Мото ГП шампионатот следната сезона ќе се вози во Индија

Според последните гласини, шефот на Дорна Спорт, сопственикот на комерцијалните права во Мото ГП, Кармело Еспалета, следната недела ќе ја посети Индија за официјално да го објави вклучувањето на земјата во календарот на шампионатот.

Најверојатно 2024 година е реално Индија да влезе во Мото ГП, иако некои информации велат дека тоа може да се случи и следнат година. Шампионатот ќе ја користи патеката Буд надвор од Њу Делхи, која помеѓу 2011 и 2013 година беше домаќин на единствените три изданија на Индиското ГП во Формула 1.

Одредени пет кандидати за наградата „Пјотр Нуровски“

Пет кандидати се номинирани за наградата за најдобар млад спортист

„Пјотр Нуровски“, што ја доделува Европскиот олимписки комитет. За најдобар млад спортист во Европа за 2022 година конкурираат Ангелина Топиќ (атлетика – Србија), Дарија Атманов (гимнастика – Израел), Софија Далиду (веслање – Грција), Андреа Спендолини Сириекс (скокови во вода – Велика Британија) и Филипо Бертони (пливање – Италија).

Најдобриот млад спортист го избираат претставници на сите национални олимписки комитети од Европа. Наградата за најдобар млад спортист во Европа, „Пјотр Нуровски“ се доделува од 2010 година, кога беше востановена и именувана по трагично загинатиот претседател на Олимпискиот комитет на Полска, кој го загуби животот во авионска несреќа.

Халанд е фудбалер на месецот во Премиер лигата

Напаѓачот на Манчестер Сити, Ерлинг Халанд очекувано беше избран за Играч на месец август во Премиер лигата.

Норвежанецот имаше историски прв месец во најсилната фудбалска лига и постигна 9 гола во првите пет меча.

Тој постигнуваше голови против Вест Хем, Њукасл, Кристал Палас и Нотингем Форест, а против Борнмут запиша асистенција.

Халанд е првиот играч кој ја добива оваа награда во дебитантскиот месец, уште од февруари 2020 кога наградата ја доби Бруно Фернандеш од Манчестер Јунајтед.

Мурињо полн со комплименти за играта на Дибала

Паоло Дибала кој го постигна водечкиот гол за Рома на вчерашниот меч со Хелсинки во Лигата на Европа, доби пофалба од тренерот на „волчицата“, Жозе Мурињо.

Аргентинецот влезе во игра на стартот на вториот дел и веднаш во 47 минута успеа да ги израдува домашните навивачи.

„Дибала го постигна првиот гол и тоа го смени ставот на целиот тим. Бевме премногу пасивни но, Дибала веднаш ја промени играта“, потенцираше Португалецот по победата од 3-0.

На денешен ден “17 Септември”

Филип Даглас Џексон (роден на 17 септември 1945 година) е американски поранешен професионален кошаркар, тренер и извршен директор. Како моќен напаѓач, Џексон играше 12 сезони во НБА, освојувајќи НБА шампионати со Њујорк Никс во 1970 и 1973 година.

Џексон беше главен тренер на Чикаго Булс од 1989 до 1998 година, што ги доведе до шест шампионски титули во НБА.

Саутгејт изненади со избирот на фудбалери за Лигата на нации

Селекторот на фудбалската репрезентација на Англија, Герет Саутгејт, го објави составот на кој ќе се потпре за претстојните натпревари во Лигата на нации со Италија и Германија.

Напаѓачот на Брентфорд, Иван Тони, влезе во конкуренција. 26-годишниот играч за прв пат е повикан во националниот тим.

Капитенот на Манчестер Јунајтед, Хари Мегваер и соиграчот Лук Шо се вклучени во тимот и покрај тоа што не настапуваа редовно во последните натпревари. На списокот ги нема Маркус Рашфорд и Џејден Санчо.

Ливерпул загреан за Жоао Гомез од Фламенго

Челниците на Ливерпул може да испратат понуда за младиот талент на Фламенго, Жоао Гомез, кој постепено се етаблираше како значаен фудбалер во тимот.

Тој има договор до 2025 година а сопствениците на бразилскиот гигант размислуваат да му понудат нов со огромна откупна клаузула само за да го задржат.

21-годишниот фудбалер кој проценува на 10 милиони евра, има 49 настапи и 2 асистенции во шампионатот на Бразил.

Тренерот на Лидс казнет со суспензија на еден натпревар

Тренерот на Лидс Јунајтед, Џеси Марш, од страна на англискиот фудбалски сојуз доби забрана за водење на својот тим на еден натпревар од првенството.

Марш забраната ја доби поради своето однесување и протестите кон главниот судија на премиерлигашкиот натпревар со Брентфорд кој неговиот тим го загуби со 5:2. Тренерот на Лидс покрај суспензијата ќе мора да плати и 10 илјади фунти парична казна.

Следниот натпревар на Лидс Јунајтед во Премиер лигата е на 2.октомври против Астон Вила.

Сити сака да го доведе Леао од Милан

Тренерот на Манчестер Сити, Пеп Гвардиола, бил импресиониран од игрите на фудбалерот на Милан, Рафаел Леао, и сака да го доведе во редовите на англискиот шампион.

Гвардиола наводно им наложил на управата на клубот да започне преговори со Милан и со португалскиот фудбалер, со цел трансферот да се реализира во зимскиот преоден рок.

Манчестер Сити е подготвен да понуди сума од 100 милиони евра, и да направи феноменален тандем, Халанд-Леао.

Рафаел Леао има актуелен договор со шампионот на Серија А, Милан , до 2024 година.

Борба за финале на ЕП во кошарка: Полска против Франција, Германија со Шпанија

Денес во Берлин започнуваат натпреварите од самата завршница на Европското кошаркарско првенство.

Репрезентациите на Полска и Франција својот полуфинален дуел го започнуваат во 17.15 часот. Кошаркарите на Полска до борбата за пласман во големото финале стигнаа со триумфот над актуелниот европски шампион Словенија која во четвртфиналето ја совладаа со резултат 90:87, додека Франција после продолженија беше подобра од Италија со 93:85.

Домаќинот на нокаут фазата од шампионатот селекцијата на Германија, во второто полуфинале кое е на распоред вечерва од 20:30 , ќе се сретне со актуелниот светски шампион, репрезентацијата на Шпанија.

Германија, шансата за пласман во финалето ја обезбеди со четвртфиналниот триумф над Грција со 107:96, а Шпанија беше подобра од Финска со 100:90.

Евробаскетот завршува во недела на 18.септември, кога на програмата е натпреварот за третото место во 17:15 часот , како и големото финале кое е закажано за 20.30 часот.

www.evrotip.mk

feature