ПСЖ сака да го вклучи 28-годишниот германски играч за врска Јулијан Дракслер во договорот за потпис на дефанзивецот Милан Шкрињар од Интер, објави „Газета дело Спорт“.

Според оваа информација, Дракслер не е заинтересиран за Интер, па клубот ја бара од ПСЖ целата сума на трансферот – околу 70 милиони евра. Новата понуда на ПСЖ вклучуваше 60 милиони евра и трансфер на Дракслер во таборот на Интер.

Главната причина за одбивањето на Интер од Дракслер е целта на извршниот директор на клубот Џузепе Марота да го намали платниот список за 10-15%. Ангажманот на германски фудбалер значително ќе ја искомплицира оваа задача. Да потсетиме, договорот на Шкрињар со Интер е со важност до летото 2023 година, неговата пазарна вредност, според Трансфермаркт, е 65 милиони евра. Минатата сезона за Интер тој одигра 48 натпревари во сите натпреварувања, на кои постигна четири гола.

Иднината на голгетерот на Баерн, Роберт Левандовски останува нејасна. Тој има уште една година договор со германскиот шампион, но ја повика управата да го ослободи порано.

Баерн веќе е подготвен да се раздели со полскиот напаѓач, по привлекувањето на Садио Мане, но сака 60 милиони евра за правата на 33-годишниот фудбалер. Барселона има најсериозен интерес за Левандовски, но шпанскиот гигант е во тешка финансиска ситуација.

Поранешниот агент на Полјакот, Чезари Кухарски пред шпанското радио „Кадена Сер“ проговори за плановите на играчот.

„Тој сака да покаже дека е подобар од Бензема, па ова е уште една причина да замине во Барселона. Левандовски нема соништа. За него фудбалот е работа и тој е исклучителен професионалец. Реал Мадрид и Барселона се на исто ниво“, изјави полскиот менаџер.

„И Барса и Левандовски ќе се борат за овој трансфер. Мислам дека тоа е сосема можно, го гледам тоа. Тој мора да го притисне Баерн да го пушти побрзо. Шефовите на Баерн знаат дека сака да оди во Шпанија. Неговиот план беше Германија, потоа Шпанија и кариерата да ја заврши во САД“, откри Кухарски.

Тренерот на фудбалерите на Рома, Жозе Мурињо, го убедил англискиот репрезентативец, Арон ван Бисака да го напушти Манчестер Јунајтед и да се пресели во Рим, објавија дел од медиумите.  

Италијанскиот состав сака да го земе на едно-годишна позајмица а потоа да го откупи неговиот договор.

Десниот бек има трансферна вредност од 20 милиони евра.

Македонскиот фудбалски репрезентативец Езгијан Алиоски се најде во идеалниот тим од штотуку завршеното фудбалско првенство на Саудиска Арабија.

Алиоски со својот тим Ал Ахли не успеа да избори опстанок во Саудиската лига, но тоа не го намали неговиот играчки квалитет и добрите игри во изминатата сезона. Популарниот Џани е избран за најдобар лев бек во првенството и е дел од најдобрите единаесет играчи.

Според информациите Алиоски не планира останување во Ал Ахли и веќе ги разгледува можните опции за нов фудбалски клуб.

Фудбалерот на Париз Сен Жермен Марко Верати е ограбен во популарното шпанско летовалиште Ибица, а крадците од вилата каде бил сместен успеале да украдат 2,9 милиони евра, пренесуваат италијанските медиуми.

Верати на одмор бил заедно со сопругата, а уште не е познато зошто брачниот пар со себе носел толку висок износ на пари. 

Италијанецот својот одмор го поминувал во вила за која се верува дека му припаѓа на легендарниот Бразилец Роналдо.

Мет Тарнер е најновото засилување за фудбалскот состав Арсенал. Еден од најдобрите голмани во МЛС лигата кој стоеше на голот на Њу Ингланд, сега ќе има шанса да ги покаже квалитетите и во Европа.

Американецот кој има 28 години потпиша со „топчиите“ за наредните две сезони.

Неговото доаѓање веројатно ќе го натера резеврниот, голман Берн Лено, да си побара нова средина.

Директорот на Милан, Паоло Малдини ќе продолжи да работи во клубот и во иднина. Легендата на „росонерите“ постигна договор со газдите на клубот и ќе потпише нов договор. Се очекува веста да биде објавена во секој момент.

Актуелниот договор на Малдини истекува на 30-ти јуни, а постоеја сомнежи дали тој ќе продолжи да работи на „Сан Сиро“, велејќи дека постои несовпаѓање во разбирањата за развојот на клубот меѓу него и новите сопственици. Сепак, се чини дека нема ништо точно во оваа информација, бидејќи се очекува Малдини повторно да потпише до 2024 година. Истото ќе го направи и другиот директор на кој му истекува договорот, Рики Масара.

Малдини имаше прилично позитивен состанок со новиот сопственик Џери Кардинале претходно овој месец. Таму стана јасно дека тој ќе има можност да го засили тимот за новата сезона, без оглед на ограничениот трансфер буџет.

Арсенал е клуб кој е многу активен во летниот трансфер период. Тимот од Лондон веќе го доведе напаѓачот Габриел Жезус, пристигна и голманот Тарнер, а сега се работи на трансфер на дефанзивецот Лисандро Мартинез од Ајакс.

Челниците на Арсенал веќе испратија и втора понуда за Аргентинецот Мартинез вредна 40 милиони евра. Од Ајакс и натаму бараат 50 милиони, но се очекува дека двата клуба ќе дојдат до договор.

Тренерот Артета е решен да направи силна конкуренција во одбраната на тимот, каде освен Габриел и Бен Вајт, во екипата се врати и Салиба кој беше на позајмица во Марсеј.

Фудбалерот на Баерн Минхен Роберт Левандовски побара од својот менаџер што е можно побрзо да го реализира трансферот во Барселона.

Левандовски има договор со Баерн до јуни наредната година, но тој повеќе пати јавно изјави дека неговата ера во клубот од Минхен е завршена.

Според објавите во медиумите, менаџерот на полскиот репрезентативец веќе го контактирал претседателот на Барселона Жоан Лапорта со цел да се забрза постапката за трансфер во каталонскиот клуб. Информациите велат дека преговорите меѓу клубовите влегуваат во завршна фаза. Баерн за Левандовски побарува 60 милиони евра, но Барселона е подготвена да понуди околу 40 милиони евра.

Напаѓачот на ФК Лос Анџелес, Карлос Вела го продолжи договорот со клубот на една година. Ова го соопшти прес-службата на МЛС лигата.

„Не сакам да го напуштам клубот без да освојам трофеј. Се надевам дека ќе успеам оваа година“, изјави Вела.

Пред околу една недела Вела објави дека е подготвен да го напушти Лос Анџелес доколку не се договори со клубот за нов договор.

Вела важи за еден од најуспешните играчи во историјата на американскиот фудбал. За Лос Анџелес забележа 116 натпревари во МЛС, постигнувајќи 73 гола и 33 асистенции.