Саутгејт го повика Бамфорд во англиската репрезентација
Напаѓачот на фудбалскиот состав Лидс, Патрик Бамфорд, може да дебитира за Англија откако доби повик за квалификациските мечеви со Унгарија, Андора и Полска, кои ќе бидат одиграни во почетокот на септември.
Селекторот на „Гордиот Албион“, Герет Саутгејт, за мундијалските квалификации го врати во тимот десниот бек на Ливерпул, Трент Александар-Арнолд, кој го пропушти Евро 2020 поради повреда како и крилото на Манчестер Јунајтед, Џеси Лингард.
Левиот бек на Челзи, Бен Чилвел, кој не настапи за лондончани на првите два меча во новата сезона отпадна од списокот.
Против фудбалер на Сити поднесени четири обвиненија за силување
Британското јавно обвинителство поднесе четири обвиненија за силување и едно за сексуално вознемирување против дефанзивецот на Манчестер Сити, Бенјамин Менди.
Французинот, според обвиненијата, малтретирал три личности постари од 16 години од октомври минатата година до август годинава и во моментот се наоѓа во притвор, пред да излезе пред истражен судија, потврди полицијата од областа Чешир.
Деталите на обвиненијата не се познати, но Сити веднаш објави дека Менди е суспендиран.
„Се работи за казнено дело и клубот во моментот не може повеќе да коментира. Менди е суспендиран.“ – вели портпаролот на Манчестер Сити, а пренесуваат англиските медиуми.
Победа – Вардар најинтересен пар од првото коло на Купот на Македонија
Денес беа формирани двојките за првото елиминациско коло во фудбалскиот Куп на нашава земја. Последните финалисти, Силекс и Академија Пандев, ќе ја скокнат воведната рунда и ќе се вклучат од втората рунда.
Еве ги комплетните двојки за првото коло.
Детонит – Македонија ЃП
Победа – Вардар
Кит-Го – Шкендија
Беса – Скопје
Локомотива – Охрид
Љуботен – Пелистер
Гостивар – Ренова
Кораб – Беласица
Њу Старс – Борец
Слога Виница – Работнички
Новаци – Тиквеш
Саса – Струга ТЉ
Воска Спорт – Брегалница
Велешта – Шкупи
Мечевите ќе бидат одиграни на 15 септември. Доколку нема победник во регуларниот дел, веднаш ќе бидат изведувани пенали.
Крводарителска акција од голем размер на Евротип, Голд Слот и Голд Фелициа!
По собирањето на вкупно над 100 крвни единици на претходно организираните три крводарителски акции, спортските обложувалници Евротип и Голд Слот клуб на први септември ќе ја организираат четвртата крводарителска акција, која се очекува да биде најголема досега.
Под мотото „Дарувај крв, спаси живот!“, докажувајќи ја својата општествена одговорност, Евротип, Голд Слот и Голд Фелициа ќе ја организираат оваа акција на која покрај вработените, но и верните посетители од Битола, се очекува крв да даруваат и вработени во компанијата од регионот, како и од главниот град на државата.
На големата крводарителска акција, овој пат се приклучуваат и компаниите: СН Финансии, СН Осигурителен Брокер и ЈК Травел, наведува организаторот.
Дарувањето на течноста која живот значи, во било кој момент е од огромно значење, а посебно во време на светска пандемија со која се соочуваме.
Токму затоа, спортските обложувалници Евротип и Голд Слот клуб се одлучија за организирање на нова крводарителска акција, откако претходно организираните поминаа со забележителен успех.
Организаторите се надеваат дека акциите од ваков карактер ќе бидат поттик и за останатите компании да го следат нивниот пример и да го направат најхуманиот гест кој може да се направи.
Кејн остана во Тотенхем, но сака поголема плата
Првиот голгетер на Тотенхем, Хари Кејн, побарал од претседателот, Даниел Леви, поголема плата откако „спарси“ не му дозволија да замине во редовите на Манчестер Сити.
Англиската фудбалска ѕвезда со 15 милиони фунти по сезона е третиот најплатен играч на Островот заедно со Рахим Стерлинг од Сити и Пол Погба од Јунајтед.
Како што објави весникот – „Тајмс“, Леви наводно е подготвен да му ја исполни желбата, но, тоа да биде во форма на различни бонуси.
Руни го коментираше евентуалниот трансфер на Роналдо во Сити
Манчестер Сити понуди 30 милиони евра за трансфер на Кристијано Роналдо од Јувентус и истиот би можел да биде финализиран во најкраток рок. Португалскиот напаѓач се очекува да потпише двегодишен договор со клубот од „Етихад“ за плата од 31 милион евра по сезона и да се пресели во редовите на екипата предводена од Пеп Гвардиола.
Еден од оние кои не веруваат во ваков расплет е Вејн Руни, поранешниот соиграч на Роналдо од деновите поминати во Манчестер Јунајтед.
„Кристијано остави длабока трага во Манчестер Јуанјтед и знам дека на тоа е горд како играч и како човек. Не можам да го видам во Сити, но тоа е фудбалот и никогаш не знаете што ќе се случи. Има малку играчи на негово ниво кои направиле таков трансфер. Тоа го направија Питер Шмајхел и Енди Кол, но ми се чини дека тој нема да го направи тоа. Тој не треба да направи трансфер поттикнат од финансиски причини.“ – вели Руни.
Историски успех за гибралтарскиот фудбал
Фудбалерите на Линколн Ред Импс ја победија Рига со 3:1 во продолжението од реванш мечот од плејофот на Конференциската лига и така станаа прв тим од Гибралтар кој се пласирал во групна фаза од некое од натпреварувањата на УЕФА.
По 1:1 во првиот меч Линколн во реваншот губеше 2:1 од 19-тата минута после погодокот на Вакулк, но во изеднација во 32-та минута со голот на Вокер од пенал. Голови немаше во продолжението од регуларниот дел, за во судиското продолжение од првото продолжение 38 годишната легенда на гибралтаскиот фудбал Реј Чоплин да стрела за 2:1, а пласманот во групната фаза го потврди Ронан во судиското продолжение.
Како шампион на Гибралтар, Линколн својот европски пат го започна во првото квалификациско коло од Лигата на шампионите. Таму во првиот ме одигра 2:2 со Фола Еш, за во реваншот да ги торпедира со 5:0, во второто квалификациско коло со порази од 2:1 и 2:0, испадна од ЦФР Клуж, за потоа во третото квалификациско коло во Лигата на Европа да изгубат од Слован Братислава со 3:1 и да имаат од 1:1 што беше доволно за елиминација.
После тоа дојде плеј офот од Конференциската лига, каде го остварија историскиот успех.
Кој ќе го замени Роналдо во Јувентус?
Прашање на време е официјализирањето на трансферот на Роналдо во Манчестер Сити, Јувентус бара негова замена, а според Газета Дело Спорт има две опции. Тоа се Мауро Икарди и Моисе Кин.
Икарди е втора опција од ПСЖ, додека Моисе Кин кој е „дете“ на Јувентус е првата, има 21 година, во моментот член на Евертон, а минатата сезона беше на позајмица кај „светците“.
Роналдо е пред заминување во Англија, Јувентус под итна постапка бара замена во нападот, а изборот најверојатно ќе падне на Икарди или Кин.
Формирани групите во првата фаза на БИБЛ лигата
Првата фаза од новата сезона во БИБЛ лигата е реализирана.
Во седиштето на Лигата на Балканот во Софија беше извршенa ждрепката на двете натпреварувачки групи за сезоната 2021/2022 во која Македонија ќе има три свои претставници во екипите на Куманово 2009, ТФТ и за прв пат во кратката историја на постоењето, Академија ФМП.
Согласно со системот за натпреварување, во новата сезона ќе се натпреваруваат десет екипи, поделени во две групи по пет. Со оглед на тоа дека имаме три претставници, за очекување беше дека во една од групите, во овој случај, групата „А“, ќе следиме „македонско дерби“.
За пласман во втората, елиминациска фаза ќе играат Куманово 2009 и ФМП Академија. Покрај во првиот круг ќе играат Хапоел Галил Гилбоа, Балкан од Ботевград и косовскиот Пеќ.
Екипата на ТФТ е во групата „Б“ во која ќе се натпреваруваат уште и екипите на Ирони Нахарија, Академик од Пловдив, Берое – Стара Загора и Сигал Приштина.
Менаџментот на БИБЛ лигата остави простор во групите да има уште по една екипа од некои од заинтересираните федерации како Романија и Црна Гора.
ГРУПА Б: Ирони Нахарија, Академик Пловдив, ТФТ, Берое, Сигал Приштина
Канатларовски со повик за Ѓурковски од Шкупи и Јанкулов од Борец
Селекторот на македонската репрезентација до 21 година, Драги Канатларовски прати дополнителен повик за Александар Ѓуркоски од Шкупи и Ѓорге Јанкулов од велешки Борец за почетните натпревари на младата репрезентација во квалификациите за ЕП 2023. Нашата млада селекција на 2. и 7. септември ќе се соочи со Франција во Ле Ман и со Србија на домашен терен во циклусот за пласман на ЕП во Романија и Грузија.
На редовните клупски тестирања на вирусот Ковид-19, позитивни резултати добија Марио Младеновски од Ботев Пловдив и Адриан Хајдари од Рапид Виена. Двајцата фудбалери ќе поминат период на самоизолација и многу веројатно нема да конкурираат за место во тимот за пресметките против Франција и Србија.
На 29. август во Скопје е официјалниот собир на репрезентацијата до 21 година.
