментов тој е фокусиран само на преостанатите натпревари во Серија А и финалето на Лигата на шампионите. Тој има долг договор, не грижете се. Тој е многу среќен бидејќи игра за најсилниот тим во Италија“, изјави Ботинес.
27-годишниот Камерунец игра за Интер од минатото лето, а неговиот актуелен договор е до јуни 2027 година. Онана оваа сезона забележа 38 настапи во сите натпреварувања и прими 30 гола во нив. Тој, исто така имаше 19 пати чиста мрежа во текот на тековната сезона.

Селекторот на Англија, Герет Саутгејт ќе ги одмора играчите на Манчестер Сити против Малта во квалификациите за УЕФА Евро 2024 година во Германија во јуни 2024 година, пренесува „Daily Mail“.

Средбата со Малта ќе се одигра на 16 јуни, шест дена по финалето на Лигата на шампионите, во кое Манчестер Сити ќе игра со Интер. 

Во овој поглед, учеството на дефанзивците Џон Стоунс и Кајл Вокер и играчите од средниот ред Џек Грилиш, Фил Фоуден и Калвин Филипс во натпреварот со Малтежаните речиси и не доаѓа предвид. Во исто време, фудбалерите на Манчестер Сити, повикани од Саутгејт на подготовки, ќе треба да пристигнат на локацијата на репрезентацијата на 13 или 14 јуни и да одлетаат за Малта.

Фудбалерите на Манчестер Сити можат да играат на мечот со Македонија на 19 јуни.

Масимилиано Алегри сака да го засили тимот со играч на Реал Мадрид, пренесуваат италијанските медиуми. Адриен Рабио на лето најверојатно ќе го напушти Јувентус, а Алегри како негова замена го сака Себаљос од Реал Мадрид.

Договорот на Шпанецот со „кралскиот“ клуб истекува во јуни и нема најави за негово продолжување, па „бјанконерите“ сакаат да ја искористат ситуацијата.

Себаљос не добива голема минутажа во Реал, но Алегри верува дека идеално би се вклопил во неговиот тим.

Раководството на „старата дама“ стапило во контакт со агентот на Себаљос и спремни се да му понудат четиригодишен договор.