Германскиот фудбалски клуб Шалке 04 го назначи Томас Рајс за нов тренер на екипата. Главна цел на новиот тренер ќе биде обезбедување опстанок на клубот во Бундеслигата.

Рајс го презема Шалке после отказот кој го заработи во Бохум, тим кој е локален ривал и главен конкурент во битката за опстанок.

Шалке во моментот е последен на табелата, со шест бода од 11 натпревари, а Бохум е претпоследен со еден бод повеќе.

Рајс на клупата на Шалке ќе го замени Франк Крамер кој беше отпуштен од клубот после низата од пет порази.

Приоритет на Манчестер Јунајтед во зимскиот преоден рок ќе биде доведување на централен напаѓач.

Тен Хаг сака да се ослободи од Роналдо и да донесе робусен напаѓач, а прва мета е напаѓачот на Фулам, Александар Митровиќ.

Митровиќ е трет стрелец во англиската лига, па „ѓаволите“ би можеле наскоро да испратат понуда.

Србинот треба да биде замена за Роналдо во нападот, зашто Португалецот е на излезна врата од „Олд Трафорд“.

Тотенхем е заинтересиран за играчот за врска на Јувентус, Винстон Мекени, пренесуваат италијанските медиуми.

Со враќањето на Погба на терените, Мекени ќе добива уште помала минутажа, па Алегри дал зелено светло за негова продажба.

Американецот исто така е спремен да ја промени средината, а Конте верува дека идеално ќе се вклопи во неговата формација.

Јувентус за неговата слобода бара 20 милиони евра, а Тотенхем е спремен да ја плати таа сума уште во јануари.

Напаѓачот на Интер, Един Џеко, изјави дека не знае дали и во наредната сезона ќе го носи дресот на тој клуб.

Џеко одигра одлична партија во победата над Плзен во Лигата на шампионите, постигнувајќи два гола за Интер во натпреварот кој заврши со резултат 4:0. Со оваа победа италијанскиот тим обезбеди учество во осмина финалето на ЛШ.

„Не верувам дека ќе започнам преговори со клубот бидејќи уште е рана фаза на сезоната. Се чувствувам одлично и знам дека уште можам да играм на високо ниво, но ќе видиме дали ќе ја продолжам кариерата во дресот на Интер или во некој друг клуб“, изјавува Џеко.

36-годишниот фудбалер од Босна и Херцеговина во Интер пристигна од Рома во 2021.година.

Тренерот на Манчестер Јунајтед, Ерик тен Хаг , се одлучи за потенцијална замена за напаѓачот Кристијано Роналдо, објави „Мирор“.

Според изворот, во потесниот круг на холандскиот тренер има тројца напаѓачи: Џонатан Давид од Лил, Патрик Шик од Баер Леверкузен и Муса Дембеле од Олимпик Лион.

Клубот ќе ја разгледа можноста за стекнување на еден од напаѓачите во случај на разделба со Кристијано Роналдо во зимскиот преоден рок. Претходно беше објавено дека Манчестер Јунајтед е подготвен да го ослободи Португалецот бесплатно во јануари поради скандалот со него.

22-годишниот Давид настапи на 12 натпревари во француската Лига 1, постигнувајќи девет гола и три асистенции. Канаѓанецот е втор стрелец во францускиот шампионат.

26-годишниот Шик има 15 настапи во сите натпреварувања за Баер Леверкузен и постигна три гола, додека Муса Дембеле има девет настапи за Олимпик Лион во Лига 1 и постигна два гола.

Тренерот на Манчестер Јунајтед, Ерик тен Хаг, потврди дека дефанзивецот во екипата, Рафаел Варан, поради повреда на тетивата нема да игра за клубот до паузата за Светското првенство во Катар.

Францускиот репрезентативец се повреди на натпреварот од Премиер лигата против Челзи, поради што беше приморан да го напушти теренот во 60.минута.

Тен Хаг мисли дека 29-годишниот фудбалер сепак ќе може да игра за репрезентацијата на Франција на Мундијалот во Катар, кој ќе се одржува од 20.ноември до 18.декември.

Фудбалскиот клуб Барселона го одбра Рубен Невес од Вулверхемптон како замена за Серхио Бускетс, и неговото пристигнување во каталонскиот клуб ќе се реализира во зимскиот преоден рок.

Медиумите во Барселона пишуваат дека тренерот Чави дал зелено светло за финализирање на преговорите со играчот, и дека Рубен Невес изразил желба по секоја цена да прејде во Барселона.

Како решение се споменува доѓање на 25-годишниот португалскиот фудбалер во Барса како позајмен играч, со обрзувачки откуп на крајот од сезоната кој би изнесувал 50 милиони евра.

До крајот на групната фаза во Лигата на шампионите останува да се одигра уште едно коло, но веќе е познато дека во осмина финалето од ова натпреварување единствена шпанска екипа ќе биде Реал Мадрид. Ова претставува голем неуспех за една од најдобрите фудбалски лиги како што е шпанската Примера.

Во претпоследното коло од групната фаза во ЛШ, своето натпреварување го завршија Барселона, Атлетико Мадрид и Севиља. Од кога во сезоната 1999/2000, Лигата на шампионите го воведе форматот со кој најдобрите лиги во Европа даваат по четири претставници, никогаш не се случило  од групата да продолжи само една шпанска екипа.

Фудбалерот на Париз Сен Жермен, Лионел Меси, го собори рекордот на Кристијано Роналдо, по бројот на голови во Лигата на шампиони кои се постигнати надвор од шеснаесетникот.

Лионел Меси со ПСЖ оствари победа на домашен терен од 7:2 над Макаби Хаифа, а Аргентинецот на овај дуел постигна два гола. Вториот гол, Меси го реализира со удар надвор од шеснаесетникот, и беше негов 23 гол постигнат од оваа позиција, со што го престигна Роналдо кој во оваа категорија има 22 гола.

Роналдо останува најдобар стрелец во ЛШ со постигнати 140 гола, додека Меси стигна до 129 погодоци.

Иран е во центарот на вниманието пред почетокот на Светското првенство поради потенцијалното нејзино исфрлање.

Вчера Украинците објавија дека според нив тие треба да го добијат местото ако оваа азиска репрезентација биде исфрлена, а денес се јавија и Италијанците.

Италија преку својот амбасадор во Обединетите Нации, Маурицио Масари испрати писмо до претседателот на ФИФА Џани Инфантино во кое се наведува дека тие како актуелни шампиони на Европа имаат право да го побараат тоа место доколку Иран навистина биде исфрлен.